Friðarviðræður milli umboðsmanns Verstappens og Horners Ingvi Þór Sæmundsson skrifar 5. mars 2024 13:00 Allra augu eru á Christian Horner, liðsstjóra Red Bull, þessa dagana. getty/Kym Illman Umboðsmaður Max Verstappen, heimsmeistarans í Formúlu 1, hitti Christian Horner, liðsstjóra Red Bull, á friðarfundi vegna ástandsins innan herbúða liðsins. Horner er umtalaðasti maðurinn í Formúlu 1 þessa dagana. Eftir innanhúss rannsókn hjá Red Bull var hann hreinsaður af ásökunum um óviðeigandi hegðun í garð samstarfskonu. Horner hélt ef til vill að hann væri sloppinn fyrir horn en svo var sannarlega ekki því skilaboðum hans og samstarfskonunnar var lekið skömmu fyrir fyrstu keppni tímabilsins í Formúlu 1. Verstappen vann kappaksturinn í Barein á laugardaginn og samherji hans, Sergio Pérez, varð annar. Eftir hann steig faðir Verstappens, Jos, fram og sagði Horner væri ekki stætt að vera lengur í starfi hjá Red Bull. „Þetta getur ekki haldið svona áfram. Þessi staða er ekki góð fyrir liðið og er sundrandi,“ sagði Jos. Hann hafnaði því hins vegar fyrir að hann hefði lekið skilaboðunum milli Horners og konunnar. Til að reyna að bera vopn á klæðin hittust Horner og umboðsmaður Verstappens, Reymond Vermeulen, á eins konar friðarfundi. Hann ku hafa gengið vel en spurningin er hvort það dugi til að lægja öldurnar innan Red Bull. Eftir kappaksturinn í Barein sagðist Horner vera handviss um að hann yrði áfram við stjórnvölinn hjá Red Bull. Hann hefur verið liðsstjóri Red Bull síðan liðið hóf keppni í Formúlu 1 fyrir nítján árum. Síðan þá hefur Red Bull sex sinnum orðið heimsmeistari bílasmiða og sjö sinnum heimsmeistari ökuþóra. Akstursíþróttir Mest lesið Kane skrifaði undir samning á lokahófi Grindavíkur Körfubolti Tveir Færeyingar til silfurliðsins Handbolti Uppgjör: FH - Fram 3-3 | Ótrúleg endurkoma Fram í Krikanum Íslenski boltinn „Veit ekki hvaðan þetta kom allt frá okkur“ Íslenski boltinn „Eftir að við fengum á okkur fyrsta markið slökktum við á okkur“ Íslenski boltinn Fyrstu sigrar Aftureldingar og Þróttar Íslenski boltinn Pressa Þjóðverja bar loks árangur Fótbolti Benedikt tekinn við Stólunum Körfubolti Njarðvíkingar rústuðu Þórsurum Íslenski boltinn Hnéskel Kristófers fór í tvennt Körfubolti Fleiri fréttir Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira
Horner er umtalaðasti maðurinn í Formúlu 1 þessa dagana. Eftir innanhúss rannsókn hjá Red Bull var hann hreinsaður af ásökunum um óviðeigandi hegðun í garð samstarfskonu. Horner hélt ef til vill að hann væri sloppinn fyrir horn en svo var sannarlega ekki því skilaboðum hans og samstarfskonunnar var lekið skömmu fyrir fyrstu keppni tímabilsins í Formúlu 1. Verstappen vann kappaksturinn í Barein á laugardaginn og samherji hans, Sergio Pérez, varð annar. Eftir hann steig faðir Verstappens, Jos, fram og sagði Horner væri ekki stætt að vera lengur í starfi hjá Red Bull. „Þetta getur ekki haldið svona áfram. Þessi staða er ekki góð fyrir liðið og er sundrandi,“ sagði Jos. Hann hafnaði því hins vegar fyrir að hann hefði lekið skilaboðunum milli Horners og konunnar. Til að reyna að bera vopn á klæðin hittust Horner og umboðsmaður Verstappens, Reymond Vermeulen, á eins konar friðarfundi. Hann ku hafa gengið vel en spurningin er hvort það dugi til að lægja öldurnar innan Red Bull. Eftir kappaksturinn í Barein sagðist Horner vera handviss um að hann yrði áfram við stjórnvölinn hjá Red Bull. Hann hefur verið liðsstjóri Red Bull síðan liðið hóf keppni í Formúlu 1 fyrir nítján árum. Síðan þá hefur Red Bull sex sinnum orðið heimsmeistari bílasmiða og sjö sinnum heimsmeistari ökuþóra.
Akstursíþróttir Mest lesið Kane skrifaði undir samning á lokahófi Grindavíkur Körfubolti Tveir Færeyingar til silfurliðsins Handbolti Uppgjör: FH - Fram 3-3 | Ótrúleg endurkoma Fram í Krikanum Íslenski boltinn „Veit ekki hvaðan þetta kom allt frá okkur“ Íslenski boltinn „Eftir að við fengum á okkur fyrsta markið slökktum við á okkur“ Íslenski boltinn Fyrstu sigrar Aftureldingar og Þróttar Íslenski boltinn Pressa Þjóðverja bar loks árangur Fótbolti Benedikt tekinn við Stólunum Körfubolti Njarðvíkingar rústuðu Þórsurum Íslenski boltinn Hnéskel Kristófers fór í tvennt Körfubolti Fleiri fréttir Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira