Dallas valtaði yfir San Antonio 13. október 2005 19:01 Dallas Mavericks settu á svið sýningu á heimavelli sínum í nótt, þegar liðið vann sinn stærsta sigur í sögunni á San Antonio Spurs, sem greinilega sakna Tim Duncan mikið. Varnarleikurinn hefur verið settur á oddinn hjá Dallas eftir að Avery Johnson tók við liðinu og hefur liðið aðeins tapað tveimur leikjum síðan hann tók við af Don Nelson. Hann var að stýra Mavericks í sínum fyrsta leik gegn lærimeistara sínum Gregg Popovich, sem þjálfaði Johnson á sínum tíma þegar hann lék fyrir Spurs. Leikurinn í nótt var hin besta skemmtun og auk þess að spila harðan varnarleik, fóru Dallas menn á kostum í sókninni og niðurstaðan var stærsta tap San Antonio í fjögur ár, 104-68. Hvorki gekk né rak í sóknarleiknum hjá San Antonio, þar sem Brent Barry var stigahæstur með aðeins 12 stig. Í jöfnu liði Dallas var Keith Van Horn stigahæstur með 17 stig og Dirk Nowitzki skoraði 16 stig og hirti 8 fráköst á aðeins 27 mínútum. Spurs sitja þó sem fastast í efsta sæti riðils síns með 55 sigra og 20 töp, sem auðvitað er frábær árangur, en ljóst er að liðið gerir litlar rósir í úrslitakeppninni ef Tim Duncan fer ekki að ná sér af meiðslum sínum fljótlega. Grannaliðin New York og New Jersey áttust við á heimavelli þeirra síðarnefndu og þar héldu Nets uppteknum hætti og sigruðu, 110-98 og undirstrikuðu enn einu sinni að þeir ætla sér ekki að vera litla liðið á svæðinu. Stephon Marbury, sem í vetur lýsti því yfir að hann væri besti leikstjórnandi í NBA, var að venju stigahæstur í liði New York með 30 stig og átti 9 stoðsendingar. Þessi fína tölfræði hans skilaði þó ekki sigri í hús fyrir Knicks frekar en svo oft áður og Nets sigruðu næsta auðveldlega. Vince Carter var stigahæstur í liði heimamanna með 32 stig og Jason Kidd náði 66. þrennu sinni á ferlinum þegar hann skoraði 28 stig, gaf 12 stoðsendingar og hirti 10 fráköst. Mikill hiti var í leiknum og undir lokin lenti Kidd illa á Kurt Thomas, framherja Knicks sem setti fyrir hann harkalega hindrun, með þeim afleiðingum að Kidd steinlá í gólfinu. Kidd reis á fætur og hrinti Thomas og hlaut að launum tæknivillu, sem virtist kveikja í kappanum, því hann kláraði leikinn með fimm stigum í röð í næstu tveimur sóknum á eftir. Þegar Kidd var spurður að því eftir leikinn hvort hann hefði orðið æstur við atvikið, svaraði hann; "Ég verð ekki spenntur eða æstur þegar ég er að spila við léleg lið - þeir eru lélegt lið," sagði leikstjórnandinn, sem greinilega hefur eitthvað látið granna sína fara í taugarnar á sér. Los Angeles Lakers náðu að tryggja sér vafasaman árangur í nótt, en nú er ljóst að liðið verður með undir 50% vinningshlutfall í fyrsta sinn í ellefu ár. Houston Rockets, sem hafa verið að hiksta nokkuð upp á síðkastið, nýttu sér vel að eiga inni heimsókn í Staples Center til að rétta af dapurt gengi undanfarið og höfðu auðveldan 114-100 sigur á slöku Lakers liði. Phil Jackson, fyrrum þjálfari liðsins sat í stúkunni á leiknum og hristi höfuðið yfir slakri frammistöðu fyrrum leikmanna sinna. Tracy McGrady skoraði 27 stig og átti 7 stoðsendingar fyrir Houston Rockets, en Caron Butler var atkvæðamestur í liði heimamanna með 24 stig og 12 fráköst og Kobe Bryant náði þrennu með 19 stigum, 10 fráköst og 10 stoðsendingar. Körfubolti Mest lesið Hermann hættur með ÍBV Íslenski boltinn Fáránlegt hneyksli ofurhlaupara: Breyttu Wikipedia-síðum Sport Pabbinn fékk tattú á punginn Sport Ætlar sér að vinna heimsleikana í Crossfit Sport Pavel nýr liðsmaður Bónus Körfuboltakvölds Körfubolti Átján ára hjólreiðakona í lífshættu Sport Bestu guttarnir í Bestu deild karla Íslenski boltinn Man United stefnir á að vinna ensku úrvalsdeildina árið 2028 Enski boltinn Svona var kynningarfundurinn fyrir fyrir Bónus-deildirnar Körfubolti Álftanes lét Frakkann fara og samdi við Okeke Körfubolti Fleiri fréttir Meisturunum spáð sigri í Bónus deildunum Hermann hættur með ÍBV Bein útsending: Spáin og upphitun fyrir Bónus-deildirnar Álftanes lét Frakkann fara og samdi við Okeke Glódís mætir Arsenal, Juventus og Sædísi Segir að Xavi hafi látið Barcelona spila eins og Eibar Pavel nýr liðsmaður Bónus Körfuboltakvölds Stofnandi Rafíþróttasambands Íslands í Esports Hall of Fame Fáránlegt hneyksli ofurhlaupara: Breyttu Wikipedia-síðum Dusty aftur á toppinn eftir 4. umferð Sakar andstæðing um að stela þjálfaranum sínum Bestu guttarnir í Bestu deild karla Átján ára hjólreiðakona í lífshættu Ætlar sér að vinna heimsleikana í Crossfit Pabbinn fékk tattú á punginn Man United stefnir á að vinna ensku úrvalsdeildina árið 2028 Dagskráin í dag: Körfuboltakvöld, Karólína Lea og mun meira Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Sjá meira
Dallas Mavericks settu á svið sýningu á heimavelli sínum í nótt, þegar liðið vann sinn stærsta sigur í sögunni á San Antonio Spurs, sem greinilega sakna Tim Duncan mikið. Varnarleikurinn hefur verið settur á oddinn hjá Dallas eftir að Avery Johnson tók við liðinu og hefur liðið aðeins tapað tveimur leikjum síðan hann tók við af Don Nelson. Hann var að stýra Mavericks í sínum fyrsta leik gegn lærimeistara sínum Gregg Popovich, sem þjálfaði Johnson á sínum tíma þegar hann lék fyrir Spurs. Leikurinn í nótt var hin besta skemmtun og auk þess að spila harðan varnarleik, fóru Dallas menn á kostum í sókninni og niðurstaðan var stærsta tap San Antonio í fjögur ár, 104-68. Hvorki gekk né rak í sóknarleiknum hjá San Antonio, þar sem Brent Barry var stigahæstur með aðeins 12 stig. Í jöfnu liði Dallas var Keith Van Horn stigahæstur með 17 stig og Dirk Nowitzki skoraði 16 stig og hirti 8 fráköst á aðeins 27 mínútum. Spurs sitja þó sem fastast í efsta sæti riðils síns með 55 sigra og 20 töp, sem auðvitað er frábær árangur, en ljóst er að liðið gerir litlar rósir í úrslitakeppninni ef Tim Duncan fer ekki að ná sér af meiðslum sínum fljótlega. Grannaliðin New York og New Jersey áttust við á heimavelli þeirra síðarnefndu og þar héldu Nets uppteknum hætti og sigruðu, 110-98 og undirstrikuðu enn einu sinni að þeir ætla sér ekki að vera litla liðið á svæðinu. Stephon Marbury, sem í vetur lýsti því yfir að hann væri besti leikstjórnandi í NBA, var að venju stigahæstur í liði New York með 30 stig og átti 9 stoðsendingar. Þessi fína tölfræði hans skilaði þó ekki sigri í hús fyrir Knicks frekar en svo oft áður og Nets sigruðu næsta auðveldlega. Vince Carter var stigahæstur í liði heimamanna með 32 stig og Jason Kidd náði 66. þrennu sinni á ferlinum þegar hann skoraði 28 stig, gaf 12 stoðsendingar og hirti 10 fráköst. Mikill hiti var í leiknum og undir lokin lenti Kidd illa á Kurt Thomas, framherja Knicks sem setti fyrir hann harkalega hindrun, með þeim afleiðingum að Kidd steinlá í gólfinu. Kidd reis á fætur og hrinti Thomas og hlaut að launum tæknivillu, sem virtist kveikja í kappanum, því hann kláraði leikinn með fimm stigum í röð í næstu tveimur sóknum á eftir. Þegar Kidd var spurður að því eftir leikinn hvort hann hefði orðið æstur við atvikið, svaraði hann; "Ég verð ekki spenntur eða æstur þegar ég er að spila við léleg lið - þeir eru lélegt lið," sagði leikstjórnandinn, sem greinilega hefur eitthvað látið granna sína fara í taugarnar á sér. Los Angeles Lakers náðu að tryggja sér vafasaman árangur í nótt, en nú er ljóst að liðið verður með undir 50% vinningshlutfall í fyrsta sinn í ellefu ár. Houston Rockets, sem hafa verið að hiksta nokkuð upp á síðkastið, nýttu sér vel að eiga inni heimsókn í Staples Center til að rétta af dapurt gengi undanfarið og höfðu auðveldan 114-100 sigur á slöku Lakers liði. Phil Jackson, fyrrum þjálfari liðsins sat í stúkunni á leiknum og hristi höfuðið yfir slakri frammistöðu fyrrum leikmanna sinna. Tracy McGrady skoraði 27 stig og átti 7 stoðsendingar fyrir Houston Rockets, en Caron Butler var atkvæðamestur í liði heimamanna með 24 stig og 12 fráköst og Kobe Bryant náði þrennu með 19 stigum, 10 fráköst og 10 stoðsendingar.
Körfubolti Mest lesið Hermann hættur með ÍBV Íslenski boltinn Fáránlegt hneyksli ofurhlaupara: Breyttu Wikipedia-síðum Sport Pabbinn fékk tattú á punginn Sport Ætlar sér að vinna heimsleikana í Crossfit Sport Pavel nýr liðsmaður Bónus Körfuboltakvölds Körfubolti Átján ára hjólreiðakona í lífshættu Sport Bestu guttarnir í Bestu deild karla Íslenski boltinn Man United stefnir á að vinna ensku úrvalsdeildina árið 2028 Enski boltinn Svona var kynningarfundurinn fyrir fyrir Bónus-deildirnar Körfubolti Álftanes lét Frakkann fara og samdi við Okeke Körfubolti Fleiri fréttir Meisturunum spáð sigri í Bónus deildunum Hermann hættur með ÍBV Bein útsending: Spáin og upphitun fyrir Bónus-deildirnar Álftanes lét Frakkann fara og samdi við Okeke Glódís mætir Arsenal, Juventus og Sædísi Segir að Xavi hafi látið Barcelona spila eins og Eibar Pavel nýr liðsmaður Bónus Körfuboltakvölds Stofnandi Rafíþróttasambands Íslands í Esports Hall of Fame Fáránlegt hneyksli ofurhlaupara: Breyttu Wikipedia-síðum Dusty aftur á toppinn eftir 4. umferð Sakar andstæðing um að stela þjálfaranum sínum Bestu guttarnir í Bestu deild karla Átján ára hjólreiðakona í lífshættu Ætlar sér að vinna heimsleikana í Crossfit Pabbinn fékk tattú á punginn Man United stefnir á að vinna ensku úrvalsdeildina árið 2028 Dagskráin í dag: Körfuboltakvöld, Karólína Lea og mun meira Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Sjá meira