Munu ekki standa í vegi fyrir Verstappen vilji hann fara Aron Guðmundsson skrifar 11. mars 2024 16:37 Þrír lykilstarfsmenn Formúlu 1 liðs Red Bull Racing. Hér sést Max Verstappen ræða við Helmut Marko (til vinstri) eftir sigur í Sádi-Arabíu um nýliðna helgi. Með þeim er liðsstjórinn Christian Horner (til hægri) liðsstjóri Red Bull Racing Vísir/Getty Forráðamenn Formúlu 1 liðs Red Bull Racing segjast ekki munu neyða þrefalda heimsmeistara sinn, ökumanninn Max Verstappen, til þess að vera áfram hjá liðinu út gildandi samning milli ökumannsins og liðsins sé það hans ósk að hverfa á braut. Það er Motorsport.com sem greinir frá en Verstappen hefur, líkt og Red Bull Racing liðið í heild sinni, farið fullkomlega af stað innan brautar að loknum fyrstu tveimur umferðum tímabilsins 2024. Eldfimt ástand utan brautar hefur hins vegar vakið upp spurningar um framtíð einstaklinga sem gegna lykilhlutverkum innan liðsins. Samningur Verstappen við Red Bull Racing gildir út tímabilið 2028. Framtíð Hollendingsins fljúgandi er hins vegar talin velta, að mjög miklu leiti, á framtíð Helmut Marko í starfi ráðgjafa liðsins. Marko á stóran þátt í uppgangi Verstappen hjá Red Bull Racing og á í sterkum og góðum tengslum við Hollendinginn sem og föður hans, Jos Verstappen. Valdabarátta innan liðsins Utan frá virðist mikil valdabarátta nú eiga sér stað innan Red Bull Racing liðsins milli fylkinga Christian Horner, liðsstjóra Red Bull annars vegar og Helmut Marko og Verstappen feðga hins vegar. Horner sjálfur hefur verið mikið á milli tannanna á fólki undanfarnar vikur eftir að ásakanir á hendur honum um óviðeigandi og stjórnandi hegðun í garð samstarfskonu hjá Red Bull Racing litu dagsins ljós. Horner neitaði sök og Red Bull samsteypan setti af stað innri rannsókn á málinu. Niðurstaðan þeirrar rannsóknar var að láta málið niður falla. Fyrir helgi bárust svo fregnir af því að umræddri konu hefði verið sagt upp störfum hjá Red Bull Racing Reynt hefur verið að lægja öldurnar innan liðsins og yfirlýsingar stríðandi fylkinga flogið á milli í fjölmiðlum en spurningarmerkjunum um lið Red Bull Racing virðist á sama tíma bara fjölga með hverri yfirlýsingunni. Aðspurður um framtíð Max Verstappen, sem hefur undanfarna daga verið orðaður við lið Mercedes, sagði Horner að Red Bull Racing myndi ekki neyða Verstappen til þess að klára samning sinn hjá liðinu ef hann vildi yfirgefa það. „Það gildir það sama um þetta og lífið sjálft. Maður neyðir ekki einhvern til þess að vera á einhverjum stað sem hann vill ekki vera á.“ Mest lesið Spilaði í NBA en er nú á leið í Ólympíuleikana í strandblaki Körfubolti KR og FH án lykilmanna í næstu umferð Íslenski boltinn Réðu nýjan þjálfara sama dag og Solskjær var orðaður við félagið Fótbolti Viktor ekki á förum frá Nantes: „Kitlaði alveg egóið að heyra þetta“ Handbolti Tryggði Íslandi sigurinn mikilvæga en nú í leit að nýju félagi Fótbolti Skíðastjarna Ítalíu og kærasta hans létust í slysi í Ölpunum Sport Meiðslalisti íslenska landsliðsins lengist enn frekar Fótbolti Danir lögðu Svía og Haaland skoraði þrjú Fótbolti „Hann þarf greinilega að borga Stúkumönnum til að peppa sig upp“ Íslenski boltinn Hin þaulreynda Rut gengin í raðir silfurliðs Hauka Handbolti Fleiri fréttir Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira
Það er Motorsport.com sem greinir frá en Verstappen hefur, líkt og Red Bull Racing liðið í heild sinni, farið fullkomlega af stað innan brautar að loknum fyrstu tveimur umferðum tímabilsins 2024. Eldfimt ástand utan brautar hefur hins vegar vakið upp spurningar um framtíð einstaklinga sem gegna lykilhlutverkum innan liðsins. Samningur Verstappen við Red Bull Racing gildir út tímabilið 2028. Framtíð Hollendingsins fljúgandi er hins vegar talin velta, að mjög miklu leiti, á framtíð Helmut Marko í starfi ráðgjafa liðsins. Marko á stóran þátt í uppgangi Verstappen hjá Red Bull Racing og á í sterkum og góðum tengslum við Hollendinginn sem og föður hans, Jos Verstappen. Valdabarátta innan liðsins Utan frá virðist mikil valdabarátta nú eiga sér stað innan Red Bull Racing liðsins milli fylkinga Christian Horner, liðsstjóra Red Bull annars vegar og Helmut Marko og Verstappen feðga hins vegar. Horner sjálfur hefur verið mikið á milli tannanna á fólki undanfarnar vikur eftir að ásakanir á hendur honum um óviðeigandi og stjórnandi hegðun í garð samstarfskonu hjá Red Bull Racing litu dagsins ljós. Horner neitaði sök og Red Bull samsteypan setti af stað innri rannsókn á málinu. Niðurstaðan þeirrar rannsóknar var að láta málið niður falla. Fyrir helgi bárust svo fregnir af því að umræddri konu hefði verið sagt upp störfum hjá Red Bull Racing Reynt hefur verið að lægja öldurnar innan liðsins og yfirlýsingar stríðandi fylkinga flogið á milli í fjölmiðlum en spurningarmerkjunum um lið Red Bull Racing virðist á sama tíma bara fjölga með hverri yfirlýsingunni. Aðspurður um framtíð Max Verstappen, sem hefur undanfarna daga verið orðaður við lið Mercedes, sagði Horner að Red Bull Racing myndi ekki neyða Verstappen til þess að klára samning sinn hjá liðinu ef hann vildi yfirgefa það. „Það gildir það sama um þetta og lífið sjálft. Maður neyðir ekki einhvern til þess að vera á einhverjum stað sem hann vill ekki vera á.“
Mest lesið Spilaði í NBA en er nú á leið í Ólympíuleikana í strandblaki Körfubolti KR og FH án lykilmanna í næstu umferð Íslenski boltinn Réðu nýjan þjálfara sama dag og Solskjær var orðaður við félagið Fótbolti Viktor ekki á förum frá Nantes: „Kitlaði alveg egóið að heyra þetta“ Handbolti Tryggði Íslandi sigurinn mikilvæga en nú í leit að nýju félagi Fótbolti Skíðastjarna Ítalíu og kærasta hans létust í slysi í Ölpunum Sport Meiðslalisti íslenska landsliðsins lengist enn frekar Fótbolti Danir lögðu Svía og Haaland skoraði þrjú Fótbolti „Hann þarf greinilega að borga Stúkumönnum til að peppa sig upp“ Íslenski boltinn Hin þaulreynda Rut gengin í raðir silfurliðs Hauka Handbolti Fleiri fréttir Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira