Hjónum fjölgar hjá umboðsmanni skuldara Jón Þór Stefánsson skrifar 19. mars 2024 09:26 UMS Einstaklingum sem leita aðstoðar umboðsmanns skuldara vegna fjárhagsvanda fer fjölgandi. Umsækjendum sem eru með vinnu hefur fjölgað og eru orðnir stærsti hópur umsækjenda, þegar litið er til atvinnustöðu. Þá sækja hjón og sambúðafólk í auknum mæli um aðstoð. Aukinn þungi er á símaráðgjöf hjá UMS og erindum sem berast frá einstaklingum. Þetta er á meðal þess sem kemur fram í tilkynningu frá embættinu. „Það er ljóst að efnahagsástandið er farið að bitna á fólki í samfélaginu og samhliða almennri aukningu á umsóknum sjáum við fjölgun umsækjenda í hópum á borð við hjón og sambúðarfólk,“ er haft eftir Ástu Sigrúnu Helgadóttur umboðsmanni skuldara. Fjöldi umsækjenda eftir mánuðum.UMS Í tilkynningunni er farið yfir ýmsa tölfræði varðandi þá sem leita til umboðsmanns. Til að mynda er bent á að undanfarin ár hafi flestir umsækjendur verið einstaklingar sem búa einir. Það sem af er ársins 2024 eru þeir sem búa einir áfram enn stærsti hópurinn en fjölgun er í hópi hjóna og sambúðarfólks þriðja árið í röð. Árið 2022 voru hjón og sambúðarfólk fjögur prósent umsækjenda, níu prósent í fyrra, en eru nú átján prósent umsækjenda. Þá kemur að þegar litið sé til búsetu eru flestir þeirra sem leita aðstoðar á leigumarkaði. Það voru sextíu prósent árið 2023 og 66 prósent það sem af er ári. Einnig er bent á að öryrkjar hafi verið stærsti hópur umsækjenda þegar litið sé til atvinnustöðu og voru þeir 37 prósent allra umsækjenda í fyrra, en um 34 prósent umsækjenda það sem af er ári. Umsækjendum í atvinnu fjölgar töluvert og eru þeir nú stærsti hópur umsækjenda ef litið er til atvinnustöðu eða 45 prósent. Til samanburðar voru einstaklingar í atvinnu 34 prósent umsækjenda árið 2023 og 35 prósent árið 2022. Atvinnulausum umsækjendum fækkar úr 25 prósentum árið 2023 í sextán prósent það sem af er árinu 2024. Umsækjendur eftir atvinnustöðu.UMS Umsækjendur eftir fjölskyldustærð UMS Í tilkynningu UMS er fjallað um breytingar á lögum um greiðsluaðlögun einstaklinga sem voru samþykktar á Alþingi nýlega. „Greiðsluaðlögun einstaklinga er úrræði fyrir einstaklinga í verulegum fjárhagserfiðleikum þar sem einstaklingum er gert kleift að ná frjálsum samningum við kröfuhafa sína með milligöngu UMS og er það eina virka lögbundna skuldavandaúrræði fyrir einstaklinga á Íslandi,“ er haft eftir Ástu. Á síðasta ári var 34% allra umsókna sem bárust umboðsmanni skuldara beint í greiðsluaðlögun einstaklinga. „Úrræði greiðsluaðlögunar hefur margsannað gildi sitt hér á landi en með breytingunum er markmiðið að ná enn betur en áður til einstaklinga og fjölskyldna sem standa frammi fyrir verulegum fjárhagserfiðleikum. Breytingunum er meðal annars ætlað að bregðast við þeim aðstæðum sem nú eru uppi í þjóðfélaginu þegar greiðslubyrði veðlána fer hækkandi og fjárhagur heimilanna þrengist. Þær taka til ýmissa þátta en allar miða þær að því að bæta úrræðið, gera það heildstæðara og gera málsmeðferðina skýrari og skilvirkari, umsækjendum til hagsbóta,“ segir hún. Umsækjendur eftir búsetu.UMS Í tilkynningunni er farið yfir nokkur atriði breytinganna, en listi umboðsmanns er eftirfarandi: Betri heimildir eru nú til að koma til móts við fasteignaeigendur í verulegum fjárhagsvanda. Mögulegt verður að gera ráð fyrir fleiri kröfum inn í greiðsluáætlun sem annars falla ekki undir greiðsluaðlögun. Þessar kröfur eru fésektir, kröfur vegna virðisaukaskatts, kröfur um afdregna vangoldna staðgreiðslu opinberra gjalda, kröfur um skaðabætur vegna tjóns sem samkvæmt dómi hefur verið valdið með refsiverðu athæfi og meðlagskröfur. Hér verður því um heildstæðari lausn að ræða. Skilyrði um búsetu og lögheimili á Íslandi hafa verið rýmkuð þannig að einstaklingar í verulegum fjárhagserfiðleikum sem hafa búsetu erlendis en eru með skuldbindingar sínar á Íslandi hafa kost á að leita greiðsluaðlögunar að uppfylltum ákveðnum skilyrðum. Ábyrgðarmenn námslána með virkar ábyrgðarskuldbindingar sem eru í greiðslu- og/eða skuldavanda geta nú leitað lausna í gegnum úrræði greiðsluaðlögunar. Óheimilt verður fyrir Creditinfo að skrá upplýsingar um greiðsluaðlögun umsækjanda í vanskilaskrá eða annars konar gagnasafn sem miðlað er. Þá mun fyrirtækið eingöngu geta nýtt upplýsingar um greiðsluaðlögunina í þágu skýrslu um lánshæfi í eitt ár. Neytendur Fjölskyldumál Fjármál heimilisins Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór ýjar að stofnun nýs stjórnmálaflokks Innlent Harmar atvik þar sem konu var sagt að hún væri búin að kjósa Innlent Selenskí óskar Höllu Tómasdóttur til hamingju Innlent Seinkun á tölum ekki að ástæðulausu Innlent Ríkisstjórnin á erfiða daga fyrir höndum Innlent Óskar Höllu til hamingju: „Þú verður góður forseti“ Innlent Svona var ávarp nýkjörinnar Höllu Tómasdóttur Innlent Notkun Íslendinga á ADHD-lyfjum þrefaldaðist á tíu árum Innlent Var nálægt því að draga framboð sitt til baka Innlent Fyrsti karlmakinn á Bessastöðum: „Draumaútkoman varð að veruleika” Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira
Aukinn þungi er á símaráðgjöf hjá UMS og erindum sem berast frá einstaklingum. Þetta er á meðal þess sem kemur fram í tilkynningu frá embættinu. „Það er ljóst að efnahagsástandið er farið að bitna á fólki í samfélaginu og samhliða almennri aukningu á umsóknum sjáum við fjölgun umsækjenda í hópum á borð við hjón og sambúðarfólk,“ er haft eftir Ástu Sigrúnu Helgadóttur umboðsmanni skuldara. Fjöldi umsækjenda eftir mánuðum.UMS Í tilkynningunni er farið yfir ýmsa tölfræði varðandi þá sem leita til umboðsmanns. Til að mynda er bent á að undanfarin ár hafi flestir umsækjendur verið einstaklingar sem búa einir. Það sem af er ársins 2024 eru þeir sem búa einir áfram enn stærsti hópurinn en fjölgun er í hópi hjóna og sambúðarfólks þriðja árið í röð. Árið 2022 voru hjón og sambúðarfólk fjögur prósent umsækjenda, níu prósent í fyrra, en eru nú átján prósent umsækjenda. Þá kemur að þegar litið sé til búsetu eru flestir þeirra sem leita aðstoðar á leigumarkaði. Það voru sextíu prósent árið 2023 og 66 prósent það sem af er ári. Einnig er bent á að öryrkjar hafi verið stærsti hópur umsækjenda þegar litið sé til atvinnustöðu og voru þeir 37 prósent allra umsækjenda í fyrra, en um 34 prósent umsækjenda það sem af er ári. Umsækjendum í atvinnu fjölgar töluvert og eru þeir nú stærsti hópur umsækjenda ef litið er til atvinnustöðu eða 45 prósent. Til samanburðar voru einstaklingar í atvinnu 34 prósent umsækjenda árið 2023 og 35 prósent árið 2022. Atvinnulausum umsækjendum fækkar úr 25 prósentum árið 2023 í sextán prósent það sem af er árinu 2024. Umsækjendur eftir atvinnustöðu.UMS Umsækjendur eftir fjölskyldustærð UMS Í tilkynningu UMS er fjallað um breytingar á lögum um greiðsluaðlögun einstaklinga sem voru samþykktar á Alþingi nýlega. „Greiðsluaðlögun einstaklinga er úrræði fyrir einstaklinga í verulegum fjárhagserfiðleikum þar sem einstaklingum er gert kleift að ná frjálsum samningum við kröfuhafa sína með milligöngu UMS og er það eina virka lögbundna skuldavandaúrræði fyrir einstaklinga á Íslandi,“ er haft eftir Ástu. Á síðasta ári var 34% allra umsókna sem bárust umboðsmanni skuldara beint í greiðsluaðlögun einstaklinga. „Úrræði greiðsluaðlögunar hefur margsannað gildi sitt hér á landi en með breytingunum er markmiðið að ná enn betur en áður til einstaklinga og fjölskyldna sem standa frammi fyrir verulegum fjárhagserfiðleikum. Breytingunum er meðal annars ætlað að bregðast við þeim aðstæðum sem nú eru uppi í þjóðfélaginu þegar greiðslubyrði veðlána fer hækkandi og fjárhagur heimilanna þrengist. Þær taka til ýmissa þátta en allar miða þær að því að bæta úrræðið, gera það heildstæðara og gera málsmeðferðina skýrari og skilvirkari, umsækjendum til hagsbóta,“ segir hún. Umsækjendur eftir búsetu.UMS Í tilkynningunni er farið yfir nokkur atriði breytinganna, en listi umboðsmanns er eftirfarandi: Betri heimildir eru nú til að koma til móts við fasteignaeigendur í verulegum fjárhagsvanda. Mögulegt verður að gera ráð fyrir fleiri kröfum inn í greiðsluáætlun sem annars falla ekki undir greiðsluaðlögun. Þessar kröfur eru fésektir, kröfur vegna virðisaukaskatts, kröfur um afdregna vangoldna staðgreiðslu opinberra gjalda, kröfur um skaðabætur vegna tjóns sem samkvæmt dómi hefur verið valdið með refsiverðu athæfi og meðlagskröfur. Hér verður því um heildstæðari lausn að ræða. Skilyrði um búsetu og lögheimili á Íslandi hafa verið rýmkuð þannig að einstaklingar í verulegum fjárhagserfiðleikum sem hafa búsetu erlendis en eru með skuldbindingar sínar á Íslandi hafa kost á að leita greiðsluaðlögunar að uppfylltum ákveðnum skilyrðum. Ábyrgðarmenn námslána með virkar ábyrgðarskuldbindingar sem eru í greiðslu- og/eða skuldavanda geta nú leitað lausna í gegnum úrræði greiðsluaðlögunar. Óheimilt verður fyrir Creditinfo að skrá upplýsingar um greiðsluaðlögun umsækjanda í vanskilaskrá eða annars konar gagnasafn sem miðlað er. Þá mun fyrirtækið eingöngu geta nýtt upplýsingar um greiðsluaðlögunina í þágu skýrslu um lánshæfi í eitt ár.
Neytendur Fjölskyldumál Fjármál heimilisins Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór ýjar að stofnun nýs stjórnmálaflokks Innlent Harmar atvik þar sem konu var sagt að hún væri búin að kjósa Innlent Selenskí óskar Höllu Tómasdóttur til hamingju Innlent Seinkun á tölum ekki að ástæðulausu Innlent Ríkisstjórnin á erfiða daga fyrir höndum Innlent Óskar Höllu til hamingju: „Þú verður góður forseti“ Innlent Svona var ávarp nýkjörinnar Höllu Tómasdóttur Innlent Notkun Íslendinga á ADHD-lyfjum þrefaldaðist á tíu árum Innlent Var nálægt því að draga framboð sitt til baka Innlent Fyrsti karlmakinn á Bessastöðum: „Draumaútkoman varð að veruleika” Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira