Lífið

Lady Gaga í alklæðnaði frá íslenskum fatahönnuði

Kristjana Arnarsdóttir skrifar
Mynd/Aníta Eldjárn Kristjánsdóttir
"Þetta er bara mjög skemmtilegt og mikill heiður. Þetta mun vonandi opna einhverjar dyr fyrir mér," segir fatahönnuðurinn Rakel Sölvadóttir, en söngkonan Lady Gaga hreifst mjög af fatalínu Rakelar.

Rakel útskrifaðist af fatahönnunarbraut Listaháskólans í vor. Eftir útskriftina var henni boðið að taka þátt í keppninni Designer's Nest en þar keppa nýútskrifaðir fatahönnuðir í Skandinavíu. Umsjónarmaður keppninnar hafði síðar samband við Rakel og tjáði henni að engin önnur en Lady Gaga hefði áhuga á fatalínu hennar. Var hún síðan beðin um að senda línuna í heild sinni til stílista söngkonunnar.

Það var svo fyrr í kvöld að Rakel kom auga á myndir af Lady Gaga á netinu, þar sem hún klæddist fatnaði úr fatalínu hennar. Hafa vefmiðlarnir heimsþekktu Eonline.com og DailyMail.com fjallað um málið.






Fleiri fréttir

Sjá meira


×