Innlent

Tóku niður ís­lenska svikasíðu með FBI

Lovísa Arnardóttir skrifar
Þessi mynd mætir nú fólki sem reynir að fara á síðuna. Neðst á henni má sjá logo íslensku lögreglunnar ásamt hinum þjóðinum sem unnið var með.
Þessi mynd mætir nú fólki sem reynir að fara á síðuna. Neðst á henni má sjá logo íslensku lögreglunnar ásamt hinum þjóðinum sem unnið var með.

Lögreglan á höfuðborgarsvæðinu tók þátt í alþjóðlegri lögregluaðgerð á dögunum þar sem tekin var niður vefsíða, breachforums.is, sem var meðal annars notuð til að selja stolin gögn úr innbrotum í tölvukerfi.

Í tilkynningu segir að aðgerðinni hafi verið stýrt af bandarísku alríkislögreglunni og hafi verið unnin í samvinnu yfirvalda í sjö löndum þar á meðal Sviss, Nýja Sjálandi, Ástralíu og Bretlandi. 

Hér heima naut lögreglan aðstoðar frá Internet á Íslandi, ISNIC. Málið féll undir að vera misnotkun á íslenskum innviðum og var þetta liður í að verja þá.

Í tilkynningu frá Lögreglunni á höfuðborgarsvæðinu kemur fram brotin varði skipulagða brotastarfsemi, sem sneri að peningaþvætti, hilmingu og fleiru. Viðskiptin fóru fram með rafmynt.

Lögreglumál Bretland Ástralía Sviss Netglæpir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið