Jólin koma snemma hjá körfuboltafólkinu í ár Ingvi Þór Sæmundsson skrifar 13. mars 2015 07:30 Sigurður Gunnar Þorsteinsson. Vísir/Daníel Síðasta haust söðlaði körfuknattleiksmaðurinn Sigurður Gunnar Þorsteinsson um og samdi við sænska úrvalsdeildarliðið Solna Vikings. Sigurður, sem er 26 ára, lék með KFÍ, Keflavík og Grindavík hér á landi áður en hann fór til Svíþjóðar en miðherjinn sterki varð tvisvar Íslandsmeistari með Grindvíkingum og einu sinni með Keflvíkingum. Þegar Fréttablaðið heyrði í Sigurði í gær var hann á leið á æfingu, en í kvöld mætir Solna Jämtland Basket á heimavelli í lokaumferð sænsku deildarinnar. Úrslitin í leiknum skipta Sigurð og félaga í sjálfu sér engu máli en ljóst er að Solna endar deildarkeppnina í 7. sæti. Ellefu lið eru í deildinni en átta þeirra komast í úrslitakeppnina sem hefst í næstu viku. Þar mætir Solna annaðhvort Norrköping Dolphins eða Södertäjle Kings en liðin mætast í lokaumferðinni í kvöld.Ágæt staða miðað við aðstæður Sigurður segir gengi Solna í vetur að mestu vera í takti við væntingar fyrir tímabilið. „Þetta hefur verið upp og niður, það hefur gengið ágætlega og svo ekki neitt,“ sagði Sigurður en Solna tapaði til að mynda fyrstu fjórum leikjum sínum á tímabilinu og þá tapaði liðið fimm leikjum í röð í janúar og byrjun febrúar. Víkingarnir hafa hins vegar verið á ágætis róli á síðustu vikum og hafa unnið fimm af síðustu átta leikjum sínum. „Ég vil alltaf vinna alla leiki en ég var ekki alveg viss við hverju ég átti að búast þegar ég kom hingað. En ef maður lítur á fjárhagslegt bolmagn liðsins, meiðslin og Kanavandræðin sem við höfum lent í, þá held ég að 7. sætið sé ásættanlegt,“ sagði Sigurður en Víkingarnir skiptu þrisvar um bandarískan leikmann á tímabilinu og þá var Alexander Lindqvist, einn sterkasti leikmaður liðsins, frá í einn og hálfan mánuð vegna meiðsla.Æfingar tvisvar á dag Sigurður segir að munurinn á sænsku og íslensku deildinni sé talsverður og jafnvel meiri en hann bjóst við. „Það er auðvitað meiri atvinnumannabragur á þessu hérna. Við æfum tvisvar á dag og síðan eru fundir fyrir leiki. Þetta er skrefi fyrir ofan íslenska boltann og deildin er betri. Það er meiri peningur í spilunum hér og þar af leiðandi betri leikmenn,“ sagði Sigurður sem var fljótur að laga sig að nýjum aðstæðum í nýju landi. „Þetta er aðeins hraðari og skipulagðari bolti en heima. En leikkerfin eru ekki ósvipuð þeim sem ég hef spilað áður svo ég var mjög fljótur að komast inn í hlutina hér. Maður þurfti aðallega að venjast því að spila með nýjum leikmönnum.“ Sigurður er nokkuð ánægður með eigin frammistöðu á sínu fyrsta tímabili í atvinnumennsku en Ísfirðingurinn er með 9,3 stig, 5,5 fráköst og 1,5 stoðsendingar að meðaltali í leik í vetur. Þá er hann með 57,9% skotnýtingu inni í teig, sem er sú besta í liði Sundsvall.Mikið að gerast í sumar Líkt og svo margir íslenskir leikmenn hefur Sigurður annað augað á landsliðinu en fram undan er stærsta sumar í sögu landsliðsins. Ísland keppir að sjálfsögðu á Smáþjóðaleikunum sem verða haldnir hér á landi í byrjun júní og í september er svo komið að Euro Basket, þar sem Ísland verður í fyrsta sinn á meðal þátttökuþjóða. „Það er mikið að gerast í sumar; Smáþjóðaleikar, æfingaleikir og svo koma jólin snemma í ár,“ sagði Sigurður léttur en hann stefnir á að halda sæti sínu í landsliðinu og fara með til Berlínar þar sem riðill Íslands verður spilaður. Íslenska liðið dróst í sannkallaðan dauðariðil, með gestgjöfunum Þjóðverjum, Tyrklandi, Spáni, Ítalíu og Serbíu. Körfubolti Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira
Síðasta haust söðlaði körfuknattleiksmaðurinn Sigurður Gunnar Þorsteinsson um og samdi við sænska úrvalsdeildarliðið Solna Vikings. Sigurður, sem er 26 ára, lék með KFÍ, Keflavík og Grindavík hér á landi áður en hann fór til Svíþjóðar en miðherjinn sterki varð tvisvar Íslandsmeistari með Grindvíkingum og einu sinni með Keflvíkingum. Þegar Fréttablaðið heyrði í Sigurði í gær var hann á leið á æfingu, en í kvöld mætir Solna Jämtland Basket á heimavelli í lokaumferð sænsku deildarinnar. Úrslitin í leiknum skipta Sigurð og félaga í sjálfu sér engu máli en ljóst er að Solna endar deildarkeppnina í 7. sæti. Ellefu lið eru í deildinni en átta þeirra komast í úrslitakeppnina sem hefst í næstu viku. Þar mætir Solna annaðhvort Norrköping Dolphins eða Södertäjle Kings en liðin mætast í lokaumferðinni í kvöld.Ágæt staða miðað við aðstæður Sigurður segir gengi Solna í vetur að mestu vera í takti við væntingar fyrir tímabilið. „Þetta hefur verið upp og niður, það hefur gengið ágætlega og svo ekki neitt,“ sagði Sigurður en Solna tapaði til að mynda fyrstu fjórum leikjum sínum á tímabilinu og þá tapaði liðið fimm leikjum í röð í janúar og byrjun febrúar. Víkingarnir hafa hins vegar verið á ágætis róli á síðustu vikum og hafa unnið fimm af síðustu átta leikjum sínum. „Ég vil alltaf vinna alla leiki en ég var ekki alveg viss við hverju ég átti að búast þegar ég kom hingað. En ef maður lítur á fjárhagslegt bolmagn liðsins, meiðslin og Kanavandræðin sem við höfum lent í, þá held ég að 7. sætið sé ásættanlegt,“ sagði Sigurður en Víkingarnir skiptu þrisvar um bandarískan leikmann á tímabilinu og þá var Alexander Lindqvist, einn sterkasti leikmaður liðsins, frá í einn og hálfan mánuð vegna meiðsla.Æfingar tvisvar á dag Sigurður segir að munurinn á sænsku og íslensku deildinni sé talsverður og jafnvel meiri en hann bjóst við. „Það er auðvitað meiri atvinnumannabragur á þessu hérna. Við æfum tvisvar á dag og síðan eru fundir fyrir leiki. Þetta er skrefi fyrir ofan íslenska boltann og deildin er betri. Það er meiri peningur í spilunum hér og þar af leiðandi betri leikmenn,“ sagði Sigurður sem var fljótur að laga sig að nýjum aðstæðum í nýju landi. „Þetta er aðeins hraðari og skipulagðari bolti en heima. En leikkerfin eru ekki ósvipuð þeim sem ég hef spilað áður svo ég var mjög fljótur að komast inn í hlutina hér. Maður þurfti aðallega að venjast því að spila með nýjum leikmönnum.“ Sigurður er nokkuð ánægður með eigin frammistöðu á sínu fyrsta tímabili í atvinnumennsku en Ísfirðingurinn er með 9,3 stig, 5,5 fráköst og 1,5 stoðsendingar að meðaltali í leik í vetur. Þá er hann með 57,9% skotnýtingu inni í teig, sem er sú besta í liði Sundsvall.Mikið að gerast í sumar Líkt og svo margir íslenskir leikmenn hefur Sigurður annað augað á landsliðinu en fram undan er stærsta sumar í sögu landsliðsins. Ísland keppir að sjálfsögðu á Smáþjóðaleikunum sem verða haldnir hér á landi í byrjun júní og í september er svo komið að Euro Basket, þar sem Ísland verður í fyrsta sinn á meðal þátttökuþjóða. „Það er mikið að gerast í sumar; Smáþjóðaleikar, æfingaleikir og svo koma jólin snemma í ár,“ sagði Sigurður léttur en hann stefnir á að halda sæti sínu í landsliðinu og fara með til Berlínar þar sem riðill Íslands verður spilaður. Íslenska liðið dróst í sannkallaðan dauðariðil, með gestgjöfunum Þjóðverjum, Tyrklandi, Spáni, Ítalíu og Serbíu.
Körfubolti Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira