Bland í poka í bíó Kjartan Már Ómarsson skrifar 16. apríl 2015 14:30 Síðastliðinn föstudag var annað kvöld Reykavík Shorts & Docs Festival haldið í Bíó Paradís. Á bland í poka sýningu var boðið var upp á íslenskt efni. Fjórar stuttar frásagnarmyndir, heimildarmynd og sjónræna sinfóníu norðurljósa.Just Like You Riðið var á vaðið með kvikmynd Lovísu Láru og Margrétar Buhl sem kallast Just Like You (12 mín.). Efnismeðferðin var góð. Áhorfanda er dembt inni í frásögnina sem segir af úrræðaleysi táningsstúlku á fermingaraldri. Fremur en að dæla fram upplýsingum um persónur og aðstæður er treyst á að myndrænar upplýsingar og andrúmsloft segi sögu. Sunneva Björk Helgadóttir, sem leikur aðalhlutverkið, stóð sig með stakri prýði í krefjandi hlutverki. Það sést að aðstandendur myndarinnar eru enn að slíta skónum hvað kvikmyndagerð varðar en þetta lofar góðu og vonandi að þau haldi áfram á sömu braut.Minnismiðar Næst var sýnd mínútulöng kvikmynd sem Eyþór Jóvinsson leikstýrir um mann (Sigurður Skúlason) sem þjáist af minnisleysi. Þetta er áreiðanlega besta mínútulanga kvikmynd sem ég hef séð. Eyþór tikkar í öll réttu boxin og segir heilsteypta sögu með upphafi, miðju og endi. Minnismiðar er fyndin og óhugnanleg í senn og mætti jafnvel túlka sem stúdíu um hvaða afleiðingar það getur haft þegar sambandið milli táknmyndar og táknmiðs rofnar og tungumálið bregst okkur. Geri aðrir betur á innan við mínútu.PotturinnPotturinn Að mínum dómi var Potturinn (15 mín.), kvikmynd Georgs Erlingssonar Merritt, það besta sem boðið var upp á þetta kvöld. Arnar Jónsson leikur einhleypan karlfausk á efri árum sem virðist lítið annað gera en malla í heita pottinum, horfa á fréttir og fara snemma að sofa. Hann er uppáþrengjandi, kreddufastur og skilur ekki af hverju allir hafa alltaf rangt fyrir sér. Svipmót verksins var það fagmannlegasta af frásagnarmyndunum og Arnar Jónsson fer með eitt skemmtilegasta hlutverk sem ég hef séð hann í.Synda Síðasta stuttmyndin í frásagnarflokki þetta kvöld var Synda (8 mín.) eftir Hilke Rönnfeldt. Hún segir af ungri stúlku (Saga Garðarsdóttir) sem er þolandi ofbeldis og reynir að láta það ekki trufla daglegan gang lífsins. Færa má rök fyrir að gerð sé tilraun til að skapa myndlíkingu milli sunds og lífsins og miðla sögunni í gegnum líkingar í stað fullyrðinga. Nógu erfitt er að segja hispurslausa sögu á svona stuttum tíma en það kann að aukast til muna ef sagan á að vera tvíræð. Að auki bætti ekki úr skák að hljóðrásin var á flakki meðan á sýningunni stóð.The Artic Fox The Artic Fox (33 mín.) eftir Guðberg Davíðsson, er heimildarmynd um íslenska refinn sem virðist vera framleidd fyrir erlendan markað. Hún er í þessum dæmigerða sjónvarpsheimildarmyndastíl þar sem fylgst er með dýraríkinu á meðan ljúfmannleg þularrödd lýsir því sem fyrir augu ber. Kvikmyndin ber þess keim að vera framleidd fyrir erlendan markað og nokkuð er um það sem kallast landslagsporn á vondri íslensku. Ofurkrúttlegar myndir af refum og yrðlingum fengu salinn til þess að stynja af vellíðan ásamt ægifögrum myndum af íslenskri náttúru. Fræðsluefnið sjálft var fremur þunnt en það kom ekki að sök þar sem þetta er fyrsta flokks framleiðsla sem keyrir á myndrænni fegurð.Iceland Aurora Síðasta mynd kvöldsins var Iceland Aurora (27 mín.) sem Arnór Tryggvason, Snorri Þór Tryggvason og Pétur K. Guðmundsson standa að. Hér eru auðsýnilega fagmenn á ferð sem kunna öll tæknileg atriði út í fingurgóma en að því slepptu vandast málin. Myndin samanstendur af norðurljósamyndum sem búið er að ofkeyra í stafrænni eftirvinnslu og undir hljómar syntapopp í anda 9. áratugarins. Þetta er fagurfræði sem ég næ ekki tengingu við. Neongræn ljósasýning sem sómir sér kannski vel í tjaldi á Burning Man eða er hægt að nota sem skjáhvílu. Þetta virkar hugsanlega vel fyrir ferðaþjónustuna því þar eru alltaf fullar rútur af fólki í leit að græna gullinu, en þetta kemur náttúru ekkert við. Bíó og sjónvarp Mest lesið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Umdeilt uppáhald arkitekts við Austurvöll Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Hvað gerði Diddy? Mansal, ofbeldi og samsæriskenningar um Justin Bieber Lífið Húðrútína ekki síður fyrir karlmenn Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Skilnaður Step Up hjóna genginn í gegn Lífið Úr Idolinu yfir í útvarpið Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Síðastliðinn föstudag var annað kvöld Reykavík Shorts & Docs Festival haldið í Bíó Paradís. Á bland í poka sýningu var boðið var upp á íslenskt efni. Fjórar stuttar frásagnarmyndir, heimildarmynd og sjónræna sinfóníu norðurljósa.Just Like You Riðið var á vaðið með kvikmynd Lovísu Láru og Margrétar Buhl sem kallast Just Like You (12 mín.). Efnismeðferðin var góð. Áhorfanda er dembt inni í frásögnina sem segir af úrræðaleysi táningsstúlku á fermingaraldri. Fremur en að dæla fram upplýsingum um persónur og aðstæður er treyst á að myndrænar upplýsingar og andrúmsloft segi sögu. Sunneva Björk Helgadóttir, sem leikur aðalhlutverkið, stóð sig með stakri prýði í krefjandi hlutverki. Það sést að aðstandendur myndarinnar eru enn að slíta skónum hvað kvikmyndagerð varðar en þetta lofar góðu og vonandi að þau haldi áfram á sömu braut.Minnismiðar Næst var sýnd mínútulöng kvikmynd sem Eyþór Jóvinsson leikstýrir um mann (Sigurður Skúlason) sem þjáist af minnisleysi. Þetta er áreiðanlega besta mínútulanga kvikmynd sem ég hef séð. Eyþór tikkar í öll réttu boxin og segir heilsteypta sögu með upphafi, miðju og endi. Minnismiðar er fyndin og óhugnanleg í senn og mætti jafnvel túlka sem stúdíu um hvaða afleiðingar það getur haft þegar sambandið milli táknmyndar og táknmiðs rofnar og tungumálið bregst okkur. Geri aðrir betur á innan við mínútu.PotturinnPotturinn Að mínum dómi var Potturinn (15 mín.), kvikmynd Georgs Erlingssonar Merritt, það besta sem boðið var upp á þetta kvöld. Arnar Jónsson leikur einhleypan karlfausk á efri árum sem virðist lítið annað gera en malla í heita pottinum, horfa á fréttir og fara snemma að sofa. Hann er uppáþrengjandi, kreddufastur og skilur ekki af hverju allir hafa alltaf rangt fyrir sér. Svipmót verksins var það fagmannlegasta af frásagnarmyndunum og Arnar Jónsson fer með eitt skemmtilegasta hlutverk sem ég hef séð hann í.Synda Síðasta stuttmyndin í frásagnarflokki þetta kvöld var Synda (8 mín.) eftir Hilke Rönnfeldt. Hún segir af ungri stúlku (Saga Garðarsdóttir) sem er þolandi ofbeldis og reynir að láta það ekki trufla daglegan gang lífsins. Færa má rök fyrir að gerð sé tilraun til að skapa myndlíkingu milli sunds og lífsins og miðla sögunni í gegnum líkingar í stað fullyrðinga. Nógu erfitt er að segja hispurslausa sögu á svona stuttum tíma en það kann að aukast til muna ef sagan á að vera tvíræð. Að auki bætti ekki úr skák að hljóðrásin var á flakki meðan á sýningunni stóð.The Artic Fox The Artic Fox (33 mín.) eftir Guðberg Davíðsson, er heimildarmynd um íslenska refinn sem virðist vera framleidd fyrir erlendan markað. Hún er í þessum dæmigerða sjónvarpsheimildarmyndastíl þar sem fylgst er með dýraríkinu á meðan ljúfmannleg þularrödd lýsir því sem fyrir augu ber. Kvikmyndin ber þess keim að vera framleidd fyrir erlendan markað og nokkuð er um það sem kallast landslagsporn á vondri íslensku. Ofurkrúttlegar myndir af refum og yrðlingum fengu salinn til þess að stynja af vellíðan ásamt ægifögrum myndum af íslenskri náttúru. Fræðsluefnið sjálft var fremur þunnt en það kom ekki að sök þar sem þetta er fyrsta flokks framleiðsla sem keyrir á myndrænni fegurð.Iceland Aurora Síðasta mynd kvöldsins var Iceland Aurora (27 mín.) sem Arnór Tryggvason, Snorri Þór Tryggvason og Pétur K. Guðmundsson standa að. Hér eru auðsýnilega fagmenn á ferð sem kunna öll tæknileg atriði út í fingurgóma en að því slepptu vandast málin. Myndin samanstendur af norðurljósamyndum sem búið er að ofkeyra í stafrænni eftirvinnslu og undir hljómar syntapopp í anda 9. áratugarins. Þetta er fagurfræði sem ég næ ekki tengingu við. Neongræn ljósasýning sem sómir sér kannski vel í tjaldi á Burning Man eða er hægt að nota sem skjáhvílu. Þetta virkar hugsanlega vel fyrir ferðaþjónustuna því þar eru alltaf fullar rútur af fólki í leit að græna gullinu, en þetta kemur náttúru ekkert við.
Bíó og sjónvarp Mest lesið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Umdeilt uppáhald arkitekts við Austurvöll Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Hvað gerði Diddy? Mansal, ofbeldi og samsæriskenningar um Justin Bieber Lífið Húðrútína ekki síður fyrir karlmenn Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Skilnaður Step Up hjóna genginn í gegn Lífið Úr Idolinu yfir í útvarpið Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira