Leyndardómurinn um MH370 ekki leystur tíu árum eftir hvarfið Samúel Karl Ólason skrifar 8. mars 2024 08:01 Leitað var að flaki MH370 í fjögur ár. fyrst úr lofti og seinna með kafbátum á sjávarbotni. Leitin skilaði þó ekki árangri og er til skoðunar að hefja leit að nýju. AP/Rob Griffith Tíu ár eru liðin frá því flugvélin MH370 frá Malaysia Airlines hvarf þegar verið var að fljúga henni frá Kuala Lumpur til Peking. Enn er ekki vitað með vissu hvað varð um Boeing 777 flugvélina eða þær 239 manneskjur sem voru um borð. Þó er talið með nokkurri vissu að flugvélin, sem hvarf af ratsjám 39 mínútum eftir flugtak, hafi hrapað í Indlandshaf. Smátt brak hefur í fáum tilfellum rekið á land en engin lík eða hlutar úr flugvélinni hafa fundist enn. Umfangsmikil fjögurra ára leit var gerð á sunnanverðu Indlandshafi en hún skilaði ekki árangri. Ráðamenn í Malasíu sögðu um síðust helgi að mögulega yrði aftur leitað að flugvélinni, eftir að forsvarsmenn bandarísks kafbátafyrirtækis sem reyndu að finna flakið árið 2018 lögðu til að leitað yrði aftur. Brak úr flugvélinni hefur rekið á land í vestanverðu Indlandshafi. Þessi hlutur úr væng flugvélarinnar er sá stærsti sem hefur fundist.AP/Vincent Thian Slökkt á staðsetningarbúnaði og breytt um stefnu Eins og áður segir var verið að fljúga flugvélinni frá Kuala Lumpur til Peking þann 8. mars 2014 og tæpum fjörutíu mínútum eftir flugtak hvarf flugvélin af ratsjám. Skömmu áður en flugvélinni var flogið úr flugumferðarstjórnarsvæði Malasíu óskaði flugstjórinn flugumferðarstjórum í Kuala Lumpur góðrar nætur. Það var nokkrum mínútum áður en sambandið rofnaði við staðsetningarbúnað flugvélarinnar og flugstjórinn hafði aldrei samband við flugumferðarstjóra í Víetnam, eins og hann átti að gera. Um borð voru 227 farþegar og þar af fimm ung börn, auk tólf áhafnarmeðlima. Flestir farþegar, eða 153, voru frá Kína. Fimmtíu voru frá Malasíu, sjö frá Indónesíu, sex frá Ástralíu, fimm frá Indlandi, fjórir frá Frakklandi en þar að auki voru farþegar frá Bandaríkjunum, Kanada, Íran, Hollandi, Nýja Sjálandi, Rússlandi, Taívan og Úkraínu um borð. Hernaðarratsjár sýndu að stefnu flugvélarinnar var breytt til vestur yfir Andaman-haf og að Indlandshafi. Þá hafa gögn úr gervihnöttum sýnt að flugvélinni var flogið í rúmar sex klukkustundir til viðbótar. Mögulega þar til flugvélin varð eldsneytislaus og er talið að hún hafi hrapað í sunnanvert Indlandshafið. Hér að neðan má sjá sjónvarpsfrétt DW, þar sem meðal annars má sjá kort af flugstefnu MH370. Eins og fram kemur í samantekt AP fréttaveitunnar hafa margar kenningar um hvarf MH370 litið dagsins ljós. Þar á meðal má nefna kenningar um súrefnisleysi, rafmagnsbilun og jafnvel flugrán. Engin neyðarskilaboð voru þó send út eða einhverjar kröfur. Veður var gott og engar vísbendingar hafa litið dagsins ljós sem benda til bilunar um borð. Margir hafa beint spjótum sínum að flugstjóra flugvélarinnar. Í gegnum árin hefur því ítrekað verið haldið fram að hann hafi framið sjálfsvíg og í leiðinni myrt 238 aðrar manneskjur. Tony Abbott, fyrrverandi forsætisráðherra Ástralíu, er meðal þeirra sem hafur haldið þessu fram og hefur hann sagt ráðamenn í Malasíu einnig vera þeirrar skoðunnar. Sjá einnig: Segir nær öruggt að flugmaður Malaysian Air MH370 hafi grandað vélinni af ásettu ráði Í skýrslu sem yfirvöld í Malasíu birtu árið 2018 kom þó fram að engar vísbendingar hefðu fundist sem bentu til þess að flugstjórinn, sem hét Zaharie Ahmad Shah, beri ábyrgð á hvarfinu. Engin svör án flaksins Ólíklegt er að nokkur marktæk svör finnist við leyndardómnum um hvarf MH370 fyrr en flak flugvélarinnar finnst og flugritar hennar. Finnist þeir, gætu rannsakendur hlustað á upptökur úr flugstjórnarklefa flugvélarinnar og nálgast önnur tæknileg gögn um flugferðina. Mikil áhersla var lögð á að finna flugvélina en yfirvöld í Ástralíu, Malasíu og Kína leiddu leitina. Hún spannaði fjögur ár og var leitað á um 120 þúsund ferkílómetra svæði á botni Indlands með fjarstýrðum kafbátum og sónartækjum. Skuggi leitarvélar frá Ástralíu yfir sunnanverðu Indlandshafi.AP/Rob Griffith Indlandshaf er þriðja stærsta haf heimsins. Veður er oft vont á leitarsvæðinu og meðaldýpið er um fjórir kílómetrar, sem gerði leitina gífurlega erfiða. Einum tímapunkti greindust merki sem talin voru koma frá flugrita flugvélarinnar og einnig fundust flök gamalla skipa á hafsbotninum en engin flugvél. Í júlí 2015 rak brot úr flugvélinni á land á frönsku eyjunni Reunioneyju í vestanverðu Indlandshafi, austur af Madagaskar, og hafa önnur brot fundist við austurströnd Afríku. Leitinni var formlega hætt árið 2017. Forsvarsmenn bandarísks fyrirtækis sem heitir Ocean Infinity hófu leit að nýju í janúar 2018. Þeir leituðu norðar en áður hafði verið gert en sú ákvörðun byggði á hafstraumagreiningu og því hvar brak hafði fundist. Leitin stóð yfir í nokkra mánuði en skilaði ekki árangri. Ráðamenn í Malasíu hafa sagt að leit muni ekki hefjast aftur, nema trúverðugar vísbendingar um hvar finna megi flakið líti dagsins ljós. Forsvarsmenn Ocean Infinity hafa lagt nýja leit til og er það til skoðunar í Malasíu. Fjölskyldumeðlimir margra sem hurfu berjast fyrir því að leitað verði áfram að flugvélinni og segja mikilvægt að varpa ljósi á leyndardóminn. Ekki bara fyrir þau, heldur til að koma í veg fyrir að sambærilegt atvik geti átt sér stað aftur. Flugvélahvarf MH370 Malasía Ástralía Kína Fréttir af flugi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Fólk hafi kosið taktískt gegn Katrínu Innlent Var nálægt því að draga framboð sitt til baka Innlent Veit ekki hvað tekur við en byrjar á kaffibolla Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Hópur ungmenna réðst á starfsmann veitingastaðar Innlent Björn lagði línuna og kjósendur svöruðu kallinu Innlent „Sigur MBA-gráðunnar, leiðtogafræða og mannauðsstjórnunar“ Innlent Ávarpar stuðningsmenn af svölunum Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Þó er talið með nokkurri vissu að flugvélin, sem hvarf af ratsjám 39 mínútum eftir flugtak, hafi hrapað í Indlandshaf. Smátt brak hefur í fáum tilfellum rekið á land en engin lík eða hlutar úr flugvélinni hafa fundist enn. Umfangsmikil fjögurra ára leit var gerð á sunnanverðu Indlandshafi en hún skilaði ekki árangri. Ráðamenn í Malasíu sögðu um síðust helgi að mögulega yrði aftur leitað að flugvélinni, eftir að forsvarsmenn bandarísks kafbátafyrirtækis sem reyndu að finna flakið árið 2018 lögðu til að leitað yrði aftur. Brak úr flugvélinni hefur rekið á land í vestanverðu Indlandshafi. Þessi hlutur úr væng flugvélarinnar er sá stærsti sem hefur fundist.AP/Vincent Thian Slökkt á staðsetningarbúnaði og breytt um stefnu Eins og áður segir var verið að fljúga flugvélinni frá Kuala Lumpur til Peking þann 8. mars 2014 og tæpum fjörutíu mínútum eftir flugtak hvarf flugvélin af ratsjám. Skömmu áður en flugvélinni var flogið úr flugumferðarstjórnarsvæði Malasíu óskaði flugstjórinn flugumferðarstjórum í Kuala Lumpur góðrar nætur. Það var nokkrum mínútum áður en sambandið rofnaði við staðsetningarbúnað flugvélarinnar og flugstjórinn hafði aldrei samband við flugumferðarstjóra í Víetnam, eins og hann átti að gera. Um borð voru 227 farþegar og þar af fimm ung börn, auk tólf áhafnarmeðlima. Flestir farþegar, eða 153, voru frá Kína. Fimmtíu voru frá Malasíu, sjö frá Indónesíu, sex frá Ástralíu, fimm frá Indlandi, fjórir frá Frakklandi en þar að auki voru farþegar frá Bandaríkjunum, Kanada, Íran, Hollandi, Nýja Sjálandi, Rússlandi, Taívan og Úkraínu um borð. Hernaðarratsjár sýndu að stefnu flugvélarinnar var breytt til vestur yfir Andaman-haf og að Indlandshafi. Þá hafa gögn úr gervihnöttum sýnt að flugvélinni var flogið í rúmar sex klukkustundir til viðbótar. Mögulega þar til flugvélin varð eldsneytislaus og er talið að hún hafi hrapað í sunnanvert Indlandshafið. Hér að neðan má sjá sjónvarpsfrétt DW, þar sem meðal annars má sjá kort af flugstefnu MH370. Eins og fram kemur í samantekt AP fréttaveitunnar hafa margar kenningar um hvarf MH370 litið dagsins ljós. Þar á meðal má nefna kenningar um súrefnisleysi, rafmagnsbilun og jafnvel flugrán. Engin neyðarskilaboð voru þó send út eða einhverjar kröfur. Veður var gott og engar vísbendingar hafa litið dagsins ljós sem benda til bilunar um borð. Margir hafa beint spjótum sínum að flugstjóra flugvélarinnar. Í gegnum árin hefur því ítrekað verið haldið fram að hann hafi framið sjálfsvíg og í leiðinni myrt 238 aðrar manneskjur. Tony Abbott, fyrrverandi forsætisráðherra Ástralíu, er meðal þeirra sem hafur haldið þessu fram og hefur hann sagt ráðamenn í Malasíu einnig vera þeirrar skoðunnar. Sjá einnig: Segir nær öruggt að flugmaður Malaysian Air MH370 hafi grandað vélinni af ásettu ráði Í skýrslu sem yfirvöld í Malasíu birtu árið 2018 kom þó fram að engar vísbendingar hefðu fundist sem bentu til þess að flugstjórinn, sem hét Zaharie Ahmad Shah, beri ábyrgð á hvarfinu. Engin svör án flaksins Ólíklegt er að nokkur marktæk svör finnist við leyndardómnum um hvarf MH370 fyrr en flak flugvélarinnar finnst og flugritar hennar. Finnist þeir, gætu rannsakendur hlustað á upptökur úr flugstjórnarklefa flugvélarinnar og nálgast önnur tæknileg gögn um flugferðina. Mikil áhersla var lögð á að finna flugvélina en yfirvöld í Ástralíu, Malasíu og Kína leiddu leitina. Hún spannaði fjögur ár og var leitað á um 120 þúsund ferkílómetra svæði á botni Indlands með fjarstýrðum kafbátum og sónartækjum. Skuggi leitarvélar frá Ástralíu yfir sunnanverðu Indlandshafi.AP/Rob Griffith Indlandshaf er þriðja stærsta haf heimsins. Veður er oft vont á leitarsvæðinu og meðaldýpið er um fjórir kílómetrar, sem gerði leitina gífurlega erfiða. Einum tímapunkti greindust merki sem talin voru koma frá flugrita flugvélarinnar og einnig fundust flök gamalla skipa á hafsbotninum en engin flugvél. Í júlí 2015 rak brot úr flugvélinni á land á frönsku eyjunni Reunioneyju í vestanverðu Indlandshafi, austur af Madagaskar, og hafa önnur brot fundist við austurströnd Afríku. Leitinni var formlega hætt árið 2017. Forsvarsmenn bandarísks fyrirtækis sem heitir Ocean Infinity hófu leit að nýju í janúar 2018. Þeir leituðu norðar en áður hafði verið gert en sú ákvörðun byggði á hafstraumagreiningu og því hvar brak hafði fundist. Leitin stóð yfir í nokkra mánuði en skilaði ekki árangri. Ráðamenn í Malasíu hafa sagt að leit muni ekki hefjast aftur, nema trúverðugar vísbendingar um hvar finna megi flakið líti dagsins ljós. Forsvarsmenn Ocean Infinity hafa lagt nýja leit til og er það til skoðunar í Malasíu. Fjölskyldumeðlimir margra sem hurfu berjast fyrir því að leitað verði áfram að flugvélinni og segja mikilvægt að varpa ljósi á leyndardóminn. Ekki bara fyrir þau, heldur til að koma í veg fyrir að sambærilegt atvik geti átt sér stað aftur.
Flugvélahvarf MH370 Malasía Ástralía Kína Fréttir af flugi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Fólk hafi kosið taktískt gegn Katrínu Innlent Var nálægt því að draga framboð sitt til baka Innlent Veit ekki hvað tekur við en byrjar á kaffibolla Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Hópur ungmenna réðst á starfsmann veitingastaðar Innlent Björn lagði línuna og kjósendur svöruðu kallinu Innlent „Sigur MBA-gráðunnar, leiðtogafræða og mannauðsstjórnunar“ Innlent Ávarpar stuðningsmenn af svölunum Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins