Magdeburg komið aftur á beinu brautina með Geir í brúnni Tómas Þór Þórðarson skrifar 29. desember 2014 06:00 Geir Sveinsson stýrði Magdeburg til sigurs í átta leikjum í röð í þýsku 1. deildinni áður en deildin fór í langt og gott HM-frí. vísir/Getty „Maður getur ekki annað en verið ánægður – þetta hefur gengið svo ljómandi vel að undanförnu,“ segir Geir Sveinsson, þjálfari Magdeburg í þýsku 1. deildinni í handbolta, í viðtali við Fréttablaðið um gengi liðsins á fyrri hluta leiktíðar. Geir er að gera frábæra hluti með liðið sem hann tók við síðasta sumar þegar hann var fenginn frá A1 Bregenz í Austurríki, en þetta mikla Íslendingalið og forna stórveldi í þýska boltanum fór í HM-fríið í fjórða sæti deildarinnar. Það er með 31 stig, stigi minna en Flensburg sem er sæti ofar. „Það er mjög ánægjulegt að vera í fjórða sætinu þó það sé auðvitað hellingur eftir. Deildin er mjög jöfn og liðin hafa sýnt að allir geta unnið alla,“ segir Geir.vísir/gettyLítill hópur gerir vel Magdeburg er á miklum skriði í deildinni og er búið að vinna átta leiki í röð. Í síðasta leik fyrir hlé vann það gríðarlega sterkan þriggja marka útisigur á Frisch Auf! Göppingen, liðinu í fimmta sæti, og sleit sig þannig sjö stigum frá Göppingen og er þar með átta stigum á undan Melsungen sem er einu sæti frá Evrópusæti. „Liðið hefur verið að spilast betur og betur til og náð góðum takti. Þegar lið finna taktinn geta svona hlutir farið í gang, en það eru ýmsir aðrir hlutir sem spila inn í,“ segir Geir um sigurhrinuna og heldur áfram: „Við höfum verið tiltölulega lausir við meiðsli og haldið hópnum þétt saman. Hann er ekki stór – byggist á þrettán leikmönnum – en hann er sterkur og góður.“ Geir segir nú komið að miklum óvissuþætti sem HM í handbolta er, en deildin hefst ekki aftur fyrr en 15. febrúar og mikið getur gerst á tveimur mánuðum. „Ég er með átta landsliðsmenn af þessum þrettán þannig maður getur ekkert annað en vonað að þeir komi heilir til baka. Maður þekkir þetta sjálfur, þetta er auðvitað mikið álag. En ég verð líka að hugsa um þá fimm sem verða hérna. Þeir fá sitt frí fram í janúar og svo þarf ég að fylgjast með þeim sem eru á HM; hvað þeir spila mikið og hvernig álagið er á þeim,“ segir Geir.vísir/gettyKomnir á beinu brautina Magdeburg er stórveldi í þýskum handbolta og á að baki tólf Þýskalandsmeistaratitla og hefur þrisvar sinnum unnið Meistaradeildina. Síðast vann það deildina og Meistaradeildina 2001 og 2002 með Alfreð Gíslason í brúnni og Ólaf Stefánsson sem sinn besta mann. Það drottnaði yfir þýskum handbolta á níunda áratug síðustu aldar og vann deildina átta sinnum á ellefu ára tímabili frá 1980-1991. Undanfarin ár hafa verið liðinu erfið, en það hefur mjakast rólega ofar í töflunni á hverju ári. „Þetta er lið með mikla hefð, en það er alveg ljóst að síðustu tíu ár hafa verið klúbbnum erfið; þá sérstaklega fjárhagslega vegna aðstæðna sem sköpuðust á sínum tíma. En menn hafa verið að vinna sig út úr þessu smátt og smátt. Klúbburinn er kominn á beinu brautina og nú er hægt að einbeita sér að handboltanum,“ segir Geir. Þrátt fyrir að menn hafi nú betri tök á peningahliðinni þýðir það ekki að Geir geti valið úr leikmönnum til að bæta við hópinn. „Nei, alls ekki. Þetta er ýmsum römmum háð og ekkert endalaust til af fjármagni. Það heldur ekkert allt gefið með peningum. Maður vill aðallega fá týpur sem passa í hópinn. Þú getur verið fljótur að eyðileggja góðan hóp með leikmanni sem passar ekki í hópinn þótt hann sé góður í handbolta. En við fáum tvo nýja leikmenn allavega fyrir næsta tímabil og svo er að sjá hvort eitthvað bætist við það.“vísir/gettyEvrópa freistar Eins og staðan er núna í þýsku 1. deildinni er Magdeburg mun nær Meistaradeildarsæti en að missa af sæti í EHF-bikarnum. Það hefur komið sér þægilega fyrir í Evrópubaráttunni. „Það er freistandi að horfa til Evrópukeppni á næsta tímabili en væntingarnar geta verið fljótar að fara upp á við og líka andskoti fljótar niður á við þegar eitthvað breytist. Við lögðum ekkert sérstakt upp fyrir tímabilið nema að gera betur en í fyrra sem var sjöunda sæti,“ segir Geir. „Við ætlum okkur bara að vinna sem flesta leiki og allt fyrir ofan sjöunda sæti er jákvætt. Við þurfum bara að ná aftur upp þessum dampi eftir fríið og halda áfram að hala inn stig. Það eru alveg 30 stig eftir í pottinum.“ Handbolti Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Sjá meira
„Maður getur ekki annað en verið ánægður – þetta hefur gengið svo ljómandi vel að undanförnu,“ segir Geir Sveinsson, þjálfari Magdeburg í þýsku 1. deildinni í handbolta, í viðtali við Fréttablaðið um gengi liðsins á fyrri hluta leiktíðar. Geir er að gera frábæra hluti með liðið sem hann tók við síðasta sumar þegar hann var fenginn frá A1 Bregenz í Austurríki, en þetta mikla Íslendingalið og forna stórveldi í þýska boltanum fór í HM-fríið í fjórða sæti deildarinnar. Það er með 31 stig, stigi minna en Flensburg sem er sæti ofar. „Það er mjög ánægjulegt að vera í fjórða sætinu þó það sé auðvitað hellingur eftir. Deildin er mjög jöfn og liðin hafa sýnt að allir geta unnið alla,“ segir Geir.vísir/gettyLítill hópur gerir vel Magdeburg er á miklum skriði í deildinni og er búið að vinna átta leiki í röð. Í síðasta leik fyrir hlé vann það gríðarlega sterkan þriggja marka útisigur á Frisch Auf! Göppingen, liðinu í fimmta sæti, og sleit sig þannig sjö stigum frá Göppingen og er þar með átta stigum á undan Melsungen sem er einu sæti frá Evrópusæti. „Liðið hefur verið að spilast betur og betur til og náð góðum takti. Þegar lið finna taktinn geta svona hlutir farið í gang, en það eru ýmsir aðrir hlutir sem spila inn í,“ segir Geir um sigurhrinuna og heldur áfram: „Við höfum verið tiltölulega lausir við meiðsli og haldið hópnum þétt saman. Hann er ekki stór – byggist á þrettán leikmönnum – en hann er sterkur og góður.“ Geir segir nú komið að miklum óvissuþætti sem HM í handbolta er, en deildin hefst ekki aftur fyrr en 15. febrúar og mikið getur gerst á tveimur mánuðum. „Ég er með átta landsliðsmenn af þessum þrettán þannig maður getur ekkert annað en vonað að þeir komi heilir til baka. Maður þekkir þetta sjálfur, þetta er auðvitað mikið álag. En ég verð líka að hugsa um þá fimm sem verða hérna. Þeir fá sitt frí fram í janúar og svo þarf ég að fylgjast með þeim sem eru á HM; hvað þeir spila mikið og hvernig álagið er á þeim,“ segir Geir.vísir/gettyKomnir á beinu brautina Magdeburg er stórveldi í þýskum handbolta og á að baki tólf Þýskalandsmeistaratitla og hefur þrisvar sinnum unnið Meistaradeildina. Síðast vann það deildina og Meistaradeildina 2001 og 2002 með Alfreð Gíslason í brúnni og Ólaf Stefánsson sem sinn besta mann. Það drottnaði yfir þýskum handbolta á níunda áratug síðustu aldar og vann deildina átta sinnum á ellefu ára tímabili frá 1980-1991. Undanfarin ár hafa verið liðinu erfið, en það hefur mjakast rólega ofar í töflunni á hverju ári. „Þetta er lið með mikla hefð, en það er alveg ljóst að síðustu tíu ár hafa verið klúbbnum erfið; þá sérstaklega fjárhagslega vegna aðstæðna sem sköpuðust á sínum tíma. En menn hafa verið að vinna sig út úr þessu smátt og smátt. Klúbburinn er kominn á beinu brautina og nú er hægt að einbeita sér að handboltanum,“ segir Geir. Þrátt fyrir að menn hafi nú betri tök á peningahliðinni þýðir það ekki að Geir geti valið úr leikmönnum til að bæta við hópinn. „Nei, alls ekki. Þetta er ýmsum römmum háð og ekkert endalaust til af fjármagni. Það heldur ekkert allt gefið með peningum. Maður vill aðallega fá týpur sem passa í hópinn. Þú getur verið fljótur að eyðileggja góðan hóp með leikmanni sem passar ekki í hópinn þótt hann sé góður í handbolta. En við fáum tvo nýja leikmenn allavega fyrir næsta tímabil og svo er að sjá hvort eitthvað bætist við það.“vísir/gettyEvrópa freistar Eins og staðan er núna í þýsku 1. deildinni er Magdeburg mun nær Meistaradeildarsæti en að missa af sæti í EHF-bikarnum. Það hefur komið sér þægilega fyrir í Evrópubaráttunni. „Það er freistandi að horfa til Evrópukeppni á næsta tímabili en væntingarnar geta verið fljótar að fara upp á við og líka andskoti fljótar niður á við þegar eitthvað breytist. Við lögðum ekkert sérstakt upp fyrir tímabilið nema að gera betur en í fyrra sem var sjöunda sæti,“ segir Geir. „Við ætlum okkur bara að vinna sem flesta leiki og allt fyrir ofan sjöunda sæti er jákvætt. Við þurfum bara að ná aftur upp þessum dampi eftir fríið og halda áfram að hala inn stig. Það eru alveg 30 stig eftir í pottinum.“
Handbolti Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Sjá meira