Hægt að taka upp Kanadadollara á þremur mánuðum Þorbjörn Þórðarson skrifar 3. júní 2011 19:09 Það er hægt að taka upp kanadískan dollar á þremur mánuðum sem gjaldmiðil á Íslandi í stað krónu og upptaka hans mun ekki standa í vegi fyrir aðild að Evrópusambandinu, heldur auðvelda hana ef eitthvað er. Þetta segir lektor í hagfræði. Kanadískir embættismenn voru á Íslandi fyrr á þessu ári, en þeir funduðu með íslenskum kaupsýslumönnum á veitingahúsi í Reykjavík í byrjun febrúar síðastliðnum. Samkvæmt heimildum fréttastofu voru starfsmenn kanadíska seðlabankans meðal þeirra sem hér voru. Meðal þess sem rætt var á fundinum, sem var óformlegur og ekki með sérstakri vitund kanadíska sendiráðsins, var upptaka Kanadadollars sem gjaldmiðils á Íslandi í stað krónu, en bæði Bank of Canada, sem er seðlabanki kanadíska ríkisins, og fjármálaráðuneyti Kanada eru jákvæð í garð slíkra hugmynda.Ekki með formlegt umboð Ekkert slíkt hefur hins vegar verið rætt milli stjórnvalda ríkjanna. Starfsmaður kanadíska sendiráðsins sagði við fréttastofu í dag að það væri óvenjulegt að kanadískir embættismenn væru hér í opinberum erindagjörðum án vitneskju þess, en það er einmitt mergurinn málsins, mennirnir voru hér í óformlegum erindagjörðum. Málið er viðkvæmt, því kanadíska ríkinu er umhugað um óaðfinnanleg diplómatísk samskipti ríkjanna. Og vilja þarlendir embættismenn ekki blanda sér í innanríkismálefni Íslands nema um það komi formleg ósk frá íslenskum stjórnvöldum, en engin viðleitni hefur verið að hálfu íslenskra stjórnvalda að ræða þennan kost. Kanadísku embættismennirnir voru hér á svipuðum tíma og kaupsýslumenn frá fyrirtækinu Irving Oil sem voru að skoða tækifæri á Íslandi með hugsanleg kaup á íslenskum olíufyrirtækjum í huga. Best að gera þetta á skömmum tíma Guðmundur Ólafsson, lektor í hagfræði við Háskóla Íslands, segir upptöku Kanadadollars áhugaverðan kost. Hann segir að upptaka þurfi ekki að taka meira en þrjá mánuði. „Það fer auðvitað eftir því hvað menn vilja gera. Menn bara gefa sér tíma, en ég held að best sé að gera þetta á skömmum tíma. Svona svipað og þegar gjaldmiðilsbreytingin var hjá okkur (íslensk króna innsk.blm)," segir Guðmundur. Hverjir eru kostirnir við að taka upp kanadískan dollar t.d á móti upptöku evru eða bandarísks dollars? „Það blæs ekki byrlega fyrir evrunni. Lengi vel var rætt um upptöku amerísks dollars, en mér líst ekki á ástandið. Þessar gífurlegu skuldir Bandaríkjamanna verða áreiðanlega uppspretta af sveiflum og verðbólgu," segir Guðmundur. Hann telur að hægt yrði að komast fljótt og örugglega úr gjaldeyrishöftunum með upptöku kanadísks dollars. „Af mörgum ástæðum er Kanadadollar mjög heppilegur. Hann er mun stöðugri en Bandaríkjadollar og Kanadamenn hafa mikinn áhuga á þessu. Þeir hafa sýnt þessu áhuga í mörg, mörg ár."Kanadamenn hafa staðið sig betur bankaeftirliti en flest önnur lönd Jón Steinsson, lektor í hagfræði við Columbia háskóla í New York, deilir skoðunum með Guðmundi. Hann segir að tvíhliða upptaka Kanadadollars í samstarfi við kanadíska seðlabankann sé kostur sem verði að ræða til hlítar, sé hann yfirleitt í boði. „Það er líklega ekki ofsagt að Kanadamenn hafi staðið sig betur í því að hafa eftirlit með bankageiranum en flest önnur lönd. Kanada er eitt fárra landa þar sem bankakerfið slapp algerlega við vandræðin sem hrjáði banka í flestum öðrum ríkjum," segir Jón. Jón, sem þekkir vel til innan kanadíska seðlabankans, segir að peningamálastjórn hafi einnig verið til fyrirmyndar í Kanada undanfarna áratugi og Seðlabanki Kanada sé í dag á meðal fremstu seðlabanka heims. „Þar að auki er efnahagur Kanada á margan hátt líkur efnahag Íslands. Bæði Ísland og Kanada flytja út mikið af hrávöru. Því hafa sveiflur í hrávöruverðum á heimsmarkaði áhrif á bæði hagkerfin," segir Jón Steinsson. thorbjorn@stod2.is Tengdar fréttir Komu til Íslands í vor til að ræða einhliða upptöku Kanadadollars Bæði fjármálaráðuneyti Kanada og Seðlabanki Kanada eru sögð jákvæð fyrir einhliða upptöku kanadísks dollars á Íslandi. Fréttastofan hefur heimildir fyrir því að kanadískir embættismenn hafi komið til Íslands fyrr á þessu ári og rætt þessar aðgerðir við íslenska kaupsýslumenn. 3. júní 2011 12:00 Mest lesið Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Átta sagt upp hjá Arion banka Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Gengu langt í að vinna að lausn þótt bíllinn væri ekki í ábyrgð Neytendur „Myndi alveg segja að hjartað í mér hafi verið í buxunum“ Atvinnulíf Ummæli seðlabankastjóra „skringileg“ Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Rúv tapað nærri hálfum milljarði á árinu Viðskipti innlent Fleiri fréttir Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Sjá meira
Það er hægt að taka upp kanadískan dollar á þremur mánuðum sem gjaldmiðil á Íslandi í stað krónu og upptaka hans mun ekki standa í vegi fyrir aðild að Evrópusambandinu, heldur auðvelda hana ef eitthvað er. Þetta segir lektor í hagfræði. Kanadískir embættismenn voru á Íslandi fyrr á þessu ári, en þeir funduðu með íslenskum kaupsýslumönnum á veitingahúsi í Reykjavík í byrjun febrúar síðastliðnum. Samkvæmt heimildum fréttastofu voru starfsmenn kanadíska seðlabankans meðal þeirra sem hér voru. Meðal þess sem rætt var á fundinum, sem var óformlegur og ekki með sérstakri vitund kanadíska sendiráðsins, var upptaka Kanadadollars sem gjaldmiðils á Íslandi í stað krónu, en bæði Bank of Canada, sem er seðlabanki kanadíska ríkisins, og fjármálaráðuneyti Kanada eru jákvæð í garð slíkra hugmynda.Ekki með formlegt umboð Ekkert slíkt hefur hins vegar verið rætt milli stjórnvalda ríkjanna. Starfsmaður kanadíska sendiráðsins sagði við fréttastofu í dag að það væri óvenjulegt að kanadískir embættismenn væru hér í opinberum erindagjörðum án vitneskju þess, en það er einmitt mergurinn málsins, mennirnir voru hér í óformlegum erindagjörðum. Málið er viðkvæmt, því kanadíska ríkinu er umhugað um óaðfinnanleg diplómatísk samskipti ríkjanna. Og vilja þarlendir embættismenn ekki blanda sér í innanríkismálefni Íslands nema um það komi formleg ósk frá íslenskum stjórnvöldum, en engin viðleitni hefur verið að hálfu íslenskra stjórnvalda að ræða þennan kost. Kanadísku embættismennirnir voru hér á svipuðum tíma og kaupsýslumenn frá fyrirtækinu Irving Oil sem voru að skoða tækifæri á Íslandi með hugsanleg kaup á íslenskum olíufyrirtækjum í huga. Best að gera þetta á skömmum tíma Guðmundur Ólafsson, lektor í hagfræði við Háskóla Íslands, segir upptöku Kanadadollars áhugaverðan kost. Hann segir að upptaka þurfi ekki að taka meira en þrjá mánuði. „Það fer auðvitað eftir því hvað menn vilja gera. Menn bara gefa sér tíma, en ég held að best sé að gera þetta á skömmum tíma. Svona svipað og þegar gjaldmiðilsbreytingin var hjá okkur (íslensk króna innsk.blm)," segir Guðmundur. Hverjir eru kostirnir við að taka upp kanadískan dollar t.d á móti upptöku evru eða bandarísks dollars? „Það blæs ekki byrlega fyrir evrunni. Lengi vel var rætt um upptöku amerísks dollars, en mér líst ekki á ástandið. Þessar gífurlegu skuldir Bandaríkjamanna verða áreiðanlega uppspretta af sveiflum og verðbólgu," segir Guðmundur. Hann telur að hægt yrði að komast fljótt og örugglega úr gjaldeyrishöftunum með upptöku kanadísks dollars. „Af mörgum ástæðum er Kanadadollar mjög heppilegur. Hann er mun stöðugri en Bandaríkjadollar og Kanadamenn hafa mikinn áhuga á þessu. Þeir hafa sýnt þessu áhuga í mörg, mörg ár."Kanadamenn hafa staðið sig betur bankaeftirliti en flest önnur lönd Jón Steinsson, lektor í hagfræði við Columbia háskóla í New York, deilir skoðunum með Guðmundi. Hann segir að tvíhliða upptaka Kanadadollars í samstarfi við kanadíska seðlabankann sé kostur sem verði að ræða til hlítar, sé hann yfirleitt í boði. „Það er líklega ekki ofsagt að Kanadamenn hafi staðið sig betur í því að hafa eftirlit með bankageiranum en flest önnur lönd. Kanada er eitt fárra landa þar sem bankakerfið slapp algerlega við vandræðin sem hrjáði banka í flestum öðrum ríkjum," segir Jón. Jón, sem þekkir vel til innan kanadíska seðlabankans, segir að peningamálastjórn hafi einnig verið til fyrirmyndar í Kanada undanfarna áratugi og Seðlabanki Kanada sé í dag á meðal fremstu seðlabanka heims. „Þar að auki er efnahagur Kanada á margan hátt líkur efnahag Íslands. Bæði Ísland og Kanada flytja út mikið af hrávöru. Því hafa sveiflur í hrávöruverðum á heimsmarkaði áhrif á bæði hagkerfin," segir Jón Steinsson. thorbjorn@stod2.is
Tengdar fréttir Komu til Íslands í vor til að ræða einhliða upptöku Kanadadollars Bæði fjármálaráðuneyti Kanada og Seðlabanki Kanada eru sögð jákvæð fyrir einhliða upptöku kanadísks dollars á Íslandi. Fréttastofan hefur heimildir fyrir því að kanadískir embættismenn hafi komið til Íslands fyrr á þessu ári og rætt þessar aðgerðir við íslenska kaupsýslumenn. 3. júní 2011 12:00 Mest lesið Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Átta sagt upp hjá Arion banka Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Gengu langt í að vinna að lausn þótt bíllinn væri ekki í ábyrgð Neytendur „Myndi alveg segja að hjartað í mér hafi verið í buxunum“ Atvinnulíf Ummæli seðlabankastjóra „skringileg“ Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Rúv tapað nærri hálfum milljarði á árinu Viðskipti innlent Fleiri fréttir Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Sjá meira
Komu til Íslands í vor til að ræða einhliða upptöku Kanadadollars Bæði fjármálaráðuneyti Kanada og Seðlabanki Kanada eru sögð jákvæð fyrir einhliða upptöku kanadísks dollars á Íslandi. Fréttastofan hefur heimildir fyrir því að kanadískir embættismenn hafi komið til Íslands fyrr á þessu ári og rætt þessar aðgerðir við íslenska kaupsýslumenn. 3. júní 2011 12:00