Pedro búinn að ná samkomulagi við Man. Utd

Sky Sports greinir frá því nú í morgun að samningar hafi tekist á milli spænska knattspyrnumannsins Pedro og Man. Utd.

Það hefur legið í loftinu í nokkurn tíma að Pedro færi til Englands en hann er sagður vilja fá meiri spiltíma en hann fær hjá Barcelona.

Sérfræðingur Sky Sports í spænska boltanum, Guillem Balague, segir að Pedro sé búinn að ákveða að fara til Man. Utd og hafi því ákveðið að semja við félagið. Man. City hafði líka áhuga.

Þessi 28 ára gamli spænski landsliðsmaður bíður nú eftir því að Man. Utd og Barcelona nái saman um kaupverð. Í samningi Pedro er tekið fram að hann megi fara fyrir 21,2 milljónir punda og Barcelona ætlar að fá það verð fyrir hann.