Innlent

Ráðist á starfsmann Dróma á heimili hans

Erla Hlynsdóttir skrifar
Ráðist var á starfsmann Dróma á heimili hans í gærkvöldi. Starfsmenn fyrirtækisins eru slegnir og málið litið mjög alvarlegum augum.

Drómi er hlutafélag sem var stofnað til að halda utan um eignir SPRON og Fjálsa fjárfestingabankann. Hlutverk Dróma er að innheimta lán þeirra sem þar voru í viðskiptum og hafa starfshættir fyrirtækisins verið harðlega gagnrýndir.

Magnús Steinþór Pálmarsson, hjá slitastjórn Frjálsa fjárfestingarbankans, verst frétta af málinu. Hann staðfestir að mjög alvarlegur atburður hafi átt sér stað í gær og að forsvarsmenn Dróma hafi áhyggjur af velferð starfsmanna sinna. Starfsmaðurinn mun samkvæmt heimildum fréttastofu ekki hafa slasast í árásinni.

Starfsfólk Dróma er mjög slegið vegna atburðarins og verður í framhaldinu gripið til aðgerða til að tryggja frekar öryggi þeirra.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið