Fyrsta flugið til Íslands var hluti heimsviðburðar Kristján Már Unnarsson skrifar 7. maí 2024 22:34 Leifur Reynisson sagnfræðingur rakti sögu fyrsta flugsins yfir úthafið til Íslands á Ljósmyndasafni Reykjavíkur í dag. KMU Ljósmyndasafn Reykjavíkur minntist þess í dag að eitthundrað ár verða liðin í sumar frá því flugvélar flugu í fyrsta sinn yfir hafið til Íslands. Þessa dagana standa alþjóðasamtök flugfélaga fyrir ráðstefnu í Reykjavík um hvernig bæta megi þjónustu á flugvöllum á heimsvísu. Í fréttum Stöðvar 2 var farið á Ljósmyndasafn Reykjavíkur við Reykjavíkurhöfn. Ljósmyndir frá því í ágústmánuði 1924 birtust þeim gestum sem hlýddu á fyrirlestur Leifs Reynissonar í dag um þau tímamót í samgöngusögu Íslands þegar flugvélar flugu hingað í fyrsta sinn yfir úthafið. Önnur flugvélin af tveimur að koma inn til lendingar á Reykjavíkurhöfn þann 5. ágúst árið 1924. Þetta var fyrsta millilandaflugið til Íslands en vélarnar lentu fyrst á Hornafirði.Magnús Ólafsson/Ljósmyndasafn Reykjavíkur „Ég á nú að heita sagnfræðingur en ég áttaði mig ekki á þessum viðburði fyrr en bara fyrir tilviljun á síðasta ári. Þessu hefur ekki verið mikið hampað í sögubókum og einhvern veginn hefur svona bara gleymst, held ég. Og full ástæða til þess að draga þetta fram og sérstaklega að nota tækifærið núna þegar þessi hundrað ár eru liðin,” segir Leifur Reynisson sagnfræðingur. Flugvélarnar voru í hnattflugsleiðangri á vegum Bandaríkjahers og komu hingað frá Skotlandi. Fyrstu vélinni flaug hinn sænskættaði Erik Nelson og lenti hann á Hornafirði þann 2. ágúst áður en haldið var til Reykjavíkur þremur dögum síðar. Þetta var fimm árum eftir að fyrstu flugtilraunir voru gerðar á Íslandi árið 1919. Sjóflugvélin New Orleans dregin upp á steinbryggjuna í Reykjavíkurhöfn þann 5. ágúst 1924. Flugmaður hennar var Erik H. Nelson og honum til aðstoðar John Harding.Jón Jónsson frá Þjórsárholti/Ljósmyndasafn Reykjavíkur „Þetta var miklu viðaminna árið 1919, getum við sagt. Þetta voru stuttar vegalengdir sem farið var. En 1924, þá var þetta stórviðburður. Því að það var flogið um haf langa vegalengd. Og við vorum hluti af heimsviðburði,” segir Leifur. Bandarísku flugmennirnir við morgunverðarborð á Hótel Íslandi í ágúst 1924. Frá vinstri: Erik Nelson, John Harding, Lowell H. Smith og Leslie P. Arnold. Ljósmyndasafn Reykjavíkur Það er skemmtileg tilviljun að við þessa sömu höfn, þar sem flugleiðangurinn í fyrsta hnattfluginu lenti fyrir eitthundrað árum, stendur núna yfir fjögurra daga ráðstefna Alþjóðasamtaka flugfélaga, IATA. Þar eru samankomnir yfir sjöhunduð fulltrúar flugheimsins til að ræða um hvernig bæta megi afgreiðslu á flugvöllum. Framkvæmdastjóri IATA, Willie Walsh, segir til dæmis brýnt að bæta upplifun farþega í öryggisleit. Willie Walsh, framkvæmdastjóri IATA, í Hörpu í dag. Hann stýrði áður British Airways og Air Lingus.Bjarni Einarsson „Miklar tækniframfarir hafa orðið. Nýr skönnunarbúnaður gerir farþegum til dæmis kleift að skilja fartölvur og vökva í töskum sínum. Þetta hefur ekki verið tekið upp hjá öllum flugyfirvöldum á heimsvísu og er það afleitt.” Willie Walsh stýrði áður British Airways og Air Lingus og hann dáist að því hvernig Íslendingum hefur tekist að gera Keflavík að tengimiðstöð. „Flugið er afar mikilvægt fyrir tengjanleika og einnig fyrir efnahaginn. Þið hafið því umtalsvert forskot hér á Íslandi að því leyti að þið hafið gert Ísland að tengimiðstöð,” segir Willie Walsh, framkvæmdastjóri IATA. Hér má sjá frétt Stöðvar 2: Fréttir af flugi Söfn Tengdar fréttir 100 ára flugsaga Íslands Þann 3. september árið 1919 hóf fyrsta flugvélin sig til lofts á Íslandi og gerðist það í Vatnsmýrinni. Flugmálafélagið, Þristavinafélagið og Isavia hafa minnst þessara tímamóta en fjölmenni var á hinum árlega flugdegi. 29. júní 2019 22:08 Minna vesen í öryggisleitinni með nýjum búnaði Ráðist verður í fjárfestingu á nýjum og byltingarkenndum búnaði fyrir öryggisleit Keflavíkurflugvallar sem bæði mun auka öryggi og þægindi farþega því með tilkomu búnaðarins munu farþegar ekki lengur þurfa að taka vökva og tölvur upp úr töskum sínum í öryggisleitinni. Miðað er við uppsetningu gegnumlýsisbúnaðarins um mitt ár 2025 en fjárfestingin hljóðar upp á einn og hálfan milljarð. 21. september 2023 14:15 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enginn ávinningur annar en einfaldlega hrært vatn Innlent „Hver sofnaði á verðinum?“ Innlent Grunaður um að hafa brotið á konu um borð í Polar Nanoq Innlent Hraun runnið að Grindavíkurvegi Innlent Siggi stormur stendur við spána Innlent Skrifaði á sig í gríð og erg og fær engar bætur eftir uppsögn Innlent Drápu 93 við að bjarga gíslunum fjórum Erlent Vinstri græn geti farið í sögubækurnar Innlent Fjórir gíslar frelsaðir á Gasa Erlent Áhlaupinu lokið en annað ekki útilokað Innlent Fleiri fréttir Borgarstjóri á hvolfi hátt yfir Reykjavík Vanhæfur þegar hann dæmdi mann til að greiða 142 milljónir Tvö þúsund manns heimsóttu Guðna í síðasta sinn Ekki lagaheimild fyrir einhliða viðskiptaþvingunum gegn Ísrael Sækja tvo slasaða eftir bílveltu Telur að lokast hafi fyrir gíginn að hluta Grunaður um að hafa brotið á konu um borð í Polar Nanoq Blóðbað við björgun gísla og bein útsending frá Grindavíkurvegi Áhlaupinu lokið en annað ekki útilokað „Verið að ráðast á lýðræðið og boðar aldrei gott“ „Hver sofnaði á verðinum?“ Vinstri græn geti farið í sögubækurnar Brennó, pönnukökubakstur og stígvélakast á landsmóti „Þetta er nánast allt eins og við áttum von á“ Grindavíkurvegur undir hraun og alvarleg árás á forsætisráðherra Skrifaði á sig í gríð og erg og fær engar bætur eftir uppsögn Hraun runnið að Grindavíkurvegi Enginn ávinningur annar en einfaldlega hrært vatn Borgarstjórinn tekinn í listflug á flugsýningu Engin orð sem lýsa deginum örlagaríka í Grindavík Siggi stormur stendur við spána Lyfjarisinn veitir offitufræðslu: „Hvaðan á þetta að koma?“ Telur kjördæmin of stór og vill jafna vægi atkvæða Þyngri dómur fyrir að nauðga barnungri mágkonu 12 þúsundasti íbúi Árborgar heiðraður Dómar vegna manndrápsins í Hafnarfirði þyngdir Krísufundur VG, ónýt stúka og tónleikar í beinni „Finnum að það er upplifun einhverra íbúa að okkur sé alveg sama“ Fluttur á sjúkrahús eftir árekstur nærri Hvalfjarðargöngum Land er hætt að síga í Svartsengi Sjá meira
Í fréttum Stöðvar 2 var farið á Ljósmyndasafn Reykjavíkur við Reykjavíkurhöfn. Ljósmyndir frá því í ágústmánuði 1924 birtust þeim gestum sem hlýddu á fyrirlestur Leifs Reynissonar í dag um þau tímamót í samgöngusögu Íslands þegar flugvélar flugu hingað í fyrsta sinn yfir úthafið. Önnur flugvélin af tveimur að koma inn til lendingar á Reykjavíkurhöfn þann 5. ágúst árið 1924. Þetta var fyrsta millilandaflugið til Íslands en vélarnar lentu fyrst á Hornafirði.Magnús Ólafsson/Ljósmyndasafn Reykjavíkur „Ég á nú að heita sagnfræðingur en ég áttaði mig ekki á þessum viðburði fyrr en bara fyrir tilviljun á síðasta ári. Þessu hefur ekki verið mikið hampað í sögubókum og einhvern veginn hefur svona bara gleymst, held ég. Og full ástæða til þess að draga þetta fram og sérstaklega að nota tækifærið núna þegar þessi hundrað ár eru liðin,” segir Leifur Reynisson sagnfræðingur. Flugvélarnar voru í hnattflugsleiðangri á vegum Bandaríkjahers og komu hingað frá Skotlandi. Fyrstu vélinni flaug hinn sænskættaði Erik Nelson og lenti hann á Hornafirði þann 2. ágúst áður en haldið var til Reykjavíkur þremur dögum síðar. Þetta var fimm árum eftir að fyrstu flugtilraunir voru gerðar á Íslandi árið 1919. Sjóflugvélin New Orleans dregin upp á steinbryggjuna í Reykjavíkurhöfn þann 5. ágúst 1924. Flugmaður hennar var Erik H. Nelson og honum til aðstoðar John Harding.Jón Jónsson frá Þjórsárholti/Ljósmyndasafn Reykjavíkur „Þetta var miklu viðaminna árið 1919, getum við sagt. Þetta voru stuttar vegalengdir sem farið var. En 1924, þá var þetta stórviðburður. Því að það var flogið um haf langa vegalengd. Og við vorum hluti af heimsviðburði,” segir Leifur. Bandarísku flugmennirnir við morgunverðarborð á Hótel Íslandi í ágúst 1924. Frá vinstri: Erik Nelson, John Harding, Lowell H. Smith og Leslie P. Arnold. Ljósmyndasafn Reykjavíkur Það er skemmtileg tilviljun að við þessa sömu höfn, þar sem flugleiðangurinn í fyrsta hnattfluginu lenti fyrir eitthundrað árum, stendur núna yfir fjögurra daga ráðstefna Alþjóðasamtaka flugfélaga, IATA. Þar eru samankomnir yfir sjöhunduð fulltrúar flugheimsins til að ræða um hvernig bæta megi afgreiðslu á flugvöllum. Framkvæmdastjóri IATA, Willie Walsh, segir til dæmis brýnt að bæta upplifun farþega í öryggisleit. Willie Walsh, framkvæmdastjóri IATA, í Hörpu í dag. Hann stýrði áður British Airways og Air Lingus.Bjarni Einarsson „Miklar tækniframfarir hafa orðið. Nýr skönnunarbúnaður gerir farþegum til dæmis kleift að skilja fartölvur og vökva í töskum sínum. Þetta hefur ekki verið tekið upp hjá öllum flugyfirvöldum á heimsvísu og er það afleitt.” Willie Walsh stýrði áður British Airways og Air Lingus og hann dáist að því hvernig Íslendingum hefur tekist að gera Keflavík að tengimiðstöð. „Flugið er afar mikilvægt fyrir tengjanleika og einnig fyrir efnahaginn. Þið hafið því umtalsvert forskot hér á Íslandi að því leyti að þið hafið gert Ísland að tengimiðstöð,” segir Willie Walsh, framkvæmdastjóri IATA. Hér má sjá frétt Stöðvar 2:
Fréttir af flugi Söfn Tengdar fréttir 100 ára flugsaga Íslands Þann 3. september árið 1919 hóf fyrsta flugvélin sig til lofts á Íslandi og gerðist það í Vatnsmýrinni. Flugmálafélagið, Þristavinafélagið og Isavia hafa minnst þessara tímamóta en fjölmenni var á hinum árlega flugdegi. 29. júní 2019 22:08 Minna vesen í öryggisleitinni með nýjum búnaði Ráðist verður í fjárfestingu á nýjum og byltingarkenndum búnaði fyrir öryggisleit Keflavíkurflugvallar sem bæði mun auka öryggi og þægindi farþega því með tilkomu búnaðarins munu farþegar ekki lengur þurfa að taka vökva og tölvur upp úr töskum sínum í öryggisleitinni. Miðað er við uppsetningu gegnumlýsisbúnaðarins um mitt ár 2025 en fjárfestingin hljóðar upp á einn og hálfan milljarð. 21. september 2023 14:15 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enginn ávinningur annar en einfaldlega hrært vatn Innlent „Hver sofnaði á verðinum?“ Innlent Grunaður um að hafa brotið á konu um borð í Polar Nanoq Innlent Hraun runnið að Grindavíkurvegi Innlent Siggi stormur stendur við spána Innlent Skrifaði á sig í gríð og erg og fær engar bætur eftir uppsögn Innlent Drápu 93 við að bjarga gíslunum fjórum Erlent Vinstri græn geti farið í sögubækurnar Innlent Fjórir gíslar frelsaðir á Gasa Erlent Áhlaupinu lokið en annað ekki útilokað Innlent Fleiri fréttir Borgarstjóri á hvolfi hátt yfir Reykjavík Vanhæfur þegar hann dæmdi mann til að greiða 142 milljónir Tvö þúsund manns heimsóttu Guðna í síðasta sinn Ekki lagaheimild fyrir einhliða viðskiptaþvingunum gegn Ísrael Sækja tvo slasaða eftir bílveltu Telur að lokast hafi fyrir gíginn að hluta Grunaður um að hafa brotið á konu um borð í Polar Nanoq Blóðbað við björgun gísla og bein útsending frá Grindavíkurvegi Áhlaupinu lokið en annað ekki útilokað „Verið að ráðast á lýðræðið og boðar aldrei gott“ „Hver sofnaði á verðinum?“ Vinstri græn geti farið í sögubækurnar Brennó, pönnukökubakstur og stígvélakast á landsmóti „Þetta er nánast allt eins og við áttum von á“ Grindavíkurvegur undir hraun og alvarleg árás á forsætisráðherra Skrifaði á sig í gríð og erg og fær engar bætur eftir uppsögn Hraun runnið að Grindavíkurvegi Enginn ávinningur annar en einfaldlega hrært vatn Borgarstjórinn tekinn í listflug á flugsýningu Engin orð sem lýsa deginum örlagaríka í Grindavík Siggi stormur stendur við spána Lyfjarisinn veitir offitufræðslu: „Hvaðan á þetta að koma?“ Telur kjördæmin of stór og vill jafna vægi atkvæða Þyngri dómur fyrir að nauðga barnungri mágkonu 12 þúsundasti íbúi Árborgar heiðraður Dómar vegna manndrápsins í Hafnarfirði þyngdir Krísufundur VG, ónýt stúka og tónleikar í beinni „Finnum að það er upplifun einhverra íbúa að okkur sé alveg sama“ Fluttur á sjúkrahús eftir árekstur nærri Hvalfjarðargöngum Land er hætt að síga í Svartsengi Sjá meira
100 ára flugsaga Íslands Þann 3. september árið 1919 hóf fyrsta flugvélin sig til lofts á Íslandi og gerðist það í Vatnsmýrinni. Flugmálafélagið, Þristavinafélagið og Isavia hafa minnst þessara tímamóta en fjölmenni var á hinum árlega flugdegi. 29. júní 2019 22:08
Minna vesen í öryggisleitinni með nýjum búnaði Ráðist verður í fjárfestingu á nýjum og byltingarkenndum búnaði fyrir öryggisleit Keflavíkurflugvallar sem bæði mun auka öryggi og þægindi farþega því með tilkomu búnaðarins munu farþegar ekki lengur þurfa að taka vökva og tölvur upp úr töskum sínum í öryggisleitinni. Miðað er við uppsetningu gegnumlýsisbúnaðarins um mitt ár 2025 en fjárfestingin hljóðar upp á einn og hálfan milljarð. 21. september 2023 14:15