Ævintýri enn gerast og geta gerst víðar Skjóðan skrifar 6. júlí 2016 09:00 Íslenska karlalandsliðið í knattspyrnu hefur sigrað heiminn. Íslensku áhorfendurnir hafa líka verið óborganlegir og til fullkomins sóma. Aldrei fyrr hefur verið farin önnur eins frægðarför utan og för landsliðsins á EM í Frakklandi. Við höfum áður átt frábæra knattspyrnumenn á Íslandi. Albert Guðmundsson, Ásgeir Sigurvinsson, Arnór Guðjohnsen og Eiður Smári Guðjohnsen voru allir í hópi bestu knattspyrnumanna heims þegar þeir voru upp á sitt besta. Samt náði landsliðið okkar ekki sérstökum árangri með þá í broddi fylkingar. Ekki er það tilviljun að Ísland hefur nú skipað sér í flokk með bestu knattspyrnuþjóðum Evrópu. Vel menntaðir þjálfarar hafa um árabil leiðbeint jafnvel yngstu knattspyrnuiðkendunum. Knattspyrnuhús gerðu íslenskum iðkendum mögulegt að æfa og keppa í íþróttinni allan ársins hring og battavellirnir, sem standa við nær hvern skóla á landinu eru nýttir allt árið. Úr þessu umhverfi spratt unglingalandsliðið sem náði inn í lokakeppni EM 2011. Leikmenn þess eru kjarni landsliðsins sem vann hug og hjörtu heimsins í Frakklandi á dögunum. Fleira gerðist. Ráðinn var einn besti knattspyrnustjóri veraldar til að stýra landsliðinu. Lars Lagerbäck hefur fært liðinu aga og sjálfstraust sem íslensk knattspyrnulið hafa ekki áður búið yfir. Mestu máli skiptir samt að íslenska landsliðið bjó við sama umhverfi og hin liðin á EM. Leikmennirnir spila við sams konar aðstæður og leikmenn Englands, Frakklands og Þýskalands. Undirbúningur liðsins er áþekkur og öll aðstaða á mótstað, hótel, matseld og fleira er sambærileg við það sem bestu liðin njóta. Þess vegna er Ísland komið í fremstu röð í knattspyrnu. Af þessu má draga lærdóm fyrir íslenskt atvinnulíf. Íslensk fyrirtæki þurfa að notast við örmynt og margfaldan fjármagnskostnað á við þau fyrirtæki sem þau keppa við. Erlend fjárfesting er fjarlægur draumur fyrir flestar greinar íslensks atvinnulífs. Einungis örfá fyrirtæki búa við aðstæður sambærilegar þeim sem alþjóðleg samkeppni þeirra býr við. Útgerðin hefur ávallt notið forréttinda hér á landi. Þar fyrir utan eru það helst fyrirtæki, sem voru orðin alþjóðleg fyrir hrun og stóðu af sér hrunið, DeCode, Marel, Össur og CCP. Þau njóta undanþága frá hinum almennu höftum. Íslenskt atvinnulíf, með íslenska krónu, höft og fjármagnsokur, er í svipaðri stöðu og íslenska landsliðið fyrir 40 árum. Ein til tvær stjörnur eru í liðinu en aðrir leikmenn eru lakari og liðið nær ekki árangri. Lífskjör íslensku þjóðarinnar eru lakari en þau þurfa að vera. Við eigum að horfa til uppbyggingar knattspyrnunnar sem fyrirmyndar fyrir atvinnulífið. Við verðum að búa fyrirtækjunum sömu aðstæður og fyrirtæki í öðrum löndum búa við. Áframhaldandi og aukin einangrun er ekki leiðin til bættra lífskjara. Skjóðan Mest lesið „Það sem þú greiðir niður, það kemur aldrei aftur“ Neytendur Lækkuðu stýrivexti í Evrópu í fyrsta sinn síðan 2019 Viðskipti erlent Írskur matsölustaður hafði betur í vörumerkjadeilum við McDonalds Viðskipti erlent Aldrei verið minna af sykri í íslensku Pepsí Neytendur Bein útsending: Fjórða flugferð Starship Viðskipti erlent „Að fara í slag við þessa risa er nánast ómögulegt“ Viðskipti innlent Fjárfesta fyrir þrjá milljarða í Reykjanesbæ og Hafnarfirði Viðskipti innlent Fjórir sérfræðingar til liðs við Helix Viðskipti innlent Ofursmart heilsárshús Samstarf „Orðið var við aukna umræðu um að vinnan eigi ekki að valda álagi“ Atvinnulíf Fleiri fréttir Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Sjá meira
Íslenska karlalandsliðið í knattspyrnu hefur sigrað heiminn. Íslensku áhorfendurnir hafa líka verið óborganlegir og til fullkomins sóma. Aldrei fyrr hefur verið farin önnur eins frægðarför utan og för landsliðsins á EM í Frakklandi. Við höfum áður átt frábæra knattspyrnumenn á Íslandi. Albert Guðmundsson, Ásgeir Sigurvinsson, Arnór Guðjohnsen og Eiður Smári Guðjohnsen voru allir í hópi bestu knattspyrnumanna heims þegar þeir voru upp á sitt besta. Samt náði landsliðið okkar ekki sérstökum árangri með þá í broddi fylkingar. Ekki er það tilviljun að Ísland hefur nú skipað sér í flokk með bestu knattspyrnuþjóðum Evrópu. Vel menntaðir þjálfarar hafa um árabil leiðbeint jafnvel yngstu knattspyrnuiðkendunum. Knattspyrnuhús gerðu íslenskum iðkendum mögulegt að æfa og keppa í íþróttinni allan ársins hring og battavellirnir, sem standa við nær hvern skóla á landinu eru nýttir allt árið. Úr þessu umhverfi spratt unglingalandsliðið sem náði inn í lokakeppni EM 2011. Leikmenn þess eru kjarni landsliðsins sem vann hug og hjörtu heimsins í Frakklandi á dögunum. Fleira gerðist. Ráðinn var einn besti knattspyrnustjóri veraldar til að stýra landsliðinu. Lars Lagerbäck hefur fært liðinu aga og sjálfstraust sem íslensk knattspyrnulið hafa ekki áður búið yfir. Mestu máli skiptir samt að íslenska landsliðið bjó við sama umhverfi og hin liðin á EM. Leikmennirnir spila við sams konar aðstæður og leikmenn Englands, Frakklands og Þýskalands. Undirbúningur liðsins er áþekkur og öll aðstaða á mótstað, hótel, matseld og fleira er sambærileg við það sem bestu liðin njóta. Þess vegna er Ísland komið í fremstu röð í knattspyrnu. Af þessu má draga lærdóm fyrir íslenskt atvinnulíf. Íslensk fyrirtæki þurfa að notast við örmynt og margfaldan fjármagnskostnað á við þau fyrirtæki sem þau keppa við. Erlend fjárfesting er fjarlægur draumur fyrir flestar greinar íslensks atvinnulífs. Einungis örfá fyrirtæki búa við aðstæður sambærilegar þeim sem alþjóðleg samkeppni þeirra býr við. Útgerðin hefur ávallt notið forréttinda hér á landi. Þar fyrir utan eru það helst fyrirtæki, sem voru orðin alþjóðleg fyrir hrun og stóðu af sér hrunið, DeCode, Marel, Össur og CCP. Þau njóta undanþága frá hinum almennu höftum. Íslenskt atvinnulíf, með íslenska krónu, höft og fjármagnsokur, er í svipaðri stöðu og íslenska landsliðið fyrir 40 árum. Ein til tvær stjörnur eru í liðinu en aðrir leikmenn eru lakari og liðið nær ekki árangri. Lífskjör íslensku þjóðarinnar eru lakari en þau þurfa að vera. Við eigum að horfa til uppbyggingar knattspyrnunnar sem fyrirmyndar fyrir atvinnulífið. Við verðum að búa fyrirtækjunum sömu aðstæður og fyrirtæki í öðrum löndum búa við. Áframhaldandi og aukin einangrun er ekki leiðin til bættra lífskjara.
Skjóðan Mest lesið „Það sem þú greiðir niður, það kemur aldrei aftur“ Neytendur Lækkuðu stýrivexti í Evrópu í fyrsta sinn síðan 2019 Viðskipti erlent Írskur matsölustaður hafði betur í vörumerkjadeilum við McDonalds Viðskipti erlent Aldrei verið minna af sykri í íslensku Pepsí Neytendur Bein útsending: Fjórða flugferð Starship Viðskipti erlent „Að fara í slag við þessa risa er nánast ómögulegt“ Viðskipti innlent Fjárfesta fyrir þrjá milljarða í Reykjanesbæ og Hafnarfirði Viðskipti innlent Fjórir sérfræðingar til liðs við Helix Viðskipti innlent Ofursmart heilsárshús Samstarf „Orðið var við aukna umræðu um að vinnan eigi ekki að valda álagi“ Atvinnulíf Fleiri fréttir Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Sjá meira