Maltverji fer með sjávarútvegsmál hjá Juncker Atli Ísleifsson skrifar 10. september 2014 13:18 Í framkvæmdastjórninni sitja 28 framkvæmdastjórar og eru einungis níu þeirra konur. Vísir/AFP Jean-Claude Juncker, verðandi forseti framkvæmdastjórnar Evrópusambandsins, kynnti nýja framkvæmdastjórn sína til leiks fyrr í dag. Í framkvæmdastjórninni má finna sjö varaforseta þar sem hver og einn gegnir ákveðnu samræmingarhlutverki á skilgreindu málefnasviði. Konur munu skipa þrjár af sjö varaforsetastöðum. Mikið hefur verið skrafað síðustu vikurnar um hverjir fái valdamestu stöðurnar og hvaða málaflokk. Í framkvæmdastjórn Junckers er meðal annars að finna fimm fyrrverandi forsætisráðherra, fjóra fyrrverandi aðstoðarforsætisráðherra og sjö sem gegna framkvæmdastjórastöðu í núsitjandi framkvæmdastjórn José Manuel Barroso. Bretinn Jonathan Hill, fyrrverandi leiðtoga íhaldsmanna í Lávarðadeild breska þingsins, mun fara með málefni fjármálaþjónustu innan sambandsins, en í frétt BBC segir að David Cameron forsætisráðherra hafi fagnað þeirri niðurstöðu. Þá mun fyrrverandi fjármálaráðherra Frakklands, Pierre Moscovici, hafa umsjón með efnahagsstefnu sambandsins sem þykir eitt valdamesta embættið.Nýtt upphaf Juncker sagði þessa nýju framkvæmdastjórn vera staðráðna í að „veita Evrópu nýtt upphaf“. Framkvæmdastjórn ESB er álitin valdamesta stofnun sambandsins þar sem hún á frumkvæði að nýrri löggjöf, tryggir að aðildarríki fari að sáttmálum sambandsins og kemur fram fyrir hönd aðildarríkjanna við gerð viðskiptasamninga sambandsins. Andstæðingar ESB eru margir gagnrýnir á störf framkvæmdastjórnarinnar sem saka hana um að sóa skattfé og koma á svifaseinu regluverki sem hamli starfsemi fyrirtækja. Embættismenn ESB segja hins vegar að samræmt regluverk, sem framfylgt sé alls staðar á evrópska efnahagssvæðinu, geri innri markaðinn skilvirkari þar sem það dragi úr innlendum viðskiptahindrunum.Þörf á samþykki þingsins Sérhvert aðildarríki tilnefndi einn framkvæmdastjóra en samkvæmt hefð er farið fram á að þeir starfi í þágu Evrópusambandsins alls, en vinni ekki að hagsmunum einstakra aðildarríkja. Þrátt fyrir það skipta einstaka málaflokkar hverju aðildarríki meira máli en aðrir og sækja aðildarríki mörg hart að því að fá að gegna ákveðnum framkvæmdastjórastöðum. Ný framkvæmdastjórn mun taka við í byrjun nóvember og tekur þar með við af framkvæmdastjórn Portúgalans Barroso. Evrópuþingið þarf þó fyrst að samþykkja framkvæmdastjórnina í heild sinni en það ferli hefst í lok mánaðarins.Enginn sérstakur stækkunarstjóriEkki verður sérstakur framkvæmdastjóri stækkunarmála í framkvæmdastjórn Junckers en Austurríkismaðurinn Johannes Hahn mun fara með málefni „nágrannastefnu sambandsins og stækkunarviðræður“.Í tilkynningu frá framkvæmdastjórninni segir að framkvæmdastjórinn muni leggja áherslu á áframhald aðildarviðræðna, en að viðurkennt sé að ekki verði nein frekari stækkun sambandsins næstu fimm árin. Í tilkynningunni segir að nokkrir málaflokkar hafi verið hugsaðir upp á nýtt og straumlínulagaðir. Eigi það meðal annars um umhverfismál, málefni hafsins og sjávarútveg en Maltverjinn Karmenu Vella mun fara fyrir þeim málaflokki næstu fimm árin.Framkvæmdastjórn Jean-Claude Juncker.Mynd/Framkvæmdastjórn ESBMynd/Framkvæmdastjórn ESBMynd/Framkvæmdastjórn ESB Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent „Þetta má aldrei gerast aftur“ Innlent Líklega verði flett ofan af fleirum í rannsókn á brotum Diddy Innlent Sextán ára dómur fyrir manndráp í Drangahrauni stendur Innlent Sjö Rúmenar gefa ekkert uppi um tugmilljóna króna þýfi Innlent Fleiri fréttir Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Hótar að beita kjarnorkuvopnum gegn árás með hefðbundnum vopnum Vinna að þriggja vikna vopnahléi á milli Ísrael og Hezbollah Selenskí varar við „kjarnorku hörmung“ Loftárásum ætlað að undirbúa mögulega innrás „Virkið“ Vuhledar að falli komið Skutu skotflaug í Kyrrhafið í fyrsta sinn í rúm fjörutíu ár Manngerð hlýnun gerði flóðin í Evrópu tvöfalt líklegri en ella Unnu spellvirki á finnska þinghúsinu til að mótmæla móvinnslu Hútar vilja háþróaðar stýriflaugar frá Rússum Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sjá meira
Jean-Claude Juncker, verðandi forseti framkvæmdastjórnar Evrópusambandsins, kynnti nýja framkvæmdastjórn sína til leiks fyrr í dag. Í framkvæmdastjórninni má finna sjö varaforseta þar sem hver og einn gegnir ákveðnu samræmingarhlutverki á skilgreindu málefnasviði. Konur munu skipa þrjár af sjö varaforsetastöðum. Mikið hefur verið skrafað síðustu vikurnar um hverjir fái valdamestu stöðurnar og hvaða málaflokk. Í framkvæmdastjórn Junckers er meðal annars að finna fimm fyrrverandi forsætisráðherra, fjóra fyrrverandi aðstoðarforsætisráðherra og sjö sem gegna framkvæmdastjórastöðu í núsitjandi framkvæmdastjórn José Manuel Barroso. Bretinn Jonathan Hill, fyrrverandi leiðtoga íhaldsmanna í Lávarðadeild breska þingsins, mun fara með málefni fjármálaþjónustu innan sambandsins, en í frétt BBC segir að David Cameron forsætisráðherra hafi fagnað þeirri niðurstöðu. Þá mun fyrrverandi fjármálaráðherra Frakklands, Pierre Moscovici, hafa umsjón með efnahagsstefnu sambandsins sem þykir eitt valdamesta embættið.Nýtt upphaf Juncker sagði þessa nýju framkvæmdastjórn vera staðráðna í að „veita Evrópu nýtt upphaf“. Framkvæmdastjórn ESB er álitin valdamesta stofnun sambandsins þar sem hún á frumkvæði að nýrri löggjöf, tryggir að aðildarríki fari að sáttmálum sambandsins og kemur fram fyrir hönd aðildarríkjanna við gerð viðskiptasamninga sambandsins. Andstæðingar ESB eru margir gagnrýnir á störf framkvæmdastjórnarinnar sem saka hana um að sóa skattfé og koma á svifaseinu regluverki sem hamli starfsemi fyrirtækja. Embættismenn ESB segja hins vegar að samræmt regluverk, sem framfylgt sé alls staðar á evrópska efnahagssvæðinu, geri innri markaðinn skilvirkari þar sem það dragi úr innlendum viðskiptahindrunum.Þörf á samþykki þingsins Sérhvert aðildarríki tilnefndi einn framkvæmdastjóra en samkvæmt hefð er farið fram á að þeir starfi í þágu Evrópusambandsins alls, en vinni ekki að hagsmunum einstakra aðildarríkja. Þrátt fyrir það skipta einstaka málaflokkar hverju aðildarríki meira máli en aðrir og sækja aðildarríki mörg hart að því að fá að gegna ákveðnum framkvæmdastjórastöðum. Ný framkvæmdastjórn mun taka við í byrjun nóvember og tekur þar með við af framkvæmdastjórn Portúgalans Barroso. Evrópuþingið þarf þó fyrst að samþykkja framkvæmdastjórnina í heild sinni en það ferli hefst í lok mánaðarins.Enginn sérstakur stækkunarstjóriEkki verður sérstakur framkvæmdastjóri stækkunarmála í framkvæmdastjórn Junckers en Austurríkismaðurinn Johannes Hahn mun fara með málefni „nágrannastefnu sambandsins og stækkunarviðræður“.Í tilkynningu frá framkvæmdastjórninni segir að framkvæmdastjórinn muni leggja áherslu á áframhald aðildarviðræðna, en að viðurkennt sé að ekki verði nein frekari stækkun sambandsins næstu fimm árin. Í tilkynningunni segir að nokkrir málaflokkar hafi verið hugsaðir upp á nýtt og straumlínulagaðir. Eigi það meðal annars um umhverfismál, málefni hafsins og sjávarútveg en Maltverjinn Karmenu Vella mun fara fyrir þeim málaflokki næstu fimm árin.Framkvæmdastjórn Jean-Claude Juncker.Mynd/Framkvæmdastjórn ESBMynd/Framkvæmdastjórn ESBMynd/Framkvæmdastjórn ESB
Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent „Þetta má aldrei gerast aftur“ Innlent Líklega verði flett ofan af fleirum í rannsókn á brotum Diddy Innlent Sextán ára dómur fyrir manndráp í Drangahrauni stendur Innlent Sjö Rúmenar gefa ekkert uppi um tugmilljóna króna þýfi Innlent Fleiri fréttir Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Hótar að beita kjarnorkuvopnum gegn árás með hefðbundnum vopnum Vinna að þriggja vikna vopnahléi á milli Ísrael og Hezbollah Selenskí varar við „kjarnorku hörmung“ Loftárásum ætlað að undirbúa mögulega innrás „Virkið“ Vuhledar að falli komið Skutu skotflaug í Kyrrhafið í fyrsta sinn í rúm fjörutíu ár Manngerð hlýnun gerði flóðin í Evrópu tvöfalt líklegri en ella Unnu spellvirki á finnska þinghúsinu til að mótmæla móvinnslu Hútar vilja háþróaðar stýriflaugar frá Rússum Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sjá meira