Innlent

Pólitíkin, dánaraðstoð, NATO og kosningar á Sprengi­sandi

Samúel Karl Ólason skrifar
Sprengisandur hefst klukkan 10. Kristján Kristjánsson stýrir þættinum að venju.
Sprengisandur hefst klukkan 10. Kristján Kristjánsson stýrir þættinum að venju. Bylgjan

Þjóðmálaþátturinn Sprengisandur er í beinni útsendingu á Bylgjunni og á Vísi frá klukkan tíu til tólf alla sunnudaga. Í þættinum fær Kristján Kristjánsson til sín góða gesti og fer yfir þau málefni sem eru efst á baugi í samfélaginu hverju sinni.

Að þessu sinni fær Kristján fyrst til sín þær Bryndísi Haraldsdóttur og Oddný Harðardóttur sem ætla að fara yfir pólitíkina en þær fara einnig fyrir Norðurlandaráði sem stendur og það kemur í þeirra hlut að lægja öldurnar á þeim vettvangi eftir að Grænlendingar kvörtuðu opinberlega yfir því hversu þjóðin er afskipt innan Norðurlandaráðsins.

Ingrid Kuhlman og Steinunn Þórðardóttir, formaður Læknafélags Íslands, ætla að ræða dánaraðstoð, mál sem Ingrid hefur barist fyrir en læknar staðið gegn.

Þórdís Kolbrún utanríkisráðherra ætlar að mæta og ræða utanríkismálin í tilefni 75 ára aðildar okkar að Atlanshafsbandalaginu.

Þau Helga Vala Helgadóttir lögmaður og Hjörtur J. Guðmundsson stjórnmálafræðingur eru síðust á dagskrá. Þau ætla að tala um forsetakosningarnar, harðnandi tón, samsæriskenningar, tvíbentar stuðningsyfirlýsingar og eitt og annað sem bæst hefur við síðustu daga.

Þátturinn hefst klukkan tíu og hægt er að nálgast hann hér að neðan.

Sprengisandur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið