Mjór en máttugur 30. mars 2005 00:01 Keflvíkingar unnu þrjá síðustu leiki sína í undanúrslitunum Intersportdeildarinnar í körfubolta gegn ÍR af miklu öryggi þar sem það var augljóst að Íslandsmeistarar síðustu tveggja ára höfðu meiri breidd og miklu meiri orku til þess að spila á fullum krafti í þessum leikjum sem liðið vann samtals með 69 stiga mun eða 23 stigum að meðaltali. ÍR-ingar komu fullir sjálfstrausti inn í einvígið og unnu óvæntan baráttusigur í fyrsta leiknum í Keflavík en vöktu um leið Keflavíkurhraðlestina sem var ekki stöðvuð eftir að hún komst af stað. Það eru margir kallaðir í Keflavíkurliðinu þegar kemur að því að útnefna bestu og mikilvægustu leikmenn liðsins en einn sá allra mikilvægasti er sjáldnast áberandi í stigaskorunni en skilar hlutverki sínu í liðinu af sérstakri ósérhlífni og með smitandi baráttu. Jón Nordal Hafsteinsson sýndi og sannaði sig sem lykilmann Keflavíkur í einvíginu gegn ÍR. Hann komi inn í byrjunarliðið þar sem fyrirliðinn Gunnar Einarsson meiddist í átta liða úrslitunum, spilaði frábærlega í vörninni og elti uppi alla lausa bolta auk þess að skila sínu í sóknarleiknum. Það er oft erfitt að meta áhrif einstakra leikmanna á gengi liðsins en ein leiðin er að skoða gengi liðsins þegar ákveðinn leikmaður er inn á vellinum. Það kemur kannski ekki aðdáenum "Jonna" á óvart að Keflavíkurliðinu gekk best með hann inná. Keflavík vann þannig þær 92 mínútur og 7 sekúndur sem strákurinn spilaði í einvíginu með 69 stigum, 213-144, en tapaði hinsvegar þeim 67 mínútum og 53 sekúndum sem liðið lék án hans með 8 stigum, 159-167. Jón Nordal var annar tveggja leikmanna liðsins þar sem Keflavík tapaði þeim tíma sem þeir sátu á bekknum en hinn er Anthony Glover en liðið tapaði þeim rúmu 43 mínútum sem það var án hans með 5 stigum. Keflavík vann alla leikina fjóra með "Jonna" inná, meðal annars þann fyrsta með þremur stigum (53-50) en ÍR vann hann eins og áður sagði með átta stiga mun. Jón Nordal var einnig sá íslenski leikmaður sem skilaði mestu til síns liðs í einvíginu samkvæmt NBA-framlagsjöfnunni en hann var með 7,8 stig og 6,3 fráköst að meðaltali á þeim 22,5 mínútum sem að spilaði í leik auk þess að nýta skotin sín 56%. Jón tók flest sóknafráköst allra í einvíginu (17 eða 4,3 í leik) og aðeins Nick Bradford (21) var með fleiri stopp í einvíginu en Jón stal 8 boltum og varði 7 skot í leikjunum fjórum. Það skoruðu kannski níu leikmenn í einvíginu fleiri stig en Jón Nordal Hafsteinsson en það er samt mjög erfitt að finna mikilvægari leikmann en hinn 24 ára framherja Keflavíkur. Körfubolti Mest lesið Hermann hættur með ÍBV Íslenski boltinn Fáránlegt hneyksli ofurhlaupara: Breyttu Wikipedia-síðum Sport Pabbinn fékk tattú á punginn Sport Ætlar sér að vinna heimsleikana í Crossfit Sport Pavel nýr liðsmaður Bónus Körfuboltakvölds Körfubolti Átján ára hjólreiðakona í lífshættu Sport Bestu guttarnir í Bestu deild karla Íslenski boltinn Man United stefnir á að vinna ensku úrvalsdeildina árið 2028 Enski boltinn Svona var kynningarfundurinn fyrir fyrir Bónus-deildirnar Körfubolti Álftanes lét Frakkann fara og samdi við Okeke Körfubolti Fleiri fréttir Meisturunum spáð sigri í Bónus deildunum Hermann hættur með ÍBV Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Glódís mætir Arsenal, Juventus og Sædísi Segir að Xavi hafi látið Barcelona spila eins og Eibar Pavel nýr liðsmaður Bónus Körfuboltakvölds Stofnandi Rafíþróttasambands Íslands í Esports Hall of Fame Fáránlegt hneyksli ofurhlaupara: Breyttu Wikipedia-síðum Dusty aftur á toppinn eftir 4. umferð Sakar andstæðing um að stela þjálfaranum sínum Bestu guttarnir í Bestu deild karla Átján ára hjólreiðakona í lífshættu Ætlar sér að vinna heimsleikana í Crossfit Pabbinn fékk tattú á punginn Man United stefnir á að vinna ensku úrvalsdeildina árið 2028 Dagskráin í dag: Körfuboltakvöld, Karólína Lea og mun meira Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Sjá meira
Keflvíkingar unnu þrjá síðustu leiki sína í undanúrslitunum Intersportdeildarinnar í körfubolta gegn ÍR af miklu öryggi þar sem það var augljóst að Íslandsmeistarar síðustu tveggja ára höfðu meiri breidd og miklu meiri orku til þess að spila á fullum krafti í þessum leikjum sem liðið vann samtals með 69 stiga mun eða 23 stigum að meðaltali. ÍR-ingar komu fullir sjálfstrausti inn í einvígið og unnu óvæntan baráttusigur í fyrsta leiknum í Keflavík en vöktu um leið Keflavíkurhraðlestina sem var ekki stöðvuð eftir að hún komst af stað. Það eru margir kallaðir í Keflavíkurliðinu þegar kemur að því að útnefna bestu og mikilvægustu leikmenn liðsins en einn sá allra mikilvægasti er sjáldnast áberandi í stigaskorunni en skilar hlutverki sínu í liðinu af sérstakri ósérhlífni og með smitandi baráttu. Jón Nordal Hafsteinsson sýndi og sannaði sig sem lykilmann Keflavíkur í einvíginu gegn ÍR. Hann komi inn í byrjunarliðið þar sem fyrirliðinn Gunnar Einarsson meiddist í átta liða úrslitunum, spilaði frábærlega í vörninni og elti uppi alla lausa bolta auk þess að skila sínu í sóknarleiknum. Það er oft erfitt að meta áhrif einstakra leikmanna á gengi liðsins en ein leiðin er að skoða gengi liðsins þegar ákveðinn leikmaður er inn á vellinum. Það kemur kannski ekki aðdáenum "Jonna" á óvart að Keflavíkurliðinu gekk best með hann inná. Keflavík vann þannig þær 92 mínútur og 7 sekúndur sem strákurinn spilaði í einvíginu með 69 stigum, 213-144, en tapaði hinsvegar þeim 67 mínútum og 53 sekúndum sem liðið lék án hans með 8 stigum, 159-167. Jón Nordal var annar tveggja leikmanna liðsins þar sem Keflavík tapaði þeim tíma sem þeir sátu á bekknum en hinn er Anthony Glover en liðið tapaði þeim rúmu 43 mínútum sem það var án hans með 5 stigum. Keflavík vann alla leikina fjóra með "Jonna" inná, meðal annars þann fyrsta með þremur stigum (53-50) en ÍR vann hann eins og áður sagði með átta stiga mun. Jón Nordal var einnig sá íslenski leikmaður sem skilaði mestu til síns liðs í einvíginu samkvæmt NBA-framlagsjöfnunni en hann var með 7,8 stig og 6,3 fráköst að meðaltali á þeim 22,5 mínútum sem að spilaði í leik auk þess að nýta skotin sín 56%. Jón tók flest sóknafráköst allra í einvíginu (17 eða 4,3 í leik) og aðeins Nick Bradford (21) var með fleiri stopp í einvíginu en Jón stal 8 boltum og varði 7 skot í leikjunum fjórum. Það skoruðu kannski níu leikmenn í einvíginu fleiri stig en Jón Nordal Hafsteinsson en það er samt mjög erfitt að finna mikilvægari leikmann en hinn 24 ára framherja Keflavíkur.
Körfubolti Mest lesið Hermann hættur með ÍBV Íslenski boltinn Fáránlegt hneyksli ofurhlaupara: Breyttu Wikipedia-síðum Sport Pabbinn fékk tattú á punginn Sport Ætlar sér að vinna heimsleikana í Crossfit Sport Pavel nýr liðsmaður Bónus Körfuboltakvölds Körfubolti Átján ára hjólreiðakona í lífshættu Sport Bestu guttarnir í Bestu deild karla Íslenski boltinn Man United stefnir á að vinna ensku úrvalsdeildina árið 2028 Enski boltinn Svona var kynningarfundurinn fyrir fyrir Bónus-deildirnar Körfubolti Álftanes lét Frakkann fara og samdi við Okeke Körfubolti Fleiri fréttir Meisturunum spáð sigri í Bónus deildunum Hermann hættur með ÍBV Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Glódís mætir Arsenal, Juventus og Sædísi Segir að Xavi hafi látið Barcelona spila eins og Eibar Pavel nýr liðsmaður Bónus Körfuboltakvölds Stofnandi Rafíþróttasambands Íslands í Esports Hall of Fame Fáránlegt hneyksli ofurhlaupara: Breyttu Wikipedia-síðum Dusty aftur á toppinn eftir 4. umferð Sakar andstæðing um að stela þjálfaranum sínum Bestu guttarnir í Bestu deild karla Átján ára hjólreiðakona í lífshættu Ætlar sér að vinna heimsleikana í Crossfit Pabbinn fékk tattú á punginn Man United stefnir á að vinna ensku úrvalsdeildina árið 2028 Dagskráin í dag: Körfuboltakvöld, Karólína Lea og mun meira Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Sjá meira