Einyrki ársins 2004 15. júní 2004 00:01 "Ég er búinn að vera sjómaður í 27 ár og hef kynnst því áður að vinna allan sólarhringinn. Sú reynsla hefur nýst vel síðustu vikurnar því salan á kartöflukökunum hefur gengið ævintýralega," segir Auðunn Helgi Herlufsen hjá Drangabakstri en hann var valinn "einyrki ársins" á heimasíðu sýningarinnar Matur 2004. Auðunn hóf að baka kartöflukökur undir merkjum Drangabaksturs dag einn í febrúar sl. og nú eru þær komnar í flesta stórmarkaði bæjarins og einnig til Akureyrar, Akraness, Njarðvíkur og Selfoss. Kartöflukökurnar eru að sjálfsögðu búnar til úr kartöflum en einnig koma súrmjólk, hveitiklíð og fleiri hráefnistegundir við sögu. Þær eru bakaðar á eldavélarhellu og snæddar með smjöri og áleggi, einnig eru þær góðar af grillinu, sem meðlæti með súpum og sem pizzubotnar. Auðunn gerir allt sjálfur, bakar, keyrir út, kynnir vöruna og sér um bókhaldið auk þess að hafa teiknað lógó fyrirtækisins. Reyndar fær hann hjálp við baksturinn og einnig nýtur hann aðstoðar ötullar móður sinnar, Þorbjargar Samúelsdóttur sem er "ein þeirra kvenna sem aldrei fellur verk úr hendi," svo notuð séu orð hans. Frá henni og formæðrum hennar er uppskriftin líka komin sem liggur að baki velgengninni. Uppruninn er á Dröngum í Strandarsýslu og nafn fyrirtækisins og lógó eru þeim til heiðurs. "Drangar eru magnaður staður og mér finnst eins og æðri máttarvöld séu fyrirtækinu hliðholl," segir hann og lýsir gangi mála. "Þetta byrjaði allt með sýningunni Matur 2004. Ég var á rúntinum á mánudegi þegar ég heyrði um þessa einyrkjadeild þar, tók vinkilbeygju og skráði mig. Hafði stofnað fyrirtækið á föstudeginum áður og var hvorki kominn með húsnæði né vélar en sýningin átti að hefjast þremur dögum seinna. Ég fékk húsnæði á miðvikudeginum og þann dag sá ég auglýsta flatningsvél í bakaríi í Ólafsvík, hringdi vestur og vélarnar voru komnar fyrir hádegi daginn eftir. Mamma var tilbúin með degið, við byrjuðum að baka klukkan eitt og ég var mættur kl. fjögur á sýninguna með fyrstu kökurnar í hitakassa. Þær slógu í gegn. Klukkan hálf sjö á mánudagsmorgninum eftir sýninguna hringdi fyrsti viðskiptavinurinn og síðan hefur þetta ekki stoppað." Matur Mest lesið Steinunn vill fá Ásdísi með sér í „Kynbombuflokkinn“ Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Klæddu sig upp sem frambjóðendur Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Ofboðslega stolt af dóttur sinni Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
"Ég er búinn að vera sjómaður í 27 ár og hef kynnst því áður að vinna allan sólarhringinn. Sú reynsla hefur nýst vel síðustu vikurnar því salan á kartöflukökunum hefur gengið ævintýralega," segir Auðunn Helgi Herlufsen hjá Drangabakstri en hann var valinn "einyrki ársins" á heimasíðu sýningarinnar Matur 2004. Auðunn hóf að baka kartöflukökur undir merkjum Drangabaksturs dag einn í febrúar sl. og nú eru þær komnar í flesta stórmarkaði bæjarins og einnig til Akureyrar, Akraness, Njarðvíkur og Selfoss. Kartöflukökurnar eru að sjálfsögðu búnar til úr kartöflum en einnig koma súrmjólk, hveitiklíð og fleiri hráefnistegundir við sögu. Þær eru bakaðar á eldavélarhellu og snæddar með smjöri og áleggi, einnig eru þær góðar af grillinu, sem meðlæti með súpum og sem pizzubotnar. Auðunn gerir allt sjálfur, bakar, keyrir út, kynnir vöruna og sér um bókhaldið auk þess að hafa teiknað lógó fyrirtækisins. Reyndar fær hann hjálp við baksturinn og einnig nýtur hann aðstoðar ötullar móður sinnar, Þorbjargar Samúelsdóttur sem er "ein þeirra kvenna sem aldrei fellur verk úr hendi," svo notuð séu orð hans. Frá henni og formæðrum hennar er uppskriftin líka komin sem liggur að baki velgengninni. Uppruninn er á Dröngum í Strandarsýslu og nafn fyrirtækisins og lógó eru þeim til heiðurs. "Drangar eru magnaður staður og mér finnst eins og æðri máttarvöld séu fyrirtækinu hliðholl," segir hann og lýsir gangi mála. "Þetta byrjaði allt með sýningunni Matur 2004. Ég var á rúntinum á mánudegi þegar ég heyrði um þessa einyrkjadeild þar, tók vinkilbeygju og skráði mig. Hafði stofnað fyrirtækið á föstudeginum áður og var hvorki kominn með húsnæði né vélar en sýningin átti að hefjast þremur dögum seinna. Ég fékk húsnæði á miðvikudeginum og þann dag sá ég auglýsta flatningsvél í bakaríi í Ólafsvík, hringdi vestur og vélarnar voru komnar fyrir hádegi daginn eftir. Mamma var tilbúin með degið, við byrjuðum að baka klukkan eitt og ég var mættur kl. fjögur á sýninguna með fyrstu kökurnar í hitakassa. Þær slógu í gegn. Klukkan hálf sjö á mánudagsmorgninum eftir sýninguna hringdi fyrsti viðskiptavinurinn og síðan hefur þetta ekki stoppað."
Matur Mest lesið Steinunn vill fá Ásdísi með sér í „Kynbombuflokkinn“ Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Klæddu sig upp sem frambjóðendur Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Ofboðslega stolt af dóttur sinni Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira