Segir Helgu fara með rangt mál Jón Þór Stefánsson skrifar 19. maí 2024 09:44 Kári sem er stuðningsmaður Katrínar segir Helgu fara með rangt mál. Vísir Kári Stefánsson, forstjóri Íslenskrar erfðagreiningar, segir Helgu Þórisdóttur, forsetaframbjóðanda og forstjóra Persónuverndar, hafa farið með rangt mál í Forystusætinu á RÚV í vikunni. Þar tjáði hún sig um erjur Persónuverndar og Íslenskar erfðagreiningar og sagði það hafa verið mikið áfall þegar Katrín Jakobsdóttir, mótframbjóðandi hennar og þáverandi forsætisráðherra, hafi staðið með einkafyrirtæki frekar en stofnun sem hafi verið að reyna að fylgja lögum. Málið varðar vinnu Íslenskar erfðagreiningar þegar Covid-19 faraldurinn var nýkominn hingað til lands. Persónuvernd vildi meina að vinnsla fyrirtækisins á persónuupplýsingum hefði ekki samrýmst persónuverndarlögum vegna þess að leyfi frá Vísindasiðanefnd hafi ekki legið fyrir snemma í aprílmánuði 2020. Persónuvernd úrskurðaði um þetta í nóvember 2021, en í mars í fyrra felldi Héraðsdómur Reykjavíkur ákvörðunina úr gildi. Rekur sögu málsins Í tilkynningu sem Kári sendi fréttastofu rekur hann sögu málsins, en þess má geta að hann er opinber stuðningsmaður Katrínar. „Nú skulum við skoða efni málsins sem Helga var að barma sér yfir: Samkvæmt sóttvarnarlögum var það hlutverk sóttvarnarlæknis að skipuleggja og framkvæma, varnir gegn Covid 19 og veittu lögin honum víðtækar heimildir til þess,“ segir í yfirlýsingu Kára. „Hann leitaði til íslenskrar erfðagreiningar um margvíslega aðstoð, eins og að greina sjúkdóminn, raðgreina veiruna úr öllum sem greindust, hanna hugbúnað til að halda utan um gögn sem urðu til, greina gögnin og sækja í þau nýja þekkingu sem mætti nýta í baráttunni við faraldurinn. Allt þetta gerði Íslensk erfðagreining í umboði sóttvarnarlæknis og að hans beiðni en á eigin kostnað. Fyrirtækið var um langan tíma allt lagt undir þjónustu við sóttvarnir.“ Segir stuðning Katrínar alvarlegan Líkt og áður segir sagði Helga það hafa verið áfall fyrir Persónuvernd þegar „þáverandi forsætisráðherra ákvað að stíga fram og styðja frekar einkafyrirtæki, sem hafði hótað okkur málshöfðun,“ frekar en Persónuvernd. „Það var sem sagt forstjóri sterks einkafyrirtækis sem átti í slíkum samskiptum við hana og birti þau samskipti,“ sagði Helga, og vísaði til Kára. Í málinu hafi Katrín tjáð skoðun sína á framferði Persónuverndar án þess að hafa rætt við forsvarsmenn Persónuverndar um afstöðu þeirra í málinu. „Og það er dálítið alvarlegt vegna þess að við erum algjörlega sjálfstæð stofnun og eigum bara að fara að lögum,“ sagði Helga við RÚV. Þar vísar hún til bréfs Katrínar til Kára frá því í janúar 2022 þar sem hún sagði úrskurð Persónuverndar hafa komið sér „mjög á óvart“. „Ég er sammála því mati sóttvarnarlæknis að umrædd rannsókn og vinnsla persónuupplýsinga (blóðsýnatakan) hafi verið hluti af opinberum sóttvarnaráðstöfunum, endavar hún unnin að beiðni sóttvarnalæknis og með Landspítalanum. Rannsóknina ber að skoða (ljósi aðstæðna í samfélaginu á þessum tíma þar sem unnið var íkapphlaupi við tímann til að afla frekari gagna og upplýsinga um veiruna og afleiðingar hennar sem voru síðan undirstaðan fyrir alla ákvarðanatöku um opinberar sóttvarnaráðstafanir,“ sagði Katrín á sínum tíma. Katrín hafi líklega gert sér grein fyrir málinu Í tilkynningu segir Kári að Katrín hafi verið að styðja sóttvarnalækni í málinu, en ekki Íslenska erfðagreiningu, sem hafi verið að vinna í umboði sóttvarnalæknis. Þar að auki hafi hún verið að taka afstöðu með fólkinu í landinu. „Að öllum líkindum gerði hún það vegna þess að hún gerði sér grein fyrir því að án þeirrar aðstoðar sem Persónuvernd ákvarðaði að væri ólögleg hefði verið ógjörningur að sinna sóttvörnum á þeim tíma sem faraldurinn var í hámarki,“ segir Kári. Hann minnist á að Helga hafi í þættinum sagt að Kári hefði hótað því að fara í mál við Persónuvernd. Þá vill Kári meina að Helga hafi gefið til kynna að Katrín hafi stutt sig í því. Hann segir það þó rangt. „Hvort tveggja er rangt, ég hótaði því ekki að fara í mál við Persónuvernd, ég sagðist ætla að fara í mál til þess að fá hnekkt þessari einu ákvörðun Persónuverndar sem ég og gerði og það mál vann ég í Héraði. Á það minntist Helga hins vegar ekki í viðtalinu. Ákvörðun Persónuverndar er ekki lengur gild enda var öll þessi vinna Íslenskrar erfðagreiningar unnin í samræmi við sóttvarnarlög og til þess að hlúa að hagsmunum samfélagsins“ Persónuvernd Forsetakosningar 2024 Íslensk erfðagreining Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór ýjar að stofnun nýs stjórnmálaflokks Innlent Harmar atvik þar sem konu var sagt að hún væri búin að kjósa Innlent Seinkun á tölum ekki að ástæðulausu Innlent Selenskí óskar Höllu Tómasdóttur til hamingju Innlent Ríkisstjórnin á erfiða daga fyrir höndum Innlent Óskar Höllu til hamingju: „Þú verður góður forseti“ Innlent Notkun Íslendinga á ADHD-lyfjum þrefaldaðist á tíu árum Innlent Svona var ávarp nýkjörinnar Höllu Tómasdóttur Innlent Fyrsti karlmakinn á Bessastöðum: „Draumaútkoman varð að veruleika” Innlent Fínt að það séu ekki bara „kallaforsetar“ Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira
Þar tjáði hún sig um erjur Persónuverndar og Íslenskar erfðagreiningar og sagði það hafa verið mikið áfall þegar Katrín Jakobsdóttir, mótframbjóðandi hennar og þáverandi forsætisráðherra, hafi staðið með einkafyrirtæki frekar en stofnun sem hafi verið að reyna að fylgja lögum. Málið varðar vinnu Íslenskar erfðagreiningar þegar Covid-19 faraldurinn var nýkominn hingað til lands. Persónuvernd vildi meina að vinnsla fyrirtækisins á persónuupplýsingum hefði ekki samrýmst persónuverndarlögum vegna þess að leyfi frá Vísindasiðanefnd hafi ekki legið fyrir snemma í aprílmánuði 2020. Persónuvernd úrskurðaði um þetta í nóvember 2021, en í mars í fyrra felldi Héraðsdómur Reykjavíkur ákvörðunina úr gildi. Rekur sögu málsins Í tilkynningu sem Kári sendi fréttastofu rekur hann sögu málsins, en þess má geta að hann er opinber stuðningsmaður Katrínar. „Nú skulum við skoða efni málsins sem Helga var að barma sér yfir: Samkvæmt sóttvarnarlögum var það hlutverk sóttvarnarlæknis að skipuleggja og framkvæma, varnir gegn Covid 19 og veittu lögin honum víðtækar heimildir til þess,“ segir í yfirlýsingu Kára. „Hann leitaði til íslenskrar erfðagreiningar um margvíslega aðstoð, eins og að greina sjúkdóminn, raðgreina veiruna úr öllum sem greindust, hanna hugbúnað til að halda utan um gögn sem urðu til, greina gögnin og sækja í þau nýja þekkingu sem mætti nýta í baráttunni við faraldurinn. Allt þetta gerði Íslensk erfðagreining í umboði sóttvarnarlæknis og að hans beiðni en á eigin kostnað. Fyrirtækið var um langan tíma allt lagt undir þjónustu við sóttvarnir.“ Segir stuðning Katrínar alvarlegan Líkt og áður segir sagði Helga það hafa verið áfall fyrir Persónuvernd þegar „þáverandi forsætisráðherra ákvað að stíga fram og styðja frekar einkafyrirtæki, sem hafði hótað okkur málshöfðun,“ frekar en Persónuvernd. „Það var sem sagt forstjóri sterks einkafyrirtækis sem átti í slíkum samskiptum við hana og birti þau samskipti,“ sagði Helga, og vísaði til Kára. Í málinu hafi Katrín tjáð skoðun sína á framferði Persónuverndar án þess að hafa rætt við forsvarsmenn Persónuverndar um afstöðu þeirra í málinu. „Og það er dálítið alvarlegt vegna þess að við erum algjörlega sjálfstæð stofnun og eigum bara að fara að lögum,“ sagði Helga við RÚV. Þar vísar hún til bréfs Katrínar til Kára frá því í janúar 2022 þar sem hún sagði úrskurð Persónuverndar hafa komið sér „mjög á óvart“. „Ég er sammála því mati sóttvarnarlæknis að umrædd rannsókn og vinnsla persónuupplýsinga (blóðsýnatakan) hafi verið hluti af opinberum sóttvarnaráðstöfunum, endavar hún unnin að beiðni sóttvarnalæknis og með Landspítalanum. Rannsóknina ber að skoða (ljósi aðstæðna í samfélaginu á þessum tíma þar sem unnið var íkapphlaupi við tímann til að afla frekari gagna og upplýsinga um veiruna og afleiðingar hennar sem voru síðan undirstaðan fyrir alla ákvarðanatöku um opinberar sóttvarnaráðstafanir,“ sagði Katrín á sínum tíma. Katrín hafi líklega gert sér grein fyrir málinu Í tilkynningu segir Kári að Katrín hafi verið að styðja sóttvarnalækni í málinu, en ekki Íslenska erfðagreiningu, sem hafi verið að vinna í umboði sóttvarnalæknis. Þar að auki hafi hún verið að taka afstöðu með fólkinu í landinu. „Að öllum líkindum gerði hún það vegna þess að hún gerði sér grein fyrir því að án þeirrar aðstoðar sem Persónuvernd ákvarðaði að væri ólögleg hefði verið ógjörningur að sinna sóttvörnum á þeim tíma sem faraldurinn var í hámarki,“ segir Kári. Hann minnist á að Helga hafi í þættinum sagt að Kári hefði hótað því að fara í mál við Persónuvernd. Þá vill Kári meina að Helga hafi gefið til kynna að Katrín hafi stutt sig í því. Hann segir það þó rangt. „Hvort tveggja er rangt, ég hótaði því ekki að fara í mál við Persónuvernd, ég sagðist ætla að fara í mál til þess að fá hnekkt þessari einu ákvörðun Persónuverndar sem ég og gerði og það mál vann ég í Héraði. Á það minntist Helga hins vegar ekki í viðtalinu. Ákvörðun Persónuverndar er ekki lengur gild enda var öll þessi vinna Íslenskrar erfðagreiningar unnin í samræmi við sóttvarnarlög og til þess að hlúa að hagsmunum samfélagsins“
Persónuvernd Forsetakosningar 2024 Íslensk erfðagreining Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór ýjar að stofnun nýs stjórnmálaflokks Innlent Harmar atvik þar sem konu var sagt að hún væri búin að kjósa Innlent Seinkun á tölum ekki að ástæðulausu Innlent Selenskí óskar Höllu Tómasdóttur til hamingju Innlent Ríkisstjórnin á erfiða daga fyrir höndum Innlent Óskar Höllu til hamingju: „Þú verður góður forseti“ Innlent Notkun Íslendinga á ADHD-lyfjum þrefaldaðist á tíu árum Innlent Svona var ávarp nýkjörinnar Höllu Tómasdóttur Innlent Fyrsti karlmakinn á Bessastöðum: „Draumaútkoman varð að veruleika” Innlent Fínt að það séu ekki bara „kallaforsetar“ Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira