Sýknaður af ákæru um að taka eiginkonu sína hálstaki og henda henni út Rafn Ágúst Ragnarsson skrifar 13. mars 2024 19:05 Héraðsdómur Austurlands/Lögreglan á Austfjörðum Vísir/Jóhann Maður hefur verið sýknaður í Héraðsdómi Austurlands af ákæru fyrir heimilisofbeldi þar sem hann var sakaður um að hafa kyrkt fyrrverandi eiginkonu sína þannig að hún var við það að missa meðvitund. Ákæran var lögð fram á hendur manninum þann ellefta september 2023. Þar er hann ákærður fyrir brot í nánu sambandi með því að hafa á alvarlegan hátt ógnað lífi, heilsu og velferð fyrrverandi maka síns með því að hafa að morgni til sunnudaginn þriðja júli 2022 veist að henni á sameiginlegu heimili þeirra, kyrkt hana þannig að hún var við það að missa meðvitund og kýlt hana að minnsta kosti einu sinni aftan í vinstri síðu ásamt því að hafa tekið í hönd hennar og hár og hent henni út af sameiginlegu heimili þeirra. Pakkaði dótinu hennar niður skipaði henni að fara út Í frumskýrslu lögreglu sem kom á vettvang er haft eftir brotaþola að hún hafi kvöldið áður farið í nálægan þéttbýliskjarna en komið á heimili sitt umræddan morgun. Þessa sömu nótt hafi eiginmaður hennar, hinn ákærði, verið á næturvakt en farið heim úr vinnunni um hálf fimm vegna þess að hann hafði áhyggjur af ölvunarástands hennar og ætluðu framhjáhaldi hennar. Brotaþoli skýrði frekar frá málsatvikum í kæruskýrslunni. Þar segist hún hafa farið að skemmta sér með vinum kvöldið áður og neytt áfengið en verið í samskiptum við ákærða um nóttina. Hún hafi sofið heima hjá vinafólkinu og þegar áfengisvíman hafi verið runnin af henni hafi hún farið á heimili sitt og ákærða upp úr tíu næsta morgun. Þá segir hún eiginmann sinn hafa verið „brjálaðan“ við komu sinnar vegna ætlaðs framhjáhalds hennar. Hann hafi haft um hana ljót orð og hún svarað. Hún segir einnig að þegar þetta gerðist hefði ákærði verið búinn að koma öllu dótinu hennar fyrir í plastpokum. Á einhverjum tímapunkti hafi samskipti þeirra „farið úr böndunum“ og segir hún aldrei hafa séð eiginmann sinn í slíkum ham áður. Kýld ítrekað í síðuna Í kjölfar þessa hafi eiginmaður hennar tekið hana hálstaki og hún hafi verið við það að missa meðvitund þegar hann sleppt itakinu. Hún hafi reynt að öskra til að ná athygli einhvers íbúa í fjölbýlishúsinu sem þau áttu heima í en hann hafi þá tekið hana hálstaki á ný. Þegar hún var endanlega laus úr hálstaki ákærða byrjað hún að bera pokana með dótinu sínu fram á stigaganginn en þá hafi eiginmaður hennar komið þar að henni og kýlt hana í vinstri síðuna, hún hafi misst máttinn í vinstri fætinum og í framhaldi af því fallið á hnén. Þá hafi ákærði kýlt hana aftur í sömu síðuna en aðeins lausar. Brotaþoli hafi þá komist inn í íbúð á fyrstu hæðinni til nágranna þar sem hún bað húsráðendur að hringja í lögreglu og sjúkralið. Fallið á áfengisbindindi Hinn ákærði hélt því fram að hann hafi verið í símasamskiptum við brotaþola um nóttina en í þeim hafi hann komist að því að hún hefði fallið á nokkurra ára áfengisbindindi sínu. Hann hafi reynt að fá hana til að koma heim en hún hafi þá haft illmælgi í hans garð og loks hætt að svara í símann. Hann hafi orðið miður sín en í kjölfarið hætt á næturvaktinni sinni og farið heim til þeirra. Hann hafi loksins náð sambandi við brotaþola stuttu fyrir tíu næsta morgun og þau hafi rifist. Hinn ákærði skýrði frá því við yfirheyrslu lögreglu að brotaþoli hafi komið heim þennan morguninn mjög ölvuð. Hann hafi skipað henni að fara úr íbúðinni og að hún hafi þá lamið hann í hnakkann og hálsinn með hárbursta. Hann sneri sér við um leið og sló hárburstann úr hendi brotaþola, síðan tók hann undir hönd hennar og setti hana aftur fyrir bak. Svo kastaði hann henni af öllu afli út úr íbúðinni þannig að hún hafnaði á stigahandriðinu. Kröfum brotaþola vísað frá Það var niðurstaða dómsins að ákæruvaldinu hafi ekki tekist að færa sönnur á, gegn staðfastri neitun ákærða, að hann hafi brotið gegn brotaþola á þann hátt sem ákæruvaldið hélt fram. Því beri að sýkna ákærða af sakaratriðum málsins. Brotaþoli fór fram á að ákærða yrði gert að greiða henni skaða- og miskabætur sem námu sjöhundruð þúsund krónum með vöxtum. Auk þess krafðist hún að ákærði yrði dæmdur til refsingar og greiðslu alls sakarkostnaðar. Hinn ákærði var sýknaður af kröfum ákæruvaldsins og einkaréttarkröfu brotaþola vísað frá dómi. Allur sakarkostnaður verður greiddur úr ríkissjóði, þar með talin málsvarnarlaun skipaðs verjanda ákærða upp á 1289600 krónur og ferðakostnaður. Einnig þóknun réttargæslumanns brotaþola upp á 644800 krónur. Heimilisofbeldi Lögreglumál Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór ýjar að stofnun nýs stjórnmálaflokks Innlent Harmar atvik þar sem konu var sagt að hún væri búin að kjósa Innlent Seinkun á tölum ekki að ástæðulausu Innlent Selenskí óskar Höllu Tómasdóttur til hamingju Innlent Ríkisstjórnin á erfiða daga fyrir höndum Innlent Óskar Höllu til hamingju: „Þú verður góður forseti“ Innlent Notkun Íslendinga á ADHD-lyfjum þrefaldaðist á tíu árum Innlent Svona var ávarp nýkjörinnar Höllu Tómasdóttur Innlent Fyrsta konan og gyðingurinn til að verða forseti Mexíkó Erlent Fyrsti karlmakinn á Bessastöðum: „Draumaútkoman varð að veruleika” Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira
Ákæran var lögð fram á hendur manninum þann ellefta september 2023. Þar er hann ákærður fyrir brot í nánu sambandi með því að hafa á alvarlegan hátt ógnað lífi, heilsu og velferð fyrrverandi maka síns með því að hafa að morgni til sunnudaginn þriðja júli 2022 veist að henni á sameiginlegu heimili þeirra, kyrkt hana þannig að hún var við það að missa meðvitund og kýlt hana að minnsta kosti einu sinni aftan í vinstri síðu ásamt því að hafa tekið í hönd hennar og hár og hent henni út af sameiginlegu heimili þeirra. Pakkaði dótinu hennar niður skipaði henni að fara út Í frumskýrslu lögreglu sem kom á vettvang er haft eftir brotaþola að hún hafi kvöldið áður farið í nálægan þéttbýliskjarna en komið á heimili sitt umræddan morgun. Þessa sömu nótt hafi eiginmaður hennar, hinn ákærði, verið á næturvakt en farið heim úr vinnunni um hálf fimm vegna þess að hann hafði áhyggjur af ölvunarástands hennar og ætluðu framhjáhaldi hennar. Brotaþoli skýrði frekar frá málsatvikum í kæruskýrslunni. Þar segist hún hafa farið að skemmta sér með vinum kvöldið áður og neytt áfengið en verið í samskiptum við ákærða um nóttina. Hún hafi sofið heima hjá vinafólkinu og þegar áfengisvíman hafi verið runnin af henni hafi hún farið á heimili sitt og ákærða upp úr tíu næsta morgun. Þá segir hún eiginmann sinn hafa verið „brjálaðan“ við komu sinnar vegna ætlaðs framhjáhalds hennar. Hann hafi haft um hana ljót orð og hún svarað. Hún segir einnig að þegar þetta gerðist hefði ákærði verið búinn að koma öllu dótinu hennar fyrir í plastpokum. Á einhverjum tímapunkti hafi samskipti þeirra „farið úr böndunum“ og segir hún aldrei hafa séð eiginmann sinn í slíkum ham áður. Kýld ítrekað í síðuna Í kjölfar þessa hafi eiginmaður hennar tekið hana hálstaki og hún hafi verið við það að missa meðvitund þegar hann sleppt itakinu. Hún hafi reynt að öskra til að ná athygli einhvers íbúa í fjölbýlishúsinu sem þau áttu heima í en hann hafi þá tekið hana hálstaki á ný. Þegar hún var endanlega laus úr hálstaki ákærða byrjað hún að bera pokana með dótinu sínu fram á stigaganginn en þá hafi eiginmaður hennar komið þar að henni og kýlt hana í vinstri síðuna, hún hafi misst máttinn í vinstri fætinum og í framhaldi af því fallið á hnén. Þá hafi ákærði kýlt hana aftur í sömu síðuna en aðeins lausar. Brotaþoli hafi þá komist inn í íbúð á fyrstu hæðinni til nágranna þar sem hún bað húsráðendur að hringja í lögreglu og sjúkralið. Fallið á áfengisbindindi Hinn ákærði hélt því fram að hann hafi verið í símasamskiptum við brotaþola um nóttina en í þeim hafi hann komist að því að hún hefði fallið á nokkurra ára áfengisbindindi sínu. Hann hafi reynt að fá hana til að koma heim en hún hafi þá haft illmælgi í hans garð og loks hætt að svara í símann. Hann hafi orðið miður sín en í kjölfarið hætt á næturvaktinni sinni og farið heim til þeirra. Hann hafi loksins náð sambandi við brotaþola stuttu fyrir tíu næsta morgun og þau hafi rifist. Hinn ákærði skýrði frá því við yfirheyrslu lögreglu að brotaþoli hafi komið heim þennan morguninn mjög ölvuð. Hann hafi skipað henni að fara úr íbúðinni og að hún hafi þá lamið hann í hnakkann og hálsinn með hárbursta. Hann sneri sér við um leið og sló hárburstann úr hendi brotaþola, síðan tók hann undir hönd hennar og setti hana aftur fyrir bak. Svo kastaði hann henni af öllu afli út úr íbúðinni þannig að hún hafnaði á stigahandriðinu. Kröfum brotaþola vísað frá Það var niðurstaða dómsins að ákæruvaldinu hafi ekki tekist að færa sönnur á, gegn staðfastri neitun ákærða, að hann hafi brotið gegn brotaþola á þann hátt sem ákæruvaldið hélt fram. Því beri að sýkna ákærða af sakaratriðum málsins. Brotaþoli fór fram á að ákærða yrði gert að greiða henni skaða- og miskabætur sem námu sjöhundruð þúsund krónum með vöxtum. Auk þess krafðist hún að ákærði yrði dæmdur til refsingar og greiðslu alls sakarkostnaðar. Hinn ákærði var sýknaður af kröfum ákæruvaldsins og einkaréttarkröfu brotaþola vísað frá dómi. Allur sakarkostnaður verður greiddur úr ríkissjóði, þar með talin málsvarnarlaun skipaðs verjanda ákærða upp á 1289600 krónur og ferðakostnaður. Einnig þóknun réttargæslumanns brotaþola upp á 644800 krónur.
Heimilisofbeldi Lögreglumál Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór ýjar að stofnun nýs stjórnmálaflokks Innlent Harmar atvik þar sem konu var sagt að hún væri búin að kjósa Innlent Seinkun á tölum ekki að ástæðulausu Innlent Selenskí óskar Höllu Tómasdóttur til hamingju Innlent Ríkisstjórnin á erfiða daga fyrir höndum Innlent Óskar Höllu til hamingju: „Þú verður góður forseti“ Innlent Notkun Íslendinga á ADHD-lyfjum þrefaldaðist á tíu árum Innlent Svona var ávarp nýkjörinnar Höllu Tómasdóttur Innlent Fyrsta konan og gyðingurinn til að verða forseti Mexíkó Erlent Fyrsti karlmakinn á Bessastöðum: „Draumaútkoman varð að veruleika” Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira