Gengur hundrað kílómetra með hundrað kílóa sleða Lovísa Arnardóttir skrifar 17. apríl 2024 10:00 Bergur er vanur líkamlegu erfiði. Hann segir undirbúninginn aðallega andlegan fyrir gönguna. Aðsend Bergur Vilhjálmsson, slökkviliðs og sjúkraflutningamaður og björgunarkafari hjá Slökkviliði höfuðborgarsvæðisins, ætlar á sumardaginn fyrsta ganga 100 kílómetra til styrktar Píeta samtökunum. Á eftir sér mun hann draga 100 kílóa sleða sem hann léttir á tíu kílómetra fresti. „Ég byrja með 100 kíló á sleðanum en auk þess verð ég í þyngingarvesti. Ég er búinn að láta útbúa tíu miða sem ég verð með á vestinu. Á þeim munu standa orð um kvíða og þunglyndi og sjálfsvígshuganir. Á tíu kílómetra fresti mun ég svo taka einn miða af og létta sleðann um tíu kíló,“ segir Bergur og að það eigi að vera táknrænt um erfiðleikana sem hann er þá að draga á eftir sér. „Þá á það að tákna að ég hafi unnið í þessum erfiðleikum og að bagginn sem ég dreg sé aðeins auðveldari.“ Bergur hefur gönguna við líkamsræktarstöðina Ultraform á Akranesi og lýkur henni við líkamsræktarstöð þeirra í Grafarholti. „Þetta verður þrekraun,“ segir Bergur en hann er ekki ókunnugur slíkum þrekraunum. Í fyrra kláraði hann ásamt tveimur vinum sínum, Sigurjóni Erni Sturlusyni og Halldóri Ragnari Guðjónssyni, svo kallaðan Concept Iron Man. Þá hjóluðu þeir, skíðuðu og reru 350 kílómetra á 24 klukkutímum í Ultraform. Sýnt var frá því í beinni á Stöð 2 Vísi í mars í fyrra. „Það var til styrktar Krafts,“ segir Bergur og að sú þrekraun sem hann reyni við nú verði allt annars eðlis. Bergur er í góðu formi líkamlega og segir undirbúninginn helst andlegan. „Ég er alltaf í líkamlegu standi til að gera þetta. Sökum vinnunnar, en svo er ég líka að þjálfa í Ultraform og að æfa með Sigurjóni. Líkamlegt ástand mitt á að vera tilbúið í þetta hvenær sem er, þannig það er mest andlega sem ég þarf að undirbúa mig. Hann segir nokkrar ástæður fyrir því að Píeta samtökin hafi nú orðið fyrir valinu. Hann starfar, eins og áður kom fram, sem slökkviliðs- og sjúkraflutningamaður og segist sjá æ fleiri tilfelli í sinni vinnu þar sem fólk reynir að fremja sjálfsvíg eða tekst það. „Það er meiri andleg vanlíðan og sjálfsvígstilraunir og sjálfsvígshugsanir. Svo finnst mér þetta alltaf vera að færast neðar og neðar í aldri,“ segir Bergur. Þá hefur hann einnig áhyggjur af almennri vanlíðan hjá karlmönnum sem „taki allt reglulega á kassann“. „Við ræðum ekki neitt og þessi sleði á að tákna þessa erfiðleika sem við erum að burðast með í gegnum lífið. Það eru tengingar út um allt og það eru flestir sem þekkja einhvern sem er að ganga í gegnum eitthvað.“ Vonar að veðrið verði eins Hann á von á því að gangan muni taka allt að 48 klukkustundir. „Ég held í vonina að veðrið haldist eins og það hefur verið,“ segir Bergur en að langtímaspáin sýni þó að áfram verði frost um nóttina. „En vonandi verður þetta bara sjö stiga hiti og sól.“ Bergur segir gönguna verða þrekraun en að hann sé tilbúinn. Aðsend Vinir og vandamenn Bergs munu fylgja honum í húsbíl. Bæði til að gæta að öryggi hans og til að geyma þar mat. Svo gerir hann einnig ráð fyrir því að leggja sig inn á milli í um tíu mínútur. „Ég verð einn að draga sleðann en fullt af fólki langar að ganga með mér hluta leiðarinnar,“ segir Bergur og að hann eigi von á því að fólk geri það. Sýnt verður frá göngunni í beinu streymi í samstarfi við Skjáskot.is þannig fólk getur séð hvar hann er hverju sinni og gengið með honum. Þegar hann klárar verður svo skellt upp heljarinnar grillveislu við Ultraform í Grafarvogi og ætlar slökkviliðið að vera þar með nýjan körfubíl til sýnis. „Það gæti orðið góð stemning ef það verður gott veður.“ Safnar fyrir Píeta Gangan er styrktarganga og stefnir Bergur á að safna áheitum frá fyrirtækjum. Hægt er að styrkja söfnunina með því að leggja inn á reikning Pieta og merkja með BV í skýringu svo hægt sé að taka saman undir lokin hversu mikið safnaðist. „Ef að einn aðili sér þetta sem ekki vissi hvað Píeta var þá er markmiðinu náð. En því meiri styrkur fyrir Píeta því betra.“ Styrktarreikningur Píeta er Kt: 410416-0690 Rkn: 0301-26-041041. Hægt er að fylgjast með undirbúningi að göngunni hér á Facebook. Þau sem glíma við sjálfsvígshugsanir er bent á; Upplýsingasíma heilsugæslunnar s.1700, netspjallið heilsuvera.is, Hjálparsíma Rauða krossins s.1717, á netspjallið 1717.is og á Píeta símann s.552-2218. Þau sem misst hafa ástvin í sjálfsvígi er bent á stuðning í Sorgarmiðstöð s. 551-4141, upplýsingasíma heilsugæslunnar s.1700, netspjallið heilsuvera.is og á Píeta símann s.552-2218. Heilsa Heilbrigðismál Hvalfjarðarsveit Akranes Reykjavík Geðheilbrigði Mest lesið Byrjuðu saman sex árum eftir fyrstu skilaboðin Lífið Ætlar ekki að láta fjarlægja nafn Kleina Lífið Davíð Smári og Kolla selja glæsilega útsýnishæð Lífið Segir konur fórna líkama sínum og heilsu á meðgöngu Lífið Alexandra greifynja breytir nafninu Lífið Forsetaáskorunin: Fraus á fyrsta Ted fyrirlestrinum en fann sig í augum Sally Fields Lífið Eigendur Sportvörur.is selja einbýlið í Garðabæ Lífið Nefnir nautin eftir þekktum íslenskum röppurum og Bent er alltaf með eitthvað vesen Lífið Svaraði engu um Affleck Lífið Birnir og Bríet gefa saman út plötu Lífið Fleiri fréttir Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Byrjuðu saman sex árum eftir fyrstu skilaboðin Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Rakel María fann draumaprinsinn Tvöföld vandræði fyrir Doctor Victor Ætlar ekki að láta fjarlægja nafn Kleina Ísdrottningin einhleyp Sást með hringinn en eiginkonan enn víðsfjarri Ásdís Rán og frítt húðflúr hjá Prettyboitjokkó Litfögur listamannaíbúð við Melhaga Af vængjum fram: Ýmist skömmuð fyrir geiflurnar eða fyrir að vera fýluleg „Ísbirnirnir voru rétt hjá okkur“ Mætti í sjónvarpið eftir nokkurra ára hlé og segist hafa lært sína lexíu Er hægt að „lækna“ lélegt kynlíf? Forsetaáskorunin: Hljóp í skarðið á Stuðmannaballi en í basli með textann Prinsinn hélt blautt garðpartý Keppendur í Ungfrú Ísland 2024 Glæsihús Gerðar í Blush aftur á sölu Clooney mælti með handtöku Netanyahu Stjörnulífið: Löng helgi, hátíðarsýning og tónleikar Með átján husky hunda á heimilinu og mæla með Sjá meira
„Ég byrja með 100 kíló á sleðanum en auk þess verð ég í þyngingarvesti. Ég er búinn að láta útbúa tíu miða sem ég verð með á vestinu. Á þeim munu standa orð um kvíða og þunglyndi og sjálfsvígshuganir. Á tíu kílómetra fresti mun ég svo taka einn miða af og létta sleðann um tíu kíló,“ segir Bergur og að það eigi að vera táknrænt um erfiðleikana sem hann er þá að draga á eftir sér. „Þá á það að tákna að ég hafi unnið í þessum erfiðleikum og að bagginn sem ég dreg sé aðeins auðveldari.“ Bergur hefur gönguna við líkamsræktarstöðina Ultraform á Akranesi og lýkur henni við líkamsræktarstöð þeirra í Grafarholti. „Þetta verður þrekraun,“ segir Bergur en hann er ekki ókunnugur slíkum þrekraunum. Í fyrra kláraði hann ásamt tveimur vinum sínum, Sigurjóni Erni Sturlusyni og Halldóri Ragnari Guðjónssyni, svo kallaðan Concept Iron Man. Þá hjóluðu þeir, skíðuðu og reru 350 kílómetra á 24 klukkutímum í Ultraform. Sýnt var frá því í beinni á Stöð 2 Vísi í mars í fyrra. „Það var til styrktar Krafts,“ segir Bergur og að sú þrekraun sem hann reyni við nú verði allt annars eðlis. Bergur er í góðu formi líkamlega og segir undirbúninginn helst andlegan. „Ég er alltaf í líkamlegu standi til að gera þetta. Sökum vinnunnar, en svo er ég líka að þjálfa í Ultraform og að æfa með Sigurjóni. Líkamlegt ástand mitt á að vera tilbúið í þetta hvenær sem er, þannig það er mest andlega sem ég þarf að undirbúa mig. Hann segir nokkrar ástæður fyrir því að Píeta samtökin hafi nú orðið fyrir valinu. Hann starfar, eins og áður kom fram, sem slökkviliðs- og sjúkraflutningamaður og segist sjá æ fleiri tilfelli í sinni vinnu þar sem fólk reynir að fremja sjálfsvíg eða tekst það. „Það er meiri andleg vanlíðan og sjálfsvígstilraunir og sjálfsvígshugsanir. Svo finnst mér þetta alltaf vera að færast neðar og neðar í aldri,“ segir Bergur. Þá hefur hann einnig áhyggjur af almennri vanlíðan hjá karlmönnum sem „taki allt reglulega á kassann“. „Við ræðum ekki neitt og þessi sleði á að tákna þessa erfiðleika sem við erum að burðast með í gegnum lífið. Það eru tengingar út um allt og það eru flestir sem þekkja einhvern sem er að ganga í gegnum eitthvað.“ Vonar að veðrið verði eins Hann á von á því að gangan muni taka allt að 48 klukkustundir. „Ég held í vonina að veðrið haldist eins og það hefur verið,“ segir Bergur en að langtímaspáin sýni þó að áfram verði frost um nóttina. „En vonandi verður þetta bara sjö stiga hiti og sól.“ Bergur segir gönguna verða þrekraun en að hann sé tilbúinn. Aðsend Vinir og vandamenn Bergs munu fylgja honum í húsbíl. Bæði til að gæta að öryggi hans og til að geyma þar mat. Svo gerir hann einnig ráð fyrir því að leggja sig inn á milli í um tíu mínútur. „Ég verð einn að draga sleðann en fullt af fólki langar að ganga með mér hluta leiðarinnar,“ segir Bergur og að hann eigi von á því að fólk geri það. Sýnt verður frá göngunni í beinu streymi í samstarfi við Skjáskot.is þannig fólk getur séð hvar hann er hverju sinni og gengið með honum. Þegar hann klárar verður svo skellt upp heljarinnar grillveislu við Ultraform í Grafarvogi og ætlar slökkviliðið að vera þar með nýjan körfubíl til sýnis. „Það gæti orðið góð stemning ef það verður gott veður.“ Safnar fyrir Píeta Gangan er styrktarganga og stefnir Bergur á að safna áheitum frá fyrirtækjum. Hægt er að styrkja söfnunina með því að leggja inn á reikning Pieta og merkja með BV í skýringu svo hægt sé að taka saman undir lokin hversu mikið safnaðist. „Ef að einn aðili sér þetta sem ekki vissi hvað Píeta var þá er markmiðinu náð. En því meiri styrkur fyrir Píeta því betra.“ Styrktarreikningur Píeta er Kt: 410416-0690 Rkn: 0301-26-041041. Hægt er að fylgjast með undirbúningi að göngunni hér á Facebook. Þau sem glíma við sjálfsvígshugsanir er bent á; Upplýsingasíma heilsugæslunnar s.1700, netspjallið heilsuvera.is, Hjálparsíma Rauða krossins s.1717, á netspjallið 1717.is og á Píeta símann s.552-2218. Þau sem misst hafa ástvin í sjálfsvígi er bent á stuðning í Sorgarmiðstöð s. 551-4141, upplýsingasíma heilsugæslunnar s.1700, netspjallið heilsuvera.is og á Píeta símann s.552-2218.
Heilsa Heilbrigðismál Hvalfjarðarsveit Akranes Reykjavík Geðheilbrigði Mest lesið Byrjuðu saman sex árum eftir fyrstu skilaboðin Lífið Ætlar ekki að láta fjarlægja nafn Kleina Lífið Davíð Smári og Kolla selja glæsilega útsýnishæð Lífið Segir konur fórna líkama sínum og heilsu á meðgöngu Lífið Alexandra greifynja breytir nafninu Lífið Forsetaáskorunin: Fraus á fyrsta Ted fyrirlestrinum en fann sig í augum Sally Fields Lífið Eigendur Sportvörur.is selja einbýlið í Garðabæ Lífið Nefnir nautin eftir þekktum íslenskum röppurum og Bent er alltaf með eitthvað vesen Lífið Svaraði engu um Affleck Lífið Birnir og Bríet gefa saman út plötu Lífið Fleiri fréttir Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Byrjuðu saman sex árum eftir fyrstu skilaboðin Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Rakel María fann draumaprinsinn Tvöföld vandræði fyrir Doctor Victor Ætlar ekki að láta fjarlægja nafn Kleina Ísdrottningin einhleyp Sást með hringinn en eiginkonan enn víðsfjarri Ásdís Rán og frítt húðflúr hjá Prettyboitjokkó Litfögur listamannaíbúð við Melhaga Af vængjum fram: Ýmist skömmuð fyrir geiflurnar eða fyrir að vera fýluleg „Ísbirnirnir voru rétt hjá okkur“ Mætti í sjónvarpið eftir nokkurra ára hlé og segist hafa lært sína lexíu Er hægt að „lækna“ lélegt kynlíf? Forsetaáskorunin: Hljóp í skarðið á Stuðmannaballi en í basli með textann Prinsinn hélt blautt garðpartý Keppendur í Ungfrú Ísland 2024 Glæsihús Gerðar í Blush aftur á sölu Clooney mælti með handtöku Netanyahu Stjörnulífið: Löng helgi, hátíðarsýning og tónleikar Með átján husky hunda á heimilinu og mæla með Sjá meira