Viðskipti innlent

Eig­endur TGI Fridays kaupa Grillhúsið

Kolbeinn Tumi Daðason skrifar
Grillhúsið á Sprengisandi í Reykjavík.
Grillhúsið á Sprengisandi í Reykjavík. Grillhúsið

Helgi Magnús Hermannsson og Jóhannes Birgir Skúlason hafa fest kaup á Grillhúsinu sem rekur veitingastaði á Laugavegi og Sprengisandi í Reykjavík. Þá hefur hópur fjárfesta undir forystu Örvars Bessasonar keypt Grillhúsið í Borgarnesi.

Þórður Bachmann, annar tveggja fyrrverandi eigenda Grillhússins ehf., staðfesti viðskiptin í skriflegu svari til fréttastofu á dögunum. Veitingastaðirnir þrír voru auglýstir til sölu í upphafi árs og var uppsett verð 110 milljónir króna.

Fram kom að um væri að ræða sölu á tækjum og búnaði, yfirtöku leigusamninga á einstökum stöðum eða öllum stöðunum sem heild. Grillhúsið ehf. er í jafnri eigu Þórðar Bachmann og Hafsteins Hasler.

Helgi Magnús Hermannsson og Jóhannes Birgir Skúlason kaupa veitingastaðina tvo í Reykjavík í gegnum félag sitt Tankurinn ehf. se er eigandi TGI Fridays á Íslandi, veitingastað í Smáralind. Helgi Magnús var um árabil framkvæmdastjóri hjá Vélasölunni. Jóhannes Birgir er framkvæmdastjóri framleiðslufyrirtækisins Epik.

Í tilkynningu frá Grillhúsinu segir að rekstur Grillhússins ehf. verði fyrst um sinn óbreyttur og á sömu kennitölu.

Veitingastaðir Kaup og sala fyrirtækja Reykjavík Borgarbyggð

Tengdar fréttir

Grillhúsið til sölu á 110 milljónir

Veitingastaðir Grillhússins á Laugavegi og Sprengisandi í Reykjavík auk útibús í Borgarnesi hafa verið auglýstir til sölu. Uppsett verð er 110 milljónir króna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið