GTA-leikari „svattaður“ í beinni Samúel Karl Ólason skrifar 24. nóvember 2023 13:45 Ned Luke leikur Michael De Santa í Grand Theft Auto 5. Lögreglunni var sigað að heimili leikarans Ned Luke, sem lék glæpamanninn Michael De Santa í Grand Theft Auto 5, einum vinsælasta tölvuleik sögunnar, í gærkvöldi. Það var gert þegar hann var að streyma sig spila GTA 5. Á meðan hann var að spila fékk Luke símtal þar sem honum var sagt að fjöldi lögregluþjóna væri fyrir utan heimili hans. Hann kíkti út um gluggann og sagði: „Frábært.“ „Jæja. Ég þarf að hætta,“ sagði Luke svo við áhorfendur sína. „Nú hafa þessir drullusokkar svattað húsið mitt.“ GTA 5 voice actor Ned Luke was just swatted while playing GTA pic.twitter.com/0crfqjnexv— Dexerto (@Dexerto) November 23, 2023 Það að siga lögreglunni á fólk sem er að streyma í beinni útsendingu gerist reglulega í Bandaríkjunum og kallast þetta „Swatting“ á ensku. Það felur í sér að fólk hringir í Neyðarlínuna og segir neyðartilvik eiga sér stað á heimili viðkomandi. Fólk sem starfar við að streyma, hvort sem það er að spila tölvuleiki eða annað, er reglulega „svattað“, ef svo má segja. Þetta getur falið í sér að þungvopnaðir lögregluþjónar ryðjast inn á heimili fólks, þar sem þeir búast við gíslatöku eða annarskonar hættuástandi. Fólk hefur verið skotið til bana af lögregluþjónum vegna þessara athæfa. Sjá einnig: Játar að hafa sigað lögreglunni á saklausan mann sem var skotinn til bana Nokkrum klukkustundum eftir að Luke lauk streymi sínu, svaraði hann áhorfanda á X, sem hafði gagnrýnt framleiðendur GTA fyrir að hafa IP-tölu spilara sýnilegar. Hægt er að finna heimilisfang fólks út frá IP-tölum. Luke sagði atvikið ekki á ábyrgð Rockstar, áðurnefndra framleiðenda. Persónuupplýsingum hans hefði verið lekið á netið fyrir löngu síðan og þetta hefði nokkrum sinnum verið gert síðan þá. Í grein Eurogamer er bent á að pitsusendill sem vann í hverfi Luke segist hafa séð lögregluna við hús leikarans áður. Þá var umræddur pitsusendill að fara með pitsur heim til Luke. Pítsu sem hann hafði ekki pantað. Þeir ræddu þó saman um nokkuð skeið þar til sendillinn nefndi að hann hefði séð fjölda lögregluþjóna fela sig bakvið tré þar skammt frá. Luke mun þá hafa blótað því að þetta væri að gerast aftur og kallað til lögregluþjónanna. „Og þú fékkst pítsurnar aldrei greiddar,“ sagði Luke. Hér að neðan má sjá nokkur tilfelli þar sem streymarar hafa verið svattaðir. Hér að neðan má sjá Swatting frá tveimur sjónarhornum. Annað sýnir streymi Adin Ross og neðra myndbandið er úr vestismyndavél lögregluþjóns. Bandaríkin Leikjavísir Mest lesið „Ef við erum lausnamiðuð þá sköpum við tækifærin“ Lífið Ofboðslega stolt af dóttur sinni Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið „Svo góð tilfinning að endurheimta sjálfa sig“ Tónlist Myndaveisla: Rosaleg stemming í kosningavökunum Lífið Steinunn vill fá Ásdísi með sér í „Kynbombuflokkinn“ Lífið Davíð Helgason og Isabella eignuðust dreng Lífið Fleiri fréttir GameTíví: Plorrinn spilar Fallout Ghost of Tsushima: Kominn út á PC og enn geggjaður Senua’s Saga: Hellblade 2: Merkilega flott stafræn upplifun Lokabardagi Pingsins í Baldur's Gate Hryllingur og stríð hjá GameTíví Lokaþáttur Babe Patrol Veiða dýr og menn hjá GameTíví GameTíví: Plorrinn spilar Fallout Sjá meira
Á meðan hann var að spila fékk Luke símtal þar sem honum var sagt að fjöldi lögregluþjóna væri fyrir utan heimili hans. Hann kíkti út um gluggann og sagði: „Frábært.“ „Jæja. Ég þarf að hætta,“ sagði Luke svo við áhorfendur sína. „Nú hafa þessir drullusokkar svattað húsið mitt.“ GTA 5 voice actor Ned Luke was just swatted while playing GTA pic.twitter.com/0crfqjnexv— Dexerto (@Dexerto) November 23, 2023 Það að siga lögreglunni á fólk sem er að streyma í beinni útsendingu gerist reglulega í Bandaríkjunum og kallast þetta „Swatting“ á ensku. Það felur í sér að fólk hringir í Neyðarlínuna og segir neyðartilvik eiga sér stað á heimili viðkomandi. Fólk sem starfar við að streyma, hvort sem það er að spila tölvuleiki eða annað, er reglulega „svattað“, ef svo má segja. Þetta getur falið í sér að þungvopnaðir lögregluþjónar ryðjast inn á heimili fólks, þar sem þeir búast við gíslatöku eða annarskonar hættuástandi. Fólk hefur verið skotið til bana af lögregluþjónum vegna þessara athæfa. Sjá einnig: Játar að hafa sigað lögreglunni á saklausan mann sem var skotinn til bana Nokkrum klukkustundum eftir að Luke lauk streymi sínu, svaraði hann áhorfanda á X, sem hafði gagnrýnt framleiðendur GTA fyrir að hafa IP-tölu spilara sýnilegar. Hægt er að finna heimilisfang fólks út frá IP-tölum. Luke sagði atvikið ekki á ábyrgð Rockstar, áðurnefndra framleiðenda. Persónuupplýsingum hans hefði verið lekið á netið fyrir löngu síðan og þetta hefði nokkrum sinnum verið gert síðan þá. Í grein Eurogamer er bent á að pitsusendill sem vann í hverfi Luke segist hafa séð lögregluna við hús leikarans áður. Þá var umræddur pitsusendill að fara með pitsur heim til Luke. Pítsu sem hann hafði ekki pantað. Þeir ræddu þó saman um nokkuð skeið þar til sendillinn nefndi að hann hefði séð fjölda lögregluþjóna fela sig bakvið tré þar skammt frá. Luke mun þá hafa blótað því að þetta væri að gerast aftur og kallað til lögregluþjónanna. „Og þú fékkst pítsurnar aldrei greiddar,“ sagði Luke. Hér að neðan má sjá nokkur tilfelli þar sem streymarar hafa verið svattaðir. Hér að neðan má sjá Swatting frá tveimur sjónarhornum. Annað sýnir streymi Adin Ross og neðra myndbandið er úr vestismyndavél lögregluþjóns.
Bandaríkin Leikjavísir Mest lesið „Ef við erum lausnamiðuð þá sköpum við tækifærin“ Lífið Ofboðslega stolt af dóttur sinni Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið „Svo góð tilfinning að endurheimta sjálfa sig“ Tónlist Myndaveisla: Rosaleg stemming í kosningavökunum Lífið Steinunn vill fá Ásdísi með sér í „Kynbombuflokkinn“ Lífið Davíð Helgason og Isabella eignuðust dreng Lífið Fleiri fréttir GameTíví: Plorrinn spilar Fallout Ghost of Tsushima: Kominn út á PC og enn geggjaður Senua’s Saga: Hellblade 2: Merkilega flott stafræn upplifun Lokabardagi Pingsins í Baldur's Gate Hryllingur og stríð hjá GameTíví Lokaþáttur Babe Patrol Veiða dýr og menn hjá GameTíví GameTíví: Plorrinn spilar Fallout Sjá meira