Eldur á Vatnsstíg slökktur

Búið er að slökkva allan yfirborðseld í húsi á Vatnsstíg, sem stóð í ljósum logum fyrr í kvöld.

Samkvæmt upplýsingum frá slökkviliði fara slökkviliðsmenn nú um húsið, slökkva í glæðum og tryggja húsnæðið.

Mjög vel gekk að slökkva eldinn og tók slökkvistarfið tæpar 25 mínútur.

Húsið var mannlaust, en reykkafarar gengu úr skugga um að enginn væri innandyra og leituðu á öllum hæðum.

Verið er að rannsaka upptök eldsins, en ekkert rafmagn átti að vera á húsinu þegar eldurinn braust út.