Innlent

Maðurinn ríkis­borgari Möltu

Bjarki Sigurðsson skrifar
Meint frelsissvipting er talin hafa átt sér stað í heimahúsi í Reykholti.
Meint frelsissvipting er talin hafa átt sér stað í heimahúsi í Reykholti. Vísir/Vilhelm

Maðurinn sem grunur er um að hafi verið frelsissviptur í heimahúsi í Reykholti í Bláskógabyggð er með maltneskt ríkisfang. Fjögur eru í haldi vegna málsins, grunuð um frelsissviptingu, líkamsárás og fjárkúgun. 

Þetta staðfestir Jón Gunnar Þórhallsson, yfirlögregluþjónn hjá lögreglunni hjá Suðurlandi, í samtali við fréttastofu. Hann gat ekki svarað frekari spurningum um rannsókn málsins sem er enn í fullum gangi. 

Samkvæmt heimildum fréttastofu á maðurinn rætur að rekja til Palestínu en búið hér á landi í langan tíma. Hann bjó í bílskúr sem hann leigði af manni sem er einn þeirra sem eru í haldi vegna málsins. Hin þrjú sem einnig eru í haldi tengjast þeim manni fjölskylduböndum.

RÚV greindi frá því í gær að eftir nokkurra daga frelsissviptingu hafi þau keyrt með manninn upp á Keflavíkurflugvöll og sent hann úr landi, mjög illa farinn. 

Í skriflegu svari við fyrirspurn fréttastofu í gær sagði Ásta Stefánsdóttir, sveitarstjóri Bláskógarbyggðar, að samfélagið væri í áfalli. 

Bláskógabyggð Lögreglumál Malta Fjárkúgun í Reykholti

Tengdar fréttir

Sam­fé­lagið í á­falli vegna málsins

Sveitarstjóri Bláskógabyggðar segir samfélagið í áfalli vegna meintrar frelsissviptingar, líkamsárásar og fjárkúgunar í heimahúsi í Reykholti. Gerendur eru sagðir tengjast fjölskylduböndum.

Rannsaka alvarlegt ofbeldisbrot í Árnessýslu

Lögreglan á Suðurlandi er með til rannsóknar meinta frelsissviptingu, líkamsárás, og fjárkúgun í heimahúsi í Reykholti. Þrír karlmenn og ein kona sæta gæsluvarðhaldi vegna málsins.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið