Losnar af réttargeðdeild eftir allt saman

Atli Ísleifsson skrifar 14. maí 2024 08:19

Josef Fritzl við dómsuppsögu árið 2009. Getty

Dómstóll í Austurríki hefur úrskurðað að flytja eigi hinn 89 ára Josel Fritzl af réttargeðdeild og í venjulegt fangelsi. Fritzl var árið 2009 dæmdur í lífstíðarfangelsi fyrir að hafa misnotað og haldið dóttur sinni innilokaðri í kjallara í bænum Amstetten í 24 ár. Á þeim tíma eignaðist hann með henni sjö börn.

Málið hefur velkst um í austurríska dómskerfinu síðustu mánuði. Í janúar úrskurðaði dómstóll að Fritzl skyldi fluttur af réttargeðdeildinni, þar sem hann hefur afplánað dóminn, í venjulegt fangelsi. Málinu var svo áfrýjað sem lauk með að úrskurðurinn var felldur úr gildi í mars.

Nú greinir Reuters frá því að annar dómstóll hafi úrskurðað að Fritzl skuli fluttur í venjulegt fangelsi. Astrid Wagner, lögmaður Fritzl, segir að farið verði fram á að reynslulausn.

Hann var á sínum tíma sakfelldur fyrir nauðgun, vanrækslu og manndráp, en eitt barnanna lést vegna vanrækslu.

Austurríkir fjölmiðlar segja að heilsu Fritzl fari hrakandi og að hann glími við heilabilun á frumstigi.

Fritzl breytti fyrir nokkru um nafn en nýtt nafn hans hefur ekki verið gert opinbert.

Mál Josef Fritzl Austurríki Erlend sakamál

Tengdar fréttir

Fritzl verður áfram á réttargeðdeild

Josef Fritzl verður ekki fluttur í almennt fangelsi í Austurríki í bili og verður þess í stað áfram á réttargeðdeild í öryggisfangelsi. Fyrri ákvörðun hefur verið snúið af áfrýjunardómstól en upprunalegi úrskurðurinn byggði á því að ekki væri talið að ógn stafaði af Fritzl.

11. mars 2024 12:25

Dómstóll í Vín úrskurðar um flutning Fritzl

Saksóknari í Austurríki hefur áfrýjað ákvörðun héraðsdómstóls í Krems í Austurríki um að flytja Josef Fritzl af réttargeðdeild í öryggisfangelsi í venjulegt fangelsi.

1. febrúar 2024 23:22

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir