Innlent

Lögreglan leitar að dökkhærðri konu um þrítugt

Lögreglan á höfuðborgarsvæðinu leitar ökumanns dökkleitrar bifreiðar, sennilega Renault Clio, í tengslum við vinnuslys á plani Shell-stöðvarinnar við Vesturlandsveg í Reykjavík klukkan 9.30 miðvikudaginn 3. október síðastliðinn.

Verið var að eiga við vatnskassa bílsins þegar óhappið varð en í fyrstu var ekki talið að starfsmaðurinn, sem var að sinna verkinu, hefði orðið fyrir meiðslum. Annað hefur nú komið á daginn og því er umræddur ökumaður beðinn um að gefa sig fram. Um er að ræða unga, dökkhærða konu, sem líklega er á þrítugsaldri.

Búi aðrir yfir vitneskju um konuna, bílinn og áðurnefnt óhapp eru hinir sömu vinsamlegast beðnir um að hafa samband við lögregluna á höfuðborgarsvæðinu í síma 444-1000. Upplýsingum má einnig koma á framfæri á netfangið abending@lrh.is.




Fleiri fréttir

Sjá meira


×