Vilja vekja áhuga ungu kynslóðarinnar á töfrum klassískrar tónlistar Margrét Helga Erlingsdóttir skrifar 28. apríl 2024 19:24 Stelpurnar vinna vel saman og allt gengur hnökralaust fyrir sig á æfingum. Vísir/Ívar Þrjár táningsstúlkur, sem hófu tónlistarnám á leikskólaaldri, hafa stofnað kammersveit og stefna hátt. Þær vilja höfða til ungu kynslóðarinnar og vekja áhuga hennar á töfrum klassískrar tónlistar. Þrátt fyrir að vera ungar að árum eru þær Sigrún Marta Arnaldsdóttir, Sól Björnsdóttir og Sveindís Eir Steinunnardóttir hoknar af reynslu og hafa æft á sín hljóðfæri í fleiri fleiri ár. „Ég var fjögurra ára þegar ég byrjaði,“ sagði Sigrún Marta víóluleikari. Það mátti ekki seinna vera? „Nei,“ sagði Sigrún og skellti upp úr og sagðist mæla með tónlistarnámi því það væri bæði gaman að spila á hljóðfæri en svo væri félagsskapurinn góður. Sveindís var fimm ára þegar hún byrjaði að æfa og Sól byrjaði að æfa á píanó fjögurra ára. Þessar framtakssömu stúlkur hafa nú stofnað kammersveit. „Þetta byrjaði allt í Brianston þar sem við vorum allar saman á námskeiði og þá fengum við bara þá hugmynd að stofna kammersveit,“ útskýrir Sól. „Brianston er sumarnámskeið fyrir tónlistarkrakka í Bretlandi og við hugsuðum bara hey! Við erum allar í sama tónlistarskólanum og við getum bara stofnað kammersveit,“ segir Sveindís. Þetta er mikil vinna en gefandi. „Það eru náttúrulega algjör forréttindi að geta spilað svona fallega tónlist með öðrum. Við viljum líka þakka kennurunum okkar í Allegro Suzuki tónlistarskólanum.“ Stelpurnar stefna hátt. „Okkar markmið er að höfða til ungs fólks með því að vekja áhuga á klassískri tónlist og alveg sérstaklega rómantískri tónlist sem við erum mest búnar að vera að spila,“ segir Sól. Þið viljið auka veg klassískrar tónlistar á Íslandi? „Já og sýna að það sé mjög gaman að spila saman og spila klassíska tónlist,“ segir Sveindís. Tónlist Tónlistarnám Menning Mest lesið Króli gat ekki hugsað um neitt annað en Bjór Tónlist „Þetta er enginn helvítis félagskvíði, það bara þolir mig enginn“ Áskorun Eigendur Akureyri Backpackers selja höllina Lífið Frikki Dór reyndi að slá Íslandsmet Lífið Stofnaði íþróttavörumerki tvítug Lífið Íslenskur hryllingstryllir á Vestfjörðum vekur athygli í Tribeca Bíó og sjónvarp Fékk sér þrjú húðflúr í andlitið Lífið Foreldrum hætti til að setja pressu á börn sín Lífið Fjölgar í fjölskyldu Bjarna Ben Lífið „Þegar ég vakna þá trúi ég því ekki að við séum saman“ Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Þrátt fyrir að vera ungar að árum eru þær Sigrún Marta Arnaldsdóttir, Sól Björnsdóttir og Sveindís Eir Steinunnardóttir hoknar af reynslu og hafa æft á sín hljóðfæri í fleiri fleiri ár. „Ég var fjögurra ára þegar ég byrjaði,“ sagði Sigrún Marta víóluleikari. Það mátti ekki seinna vera? „Nei,“ sagði Sigrún og skellti upp úr og sagðist mæla með tónlistarnámi því það væri bæði gaman að spila á hljóðfæri en svo væri félagsskapurinn góður. Sveindís var fimm ára þegar hún byrjaði að æfa og Sól byrjaði að æfa á píanó fjögurra ára. Þessar framtakssömu stúlkur hafa nú stofnað kammersveit. „Þetta byrjaði allt í Brianston þar sem við vorum allar saman á námskeiði og þá fengum við bara þá hugmynd að stofna kammersveit,“ útskýrir Sól. „Brianston er sumarnámskeið fyrir tónlistarkrakka í Bretlandi og við hugsuðum bara hey! Við erum allar í sama tónlistarskólanum og við getum bara stofnað kammersveit,“ segir Sveindís. Þetta er mikil vinna en gefandi. „Það eru náttúrulega algjör forréttindi að geta spilað svona fallega tónlist með öðrum. Við viljum líka þakka kennurunum okkar í Allegro Suzuki tónlistarskólanum.“ Stelpurnar stefna hátt. „Okkar markmið er að höfða til ungs fólks með því að vekja áhuga á klassískri tónlist og alveg sérstaklega rómantískri tónlist sem við erum mest búnar að vera að spila,“ segir Sól. Þið viljið auka veg klassískrar tónlistar á Íslandi? „Já og sýna að það sé mjög gaman að spila saman og spila klassíska tónlist,“ segir Sveindís.
Tónlist Tónlistarnám Menning Mest lesið Króli gat ekki hugsað um neitt annað en Bjór Tónlist „Þetta er enginn helvítis félagskvíði, það bara þolir mig enginn“ Áskorun Eigendur Akureyri Backpackers selja höllina Lífið Frikki Dór reyndi að slá Íslandsmet Lífið Stofnaði íþróttavörumerki tvítug Lífið Íslenskur hryllingstryllir á Vestfjörðum vekur athygli í Tribeca Bíó og sjónvarp Fékk sér þrjú húðflúr í andlitið Lífið Foreldrum hætti til að setja pressu á börn sín Lífið Fjölgar í fjölskyldu Bjarna Ben Lífið „Þegar ég vakna þá trúi ég því ekki að við séum saman“ Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira