Innlent

Helga lenti einnig í vand­ræðum

Bjarki Sigurðsson skrifar
Helga Þórisdóttir þurfti að safna örfáum undirskriftum til viðbótar.
Helga Þórisdóttir þurfti að safna örfáum undirskriftum til viðbótar. Helga Þórisdóttir

Helga Þórisdóttir forsetaframbjóðandi fékk skilaboð frá kjörstjórn um að hana vantaði nokkrar undirskriftir til viðbótar eftir yfirferð. Hennar fólk var fljótt að bregðast við og náði hún lágmarkinu aftur „á núll einni“.

Að minnsta kosti tveir aðrir frambjóðendur hafa fengið sömu meldingu frá Landskjörstjórn, þeir Eiríkur Ingi Jóhannsson og Ástþór Magnússon. Báðir fengu frest til klukkan fimm á morgun til að ná síðustu undirskriftunum. 

Helga segir í samtali við fréttastofu að hún hafi verið búin að koma sér langt yfir lágmarkið en þar sem einhverjir þeirra sem skrifuðu undir hjá henni skrifuðu einnig undir hjá öðrum og sumir voru útlendingar ekki með kennitölu þá þurfti hún að næla sér í nokkrar til viðbótar. 

„Það vantaði örlítið á Sunnlendingafjórðungi og Vestfirðingafjórðungi. En ég og mitt fólk söfnuðum þessu á núll einni,“ segir Helga í samtali við fréttastofu. 

Í samtali við fréttastofu segjast Baldur Þórhallsson, Katrín Jakobsdóttir, Jón Gnarr, Ásdís Rán Gunnarsdóttir, Steinunn Ólína Þorsteinsdóttir, Halla Tómasdóttir, Halla Hrund Logadóttir, Kári Vilmundarson Hansen og Viktor Traustason ekki hafa fengið neina tilkynningu frá Landskjörstjórn. 

Fréttastofu hefur ekki tekist að ná samband við Arnar Þór Jónsson. Fréttin verður uppfærð með hans svörum þegar þau berast. 

Forsetakosningar 2024
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið