Sáu ekki andlit huldumanns sem þeir telja vera Pétur Jökul Jón Þór Stefánsson skrifar 13. maí 2024 22:02 Hæstiréttur taldi ekki ástæðu til að láta dómara Landsréttar víkja í máli Péturs Jökulls Jónassonar. Pétur Jökull Jónasson neitar sök í stóra kókaínmálinu svokallaða. Hann vill ekki tjá sig um gögn lögreglu í málinu sem varða til dæmis staðsetningar á farsímum, ferðalög milli landa, tengsl hans við aðra sakborninga. Hann hefur þó gefið einhverjar skýringar á dvöl sinni í Brasilíu, en hann var þar á sama tíma og gámur sem innihélt tæplega hundrað kíló af kókaíni fór frá landinu til Íslands. Þessar skýringar Péturs eru ótrúverðugar að mati lögreglu. Sagðist fá óréttláta málsmeðferð Þetta kemur fram í úrskurði Héraðsdóms Reykjavíkur sem hefur verið birtur samhliða úrskurði Landsréttar og dómi Hæstaréttar í málinu. Héraðsdómsúrskurðurinn varðar gæsluvarðhald á hendur Pétri. Hann krafðist þess að dómarar í Landsrétti myndu víkja í málinu en þeir féllust ekki á það og heldur ekki kollegar þeirra í Hæstarétti. Pétur vildi meina að hann hafi ekki fengið réttláta málsmeðferð þar sem að dómararnir hefðu ranglega fullyrt að samantekt á framburði eins vitnis hefði ekki legið fyrir í málinu. Í dómi Landsréttar segir þó að það sé rangt, samantektin hafi legið fyrir. Hæstiréttur staðfesti þá niðurstöðu í dómi sínum. Fram kemur í gögnum málsins að Pétur telji nýlega skýrslu af vitninu varpa nýju ljósi á málið. Telja Pétur Jökul huldumanninn Stóra kókaínmálið varðar innflutning á rúmlega 99 kílóum af kókaíni frá Brasilíu árið 2022. Efnin voru falin í timbursendingu en uppgötvuðust áður en þau komu til landsins og því var þeim skipt út fyrir gerviefni. Fjórir menn voru ákærðir í málinu og dæmdir í héraðsdómi í fyrra. Landsréttur staðfesti dóminn en mildaði refsingu mannanna. Þeir fengu á bilinu fimm til níu ára fangelsisdóma. Lögreglan taldi þó ljóst að fimmti einstaklingurinn væri viðriðinn málið, og grunar að Pétur Jökull sé sá maður. Miðað við lýsingu í úrskurði héraðsdóms hafði lögreglunni grunað það í nokkurn tíma. Til að mynda segir að lýsing eins þessara fjögurra sakborninga á huldumanninum hafi passað við Pétur. Þá skoðaði lögregla flugferðir hans, bæði frá Íslandi og til Brasilíu, og það virðist hafa styrkt grun hennar. Sáu ekki andlitið í myndbandsupptöku Sakborningurinn greindi einnig frá því að hann sjálfur og huldumaðurinn hefðu hist nokkrum sinnum í miðbæ Reykjavíkur. Lögregla leitaði í myndbandsupptökum úr öryggismyndavélum á svæðinu og sáu hvar sakborningurinn hitti huldumanninn. Ekki sást í andlit huldumannsins, en þrátt fyrir það er fullyrt að þetta hafi rennt stoðum undir framburð sakborningsins. Þá gerði lögregla samanburð á staðsetningu síma Péturs Jökuls og á síma sem sakborningurinn taldi vera í eigu huldumannsins. Þessi samanburður leiddi í ljós að símarnir fóru úr landi á sama síma. Opnaði Instagram sama dag og lögreglan hafði samband Í október 2022 náði lögregla að hafa samband við Pétur Jökul og skoraði á hann að koma til landsins vegna rannsóknar málsins, en hann sinnti því ekki. Fram kemur að sama dag og lögreglan hafði samband við Pétur hafi hann opnað Instagram-reikning sinn, sem áður hafði verið læstur utanaðkomandi notendum. Þá kom það í ljós hjá lögreglu hvar hann væri staddur. Í kjölfarið gaf Héraðsdómur Reykjavíkur út handtökuskipun á hendur Pétri og lýst eftir honum alþjóðlega og þar að auki var evrópsk handtökuskipun gefin út. Lögreglan var í samstarfi við erlend lögregluyfirvöld við það að hafa hendur í hári Péturs, en án árangurs. Það var síðan í febrúar á þessu ári sem alþjóðleg eftirlýsing var birt opinberlega á vef Interpol. Í kjölfarið setti Pétur sig í samband við lögreglu í gegnum lögmann sinn. Hann óskaði eftir að geta komist beint til landsins svo hann yrði ekki handtekinn á ótilgreindum stað. Í úrskurði héraðsdóms segir að lögreglan hafi hlutast til um að greiða götu Péturs við komuna til Íslands. Pétur Jökull kom aftur á klakann þann 27. febrúar síðastliðinn og var handtekinn og úrskurðaður í gæsluvarðhald við komuna. Gangi Pétur laus muni það valda hneykslun Síðan hefur hann sætt gæsluvarðhaldi. Hann er grunaður um fíkniefnalagabrot sem geta varðað tíu ára fangelsi. Í greinagerð lögreglunnar segir að ef maður sem er grunaður um eins alvarlegt brot og Pétur gangi laus muni það valda hneykslun í samfélaginu og særa réttarvitund almennings. Dómsmál Dómstólar Stóra kókaínmálið 2022 Fíkniefnabrot Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Var nálægt því að draga framboð sitt til baka Innlent Ríkisstjórnin á erfiða daga fyrir höndum Innlent Fólk hafi kosið taktískt gegn Katrínu Innlent Veit ekki hvað tekur við en byrjar á kaffibolla Innlent Ávarpaði stuðningsmenn af svölunum Innlent Svona var ávarp nýkjörinnar Höllu Tómasdóttur Innlent Fyrsti karlmakinn á Bessastöðum: „Draumaútkoman varð að veruleika” Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Fleiri fréttir Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Sjá meira
Hann hefur þó gefið einhverjar skýringar á dvöl sinni í Brasilíu, en hann var þar á sama tíma og gámur sem innihélt tæplega hundrað kíló af kókaíni fór frá landinu til Íslands. Þessar skýringar Péturs eru ótrúverðugar að mati lögreglu. Sagðist fá óréttláta málsmeðferð Þetta kemur fram í úrskurði Héraðsdóms Reykjavíkur sem hefur verið birtur samhliða úrskurði Landsréttar og dómi Hæstaréttar í málinu. Héraðsdómsúrskurðurinn varðar gæsluvarðhald á hendur Pétri. Hann krafðist þess að dómarar í Landsrétti myndu víkja í málinu en þeir féllust ekki á það og heldur ekki kollegar þeirra í Hæstarétti. Pétur vildi meina að hann hafi ekki fengið réttláta málsmeðferð þar sem að dómararnir hefðu ranglega fullyrt að samantekt á framburði eins vitnis hefði ekki legið fyrir í málinu. Í dómi Landsréttar segir þó að það sé rangt, samantektin hafi legið fyrir. Hæstiréttur staðfesti þá niðurstöðu í dómi sínum. Fram kemur í gögnum málsins að Pétur telji nýlega skýrslu af vitninu varpa nýju ljósi á málið. Telja Pétur Jökul huldumanninn Stóra kókaínmálið varðar innflutning á rúmlega 99 kílóum af kókaíni frá Brasilíu árið 2022. Efnin voru falin í timbursendingu en uppgötvuðust áður en þau komu til landsins og því var þeim skipt út fyrir gerviefni. Fjórir menn voru ákærðir í málinu og dæmdir í héraðsdómi í fyrra. Landsréttur staðfesti dóminn en mildaði refsingu mannanna. Þeir fengu á bilinu fimm til níu ára fangelsisdóma. Lögreglan taldi þó ljóst að fimmti einstaklingurinn væri viðriðinn málið, og grunar að Pétur Jökull sé sá maður. Miðað við lýsingu í úrskurði héraðsdóms hafði lögreglunni grunað það í nokkurn tíma. Til að mynda segir að lýsing eins þessara fjögurra sakborninga á huldumanninum hafi passað við Pétur. Þá skoðaði lögregla flugferðir hans, bæði frá Íslandi og til Brasilíu, og það virðist hafa styrkt grun hennar. Sáu ekki andlitið í myndbandsupptöku Sakborningurinn greindi einnig frá því að hann sjálfur og huldumaðurinn hefðu hist nokkrum sinnum í miðbæ Reykjavíkur. Lögregla leitaði í myndbandsupptökum úr öryggismyndavélum á svæðinu og sáu hvar sakborningurinn hitti huldumanninn. Ekki sást í andlit huldumannsins, en þrátt fyrir það er fullyrt að þetta hafi rennt stoðum undir framburð sakborningsins. Þá gerði lögregla samanburð á staðsetningu síma Péturs Jökuls og á síma sem sakborningurinn taldi vera í eigu huldumannsins. Þessi samanburður leiddi í ljós að símarnir fóru úr landi á sama síma. Opnaði Instagram sama dag og lögreglan hafði samband Í október 2022 náði lögregla að hafa samband við Pétur Jökul og skoraði á hann að koma til landsins vegna rannsóknar málsins, en hann sinnti því ekki. Fram kemur að sama dag og lögreglan hafði samband við Pétur hafi hann opnað Instagram-reikning sinn, sem áður hafði verið læstur utanaðkomandi notendum. Þá kom það í ljós hjá lögreglu hvar hann væri staddur. Í kjölfarið gaf Héraðsdómur Reykjavíkur út handtökuskipun á hendur Pétri og lýst eftir honum alþjóðlega og þar að auki var evrópsk handtökuskipun gefin út. Lögreglan var í samstarfi við erlend lögregluyfirvöld við það að hafa hendur í hári Péturs, en án árangurs. Það var síðan í febrúar á þessu ári sem alþjóðleg eftirlýsing var birt opinberlega á vef Interpol. Í kjölfarið setti Pétur sig í samband við lögreglu í gegnum lögmann sinn. Hann óskaði eftir að geta komist beint til landsins svo hann yrði ekki handtekinn á ótilgreindum stað. Í úrskurði héraðsdóms segir að lögreglan hafi hlutast til um að greiða götu Péturs við komuna til Íslands. Pétur Jökull kom aftur á klakann þann 27. febrúar síðastliðinn og var handtekinn og úrskurðaður í gæsluvarðhald við komuna. Gangi Pétur laus muni það valda hneykslun Síðan hefur hann sætt gæsluvarðhaldi. Hann er grunaður um fíkniefnalagabrot sem geta varðað tíu ára fangelsi. Í greinagerð lögreglunnar segir að ef maður sem er grunaður um eins alvarlegt brot og Pétur gangi laus muni það valda hneykslun í samfélaginu og særa réttarvitund almennings.
Dómsmál Dómstólar Stóra kókaínmálið 2022 Fíkniefnabrot Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Var nálægt því að draga framboð sitt til baka Innlent Ríkisstjórnin á erfiða daga fyrir höndum Innlent Fólk hafi kosið taktískt gegn Katrínu Innlent Veit ekki hvað tekur við en byrjar á kaffibolla Innlent Ávarpaði stuðningsmenn af svölunum Innlent Svona var ávarp nýkjörinnar Höllu Tómasdóttur Innlent Fyrsti karlmakinn á Bessastöðum: „Draumaútkoman varð að veruleika” Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Fleiri fréttir Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Sjá meira