Dulin blessun að missa Baðhúsið Oddur Ævar Gunnarsson skrifar 29. apríl 2024 10:01 Linda Pétursdóttir hefur aldrei verið betri. Linda Pétursdóttir segist þakklát og glöð fyrir líf sitt og segist sjaldan hafa verið hamingjusamari eftir alls kyns erfiðleika í gegnum tíðina. Linda, sem er gestur í podcasti Sölva Tryggvasonar, segist komin á þann stað að vera raunverulega frjáls frá áliti annarra, en það hafi tekið langan tíma. „Ég hef auðvitað verið í sviðsljósinu síðan ég var átján ára og það hafa komið löng tímabil þar sem ég hugsaði að ég væri betur stödd ef ég hefði aldrei orðið þekkt. En núna myndi ég ekki vilja hafa þetta neitt öðruvísi. Ég var lengi þannig að dagar, vikur eða mánuðir voru ónýtir hjá mér að af því að einhver sagði eitthvað eða fannst eitthvað um mig. Það breytti öllu þegar ég náði raunverulega að sjá það að ég þyrfti ekki að trúa neinu nema ég ákvæði það sjálf. Fólk má segja og skrifa hvað sem það vill, en við sjálf getum kosið að ákveða hverju við trúum,“ segir Linda. Stórkostlegt að komast burt úr fórnarlambshugsunarhætti „Það er gríðarlegt frelsi að komast á þann stað að álit annarra sé raunverulega hætt að hafa áhrif á mann. Það er stórkostlegt að komast burt úr fórnarlambshugsunarhætti yfir í sjálfsábyrgð og fara að lifa lífi sínu þannig að maður hafi vald yfir þessu öllu. Bæði því sem gengur vel og líka því sem gengur illa. Það fylgir því mikið frelsi að komast í raunverulega sjálfsábyrgð. Auðvitað gerast alls konar hlutir hjá okkur öllum sem voru ekki okkur að kenna eða við höfðum lítið um það að segja, en við stjórnum því sjálf hvernig við bregðumst við,“ segir Linda, sem segir að það hafi tekið sig langan tíma að komast hægt og rólega í fulla sjálfsábyrgð í eigin lífi. „Maður er ekki við stjórnvölinn í eigin lífi ef maður er fórnarlamb og kennir öðrum um. Það er svo vondur staður að vera á og maður er þá í raun að færa ytri aðstæðum og öðru fólki allt vald. Það hefur myndast ákveðin fórnarlambamenning í samfélaginu okkar, en ég upplifi að fleiri og fleiri séu að átta sig á því að það skilar engu og þá missir maður allt vald yfir eigin lífi.“ Sjálfsmyndin má ekki vera rammskökk Linda hefur í áraraðir unnið með konum þegar kemur að heilsu og hefur þar getað notað sína eigin reynslu. Hún segist vinna með öðruvísi nálgun en margir þegar það komi að heilsu. Ofuráhersla hafi í gegnum tíðina verið á hegðun og að breyta henni. „En það drífur ekki langt ef við vinnum ekki með sjálfsmyndina, grunnforritin og hugsanirnar fyrst. Allt sem við gerum byrjar með hugsun. Hugsun hefur áhrif á tilfinningarnar, þær hafa svo áhrif á hegðunina og hegðunin býr til niðurstöðuna. Ef við náum að breyta grunninum þegar kemur að hugsunum mun það breyta tilfinningunum, sem eru svo drifkrafturinn fyrir hegðuninni. Við getum farið af stað og reynt að gera eitthvað, en ef sjálfsmyndin er rammskökk og forritið rangt komumst við ekki langt. Hugurinn leitar alltaf aftur og aftur í sjálfsmyndina og þú ferð alltaf til baka þangað í grunnskekkjuna ef þú vinnnur ekki með hugsanirnar. Grunnvinnan er að breyta sjálfsmyndinni. Þetta er dálítið öðruvísi en við erum vön því að líta á þetta, en ég hef unnið þessa vinnu á sjálfri mér og það varð allt svo miklu auðveldara þegar ég náði að breyta sjálfsmyndinni og hugsunum tengdum henni,“ Dulin blessun Í þættinum ræðir Linda um eitt erfiðasta tímabil ævi hennar, þegar hún missti fyrirtæki sitt Baðhúsið sem hún hafði byggt upp árum saman. Hún segist nú sjá úr baksýnisspeglinum að þarna hafi verið dulin blessun á ferð. „Stundum þurfum við að fara langt niður til að ná að skjóta okkur upp aftur. Ég var reið og bitur mjög lengi eftir gjaldþrotið og setti ábyrgðina á aðra aðila. En það breyttist allt þegar ég náði að taka fulla ábyrgð á þessu sjálf og þá byrjaði alveg nýr kafli. En þetta var gríðarlega erfiður tími, ekki síst af því að mér leið eins og ég hefði misst allt öryggi í tilverunni. Einstæð móðir með fólk bankandi upp á hjá mér með kröfur og að birta mér einhverja pappíra. Ég fór langt niður og var alveg búin á því bæði andlega og tilfinningalega,“ segir Linda. „Það kom tímabil þar sem ég átti ekki fyrir mat, sem ég reiknaði aldrei með að eiga eftir að upplifa. Þetta var dimmur dalur, en ég er baráttukona og það var aldrei valkostur að gefast upp. En svo líður tíminn og eins og lífið er þá sér maður oft það sem var erfiðast á meðan á því stóð sem stærstu blessunina þegar rykið er sest. Ég veit núna að þetta átti að fara svona og þetta varð á endanum til þess að ég fékk að gera það sem ég er að gera í dag, sem ég elska af öllu hjarta. Ég man eftir því þegar góð kona sagði við mig: ,,Linda, þú ert þitt eigið öryggi”. Ég náði einhvern vegin að taka það alveg inn og átta mig á því að maður missir í raun aldrei öryggi ef maður nær að vera sitt eigið öryggi. Líf mitt hefur aldrei verið eins gott og núna og þetta var hluti af þeirri vegferð.“ Hægt er að nálgast viðtalið við Lindu og öll viðtöl og podköst Sölva Tryggvasonar inni á solvitryggva.is Podcast með Sölva Tryggva Heilsa Líkamsræktarstöðvar Mest lesið Framleiða meiri varning „vegna fjölda áskorana“ Lífið Gerir upp sögu Séð og heyrt: „Þetta er mjög sterkur samfélagsspegill“ Lífið Spacey á barmi gjaldþrots Lífið „Þetta er enginn helvítis félagskvíði, það bara þolir mig enginn“ Áskorun Georg í Sigur Rós keypti vistvænt hús við einn besta golfvöll landsins Lífið Andrea Róberts keypti einbýli sem þarfnast ástar Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Rómantísk útsýnisíbúð Bergrúnar Írisar til sölu Lífið Hefur ekki hugmynd um hvað tekur nú við Lífið Vandamálið við fætur, þeir eru í laginu eins og fætur Lífið samstarf Fleiri fréttir Framleiða meiri varning „vegna fjölda áskorana“ Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Sjá meira
„Ég hef auðvitað verið í sviðsljósinu síðan ég var átján ára og það hafa komið löng tímabil þar sem ég hugsaði að ég væri betur stödd ef ég hefði aldrei orðið þekkt. En núna myndi ég ekki vilja hafa þetta neitt öðruvísi. Ég var lengi þannig að dagar, vikur eða mánuðir voru ónýtir hjá mér að af því að einhver sagði eitthvað eða fannst eitthvað um mig. Það breytti öllu þegar ég náði raunverulega að sjá það að ég þyrfti ekki að trúa neinu nema ég ákvæði það sjálf. Fólk má segja og skrifa hvað sem það vill, en við sjálf getum kosið að ákveða hverju við trúum,“ segir Linda. Stórkostlegt að komast burt úr fórnarlambshugsunarhætti „Það er gríðarlegt frelsi að komast á þann stað að álit annarra sé raunverulega hætt að hafa áhrif á mann. Það er stórkostlegt að komast burt úr fórnarlambshugsunarhætti yfir í sjálfsábyrgð og fara að lifa lífi sínu þannig að maður hafi vald yfir þessu öllu. Bæði því sem gengur vel og líka því sem gengur illa. Það fylgir því mikið frelsi að komast í raunverulega sjálfsábyrgð. Auðvitað gerast alls konar hlutir hjá okkur öllum sem voru ekki okkur að kenna eða við höfðum lítið um það að segja, en við stjórnum því sjálf hvernig við bregðumst við,“ segir Linda, sem segir að það hafi tekið sig langan tíma að komast hægt og rólega í fulla sjálfsábyrgð í eigin lífi. „Maður er ekki við stjórnvölinn í eigin lífi ef maður er fórnarlamb og kennir öðrum um. Það er svo vondur staður að vera á og maður er þá í raun að færa ytri aðstæðum og öðru fólki allt vald. Það hefur myndast ákveðin fórnarlambamenning í samfélaginu okkar, en ég upplifi að fleiri og fleiri séu að átta sig á því að það skilar engu og þá missir maður allt vald yfir eigin lífi.“ Sjálfsmyndin má ekki vera rammskökk Linda hefur í áraraðir unnið með konum þegar kemur að heilsu og hefur þar getað notað sína eigin reynslu. Hún segist vinna með öðruvísi nálgun en margir þegar það komi að heilsu. Ofuráhersla hafi í gegnum tíðina verið á hegðun og að breyta henni. „En það drífur ekki langt ef við vinnum ekki með sjálfsmyndina, grunnforritin og hugsanirnar fyrst. Allt sem við gerum byrjar með hugsun. Hugsun hefur áhrif á tilfinningarnar, þær hafa svo áhrif á hegðunina og hegðunin býr til niðurstöðuna. Ef við náum að breyta grunninum þegar kemur að hugsunum mun það breyta tilfinningunum, sem eru svo drifkrafturinn fyrir hegðuninni. Við getum farið af stað og reynt að gera eitthvað, en ef sjálfsmyndin er rammskökk og forritið rangt komumst við ekki langt. Hugurinn leitar alltaf aftur og aftur í sjálfsmyndina og þú ferð alltaf til baka þangað í grunnskekkjuna ef þú vinnnur ekki með hugsanirnar. Grunnvinnan er að breyta sjálfsmyndinni. Þetta er dálítið öðruvísi en við erum vön því að líta á þetta, en ég hef unnið þessa vinnu á sjálfri mér og það varð allt svo miklu auðveldara þegar ég náði að breyta sjálfsmyndinni og hugsunum tengdum henni,“ Dulin blessun Í þættinum ræðir Linda um eitt erfiðasta tímabil ævi hennar, þegar hún missti fyrirtæki sitt Baðhúsið sem hún hafði byggt upp árum saman. Hún segist nú sjá úr baksýnisspeglinum að þarna hafi verið dulin blessun á ferð. „Stundum þurfum við að fara langt niður til að ná að skjóta okkur upp aftur. Ég var reið og bitur mjög lengi eftir gjaldþrotið og setti ábyrgðina á aðra aðila. En það breyttist allt þegar ég náði að taka fulla ábyrgð á þessu sjálf og þá byrjaði alveg nýr kafli. En þetta var gríðarlega erfiður tími, ekki síst af því að mér leið eins og ég hefði misst allt öryggi í tilverunni. Einstæð móðir með fólk bankandi upp á hjá mér með kröfur og að birta mér einhverja pappíra. Ég fór langt niður og var alveg búin á því bæði andlega og tilfinningalega,“ segir Linda. „Það kom tímabil þar sem ég átti ekki fyrir mat, sem ég reiknaði aldrei með að eiga eftir að upplifa. Þetta var dimmur dalur, en ég er baráttukona og það var aldrei valkostur að gefast upp. En svo líður tíminn og eins og lífið er þá sér maður oft það sem var erfiðast á meðan á því stóð sem stærstu blessunina þegar rykið er sest. Ég veit núna að þetta átti að fara svona og þetta varð á endanum til þess að ég fékk að gera það sem ég er að gera í dag, sem ég elska af öllu hjarta. Ég man eftir því þegar góð kona sagði við mig: ,,Linda, þú ert þitt eigið öryggi”. Ég náði einhvern vegin að taka það alveg inn og átta mig á því að maður missir í raun aldrei öryggi ef maður nær að vera sitt eigið öryggi. Líf mitt hefur aldrei verið eins gott og núna og þetta var hluti af þeirri vegferð.“ Hægt er að nálgast viðtalið við Lindu og öll viðtöl og podköst Sölva Tryggvasonar inni á solvitryggva.is
Podcast með Sölva Tryggva Heilsa Líkamsræktarstöðvar Mest lesið Framleiða meiri varning „vegna fjölda áskorana“ Lífið Gerir upp sögu Séð og heyrt: „Þetta er mjög sterkur samfélagsspegill“ Lífið Spacey á barmi gjaldþrots Lífið „Þetta er enginn helvítis félagskvíði, það bara þolir mig enginn“ Áskorun Georg í Sigur Rós keypti vistvænt hús við einn besta golfvöll landsins Lífið Andrea Róberts keypti einbýli sem þarfnast ástar Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Rómantísk útsýnisíbúð Bergrúnar Írisar til sölu Lífið Hefur ekki hugmynd um hvað tekur nú við Lífið Vandamálið við fætur, þeir eru í laginu eins og fætur Lífið samstarf Fleiri fréttir Framleiða meiri varning „vegna fjölda áskorana“ Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Tómas hitti sofandi hjartaskurðlækninn Fréttatía vikunnar: Nýr forseti, meindýr og þingið Gæti orðið að Gísla á Uppsölum ef hún ögrar sér ekki Eigendur Akureyri Backpackers selja höllina Frikki Dór reyndi að slá Íslandsmet Fékk sér þrjú húðflúr í andlitið Foreldrum hætti til að setja pressu á börn sín Gaman að gefa þeim sviðið sem ekki eru oft þar Sjá meira
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið