Arnór: Kannski orðinn of góðu vanur Henry Birgir Gunnarsson skrifar 10. nóvember 2015 06:00 Arnór ætlar að skoða sín mál á næstunni og vill helst koma þeim í farveg fyrir EM í janúar. fréttablaðið/afp „Ég var að koma heim og er strax farinn að pakka fyrir ferðalag morgundagsins með liðinu mínu,“ segir landsliðsmaðurinn Arnór Atlason en hann var þá nýkominn heim til Frakklands eftir helgardvöl með landsliðinu í Ósló. Þar stóð íslenska liðið sig mjög vel á fjögurra þjóða móti. Lagði Noreg og Frakkland en tapaði fyrir Dönum. „Það var frábært hjá okkur að vinna tvo leiki. Það var alls ekki sjálfgefið miðað við áföllin sem við urðum fyrir í aðdragandanum og mennina sem vantaði. Strákarnir sem komu inn voru fljótir að læra og komu vel inn í þetta. Sérstaklega þeir sem þurftu að spila fyrir miðri vörninni. Það er ekkert djók að koma glænýr inn í þá stöðu og gegn þessum liðum,“ segir Arnór afar jákvæður með helgina en sjálfur spilaði hann mikið og stóð sig vel.Jákvætt mót í Osló „Við héldum dampi vel. Það var langt síðan við komum saman og við náðum aðeins þremur æfingum fyrir mótið. Miðað við allt þetta fannst mér þetta líta vel út hjá okkur. Þetta var mjög jákvætt mót.“ Arnór sagði við danska fjölmiðla eftir mótið að hann væri jákvæður fyrir því að koma aftur þangað. Samningur hans við franska félagið St. Raphael er að renna út og hann gerir ekki ráð fyrir því að vera þar áfram.Arnór í leik með íslenska landsliðinu.Vísir/Ernir„Það er aldrei neitt öruggt og maður veit aldrei. Þeir eru samt búnir að kaupa Sarmiento frá Barcelona þannig að það verður þrengra á þingi. Við höfum ekki rætt saman, þeir hafa ekki boðið mér neitt og ég reikna síður með því að vera áfram hjá félaginu. Ég veit ekki hvort þeir ætla að bjóða mér eitthvað en ef þeir gera það er ekkert víst að ég vilji taka því.“Skortur á fagmennsku Það má heyra á Arnóri að hann sé ekkert allt of spenntur fyrir félaginu. Samt hefur gengið vel hjá því og Arnór að spila mikið. Hann hefur einnig verið tiltölulega heppinn með meiðsli eftir nokkuð langa meiðslasögu. „Lífið hérna hefur verið stórkostlegt en hlutir sem snúa að handboltanum hafa ekki alveg verið eins og ég vonaðist til. Ég hef ekki verið ánægður og fannst meira gaman þar sem ég var áður. Kannski var ég orðinn of góðu vanur. Ég veit það ekki. Ég spilaði í frábærum liðum með frábærum þjálfurum. Það sem ég er ósáttur við er blanda af mörgu. Auðvitað höfum við náð góðum árangri eins og þriðja sætinu á síðasta tímabili. Það hefur vantað herslumuninn og stundum verið svolítill skortur á fagmennsku þó svo þetta sé þriðja besta lið Frakklands.“Arnór vann tvo deildarmeistaratitla með ofurliði AG í Danmörku.fréttablaðið/epaHugurinn leitar á gamlar slóðir Arnór lék lengi með FCK og ofurliði AG í Danmörku og svo með Magdeburg og Flensburg í Þýskalandi. Hann horfir á þessi lönd þó svo hann loki ekki dyrunum á annað. „Ég hef mikla tengingu við Danmörku eftir góð ár þar sagði ég við danskan blaðamann og hann sló því upp að ég væri á leið þangað. Hið sanna er að ég er opinn fyrir öllu en ég hef lært að maður veit aldrei hvað gerist. Hugurinn leitar þó ósjálfrátt svolítið til Danmerkur og Þýskalands,“ segir hinn 31 árs gamli Arnór en hann er svolítið farinn að horfa til framtíðar enda aðeins kominn á handboltaaldur. „Það gefur augaleið að það eru ekki margir samningar eftir. Ég tek bara einn í einu. Svo er ég auðvitað með fjölskyldu og á einhverjum tímapunkti viljum við flytja heim og hefja okkar líf þar. Ég reikna ekki með að það verði strax en það er samt ekki alveg útilokað þó svo það sé ekki fyrsti valkostur.“Vísir/ErnirÞað er vissulega mjög áhugavert að Arnór útiloki ekki að koma heim næsta sumar. Það virðist þó mikið þurfa að gerast til að af því verði. „Ég hef engar áhyggjur af því að ég fái ekki samningstilboð en það er bara spurning hvort ég muni sætta mig við það sem verður í boði.“ Þessi fjölhæfi leikmaður segist hafa verið afar rólegur yfir stöðu sinna mála en segir að það sé ekki vitlaust að fara að skoða stöðuna núna. Hann myndi gjarna vilja fá sín mál í góðan farveg áður en EM hefst í janúar. „Við fjölskyldan þurfum að átta okkur á því hvað við viljum gera. Ég neita því ekki að það væri ljúft að hafa þetta klárt eða langt komið fyrir EM. Það stendur til að skoða mína möguleika á næstunni.“ Handbolti Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Helena verður á skjánum í vetur Kroos ætlaði að fara til United en svo var Moyes rekinn Fortnite er aðalleikurinn Afleitur Evrópuárangur Ten Hags upp á síðkastið Derrick Rose leggur skóna á hilluna Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Mögnuðu tímabili nýliðans Clark lokið: „Get orðið miklu betri“ Óbreytt staða á toppnum í Rocket League Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Æfir eftir stæla þjálfarans og banna leikmenn í landsliðið Sjá meira
„Ég var að koma heim og er strax farinn að pakka fyrir ferðalag morgundagsins með liðinu mínu,“ segir landsliðsmaðurinn Arnór Atlason en hann var þá nýkominn heim til Frakklands eftir helgardvöl með landsliðinu í Ósló. Þar stóð íslenska liðið sig mjög vel á fjögurra þjóða móti. Lagði Noreg og Frakkland en tapaði fyrir Dönum. „Það var frábært hjá okkur að vinna tvo leiki. Það var alls ekki sjálfgefið miðað við áföllin sem við urðum fyrir í aðdragandanum og mennina sem vantaði. Strákarnir sem komu inn voru fljótir að læra og komu vel inn í þetta. Sérstaklega þeir sem þurftu að spila fyrir miðri vörninni. Það er ekkert djók að koma glænýr inn í þá stöðu og gegn þessum liðum,“ segir Arnór afar jákvæður með helgina en sjálfur spilaði hann mikið og stóð sig vel.Jákvætt mót í Osló „Við héldum dampi vel. Það var langt síðan við komum saman og við náðum aðeins þremur æfingum fyrir mótið. Miðað við allt þetta fannst mér þetta líta vel út hjá okkur. Þetta var mjög jákvætt mót.“ Arnór sagði við danska fjölmiðla eftir mótið að hann væri jákvæður fyrir því að koma aftur þangað. Samningur hans við franska félagið St. Raphael er að renna út og hann gerir ekki ráð fyrir því að vera þar áfram.Arnór í leik með íslenska landsliðinu.Vísir/Ernir„Það er aldrei neitt öruggt og maður veit aldrei. Þeir eru samt búnir að kaupa Sarmiento frá Barcelona þannig að það verður þrengra á þingi. Við höfum ekki rætt saman, þeir hafa ekki boðið mér neitt og ég reikna síður með því að vera áfram hjá félaginu. Ég veit ekki hvort þeir ætla að bjóða mér eitthvað en ef þeir gera það er ekkert víst að ég vilji taka því.“Skortur á fagmennsku Það má heyra á Arnóri að hann sé ekkert allt of spenntur fyrir félaginu. Samt hefur gengið vel hjá því og Arnór að spila mikið. Hann hefur einnig verið tiltölulega heppinn með meiðsli eftir nokkuð langa meiðslasögu. „Lífið hérna hefur verið stórkostlegt en hlutir sem snúa að handboltanum hafa ekki alveg verið eins og ég vonaðist til. Ég hef ekki verið ánægður og fannst meira gaman þar sem ég var áður. Kannski var ég orðinn of góðu vanur. Ég veit það ekki. Ég spilaði í frábærum liðum með frábærum þjálfurum. Það sem ég er ósáttur við er blanda af mörgu. Auðvitað höfum við náð góðum árangri eins og þriðja sætinu á síðasta tímabili. Það hefur vantað herslumuninn og stundum verið svolítill skortur á fagmennsku þó svo þetta sé þriðja besta lið Frakklands.“Arnór vann tvo deildarmeistaratitla með ofurliði AG í Danmörku.fréttablaðið/epaHugurinn leitar á gamlar slóðir Arnór lék lengi með FCK og ofurliði AG í Danmörku og svo með Magdeburg og Flensburg í Þýskalandi. Hann horfir á þessi lönd þó svo hann loki ekki dyrunum á annað. „Ég hef mikla tengingu við Danmörku eftir góð ár þar sagði ég við danskan blaðamann og hann sló því upp að ég væri á leið þangað. Hið sanna er að ég er opinn fyrir öllu en ég hef lært að maður veit aldrei hvað gerist. Hugurinn leitar þó ósjálfrátt svolítið til Danmerkur og Þýskalands,“ segir hinn 31 árs gamli Arnór en hann er svolítið farinn að horfa til framtíðar enda aðeins kominn á handboltaaldur. „Það gefur augaleið að það eru ekki margir samningar eftir. Ég tek bara einn í einu. Svo er ég auðvitað með fjölskyldu og á einhverjum tímapunkti viljum við flytja heim og hefja okkar líf þar. Ég reikna ekki með að það verði strax en það er samt ekki alveg útilokað þó svo það sé ekki fyrsti valkostur.“Vísir/ErnirÞað er vissulega mjög áhugavert að Arnór útiloki ekki að koma heim næsta sumar. Það virðist þó mikið þurfa að gerast til að af því verði. „Ég hef engar áhyggjur af því að ég fái ekki samningstilboð en það er bara spurning hvort ég muni sætta mig við það sem verður í boði.“ Þessi fjölhæfi leikmaður segist hafa verið afar rólegur yfir stöðu sinna mála en segir að það sé ekki vitlaust að fara að skoða stöðuna núna. Hann myndi gjarna vilja fá sín mál í góðan farveg áður en EM hefst í janúar. „Við fjölskyldan þurfum að átta okkur á því hvað við viljum gera. Ég neita því ekki að það væri ljúft að hafa þetta klárt eða langt komið fyrir EM. Það stendur til að skoða mína möguleika á næstunni.“
Handbolti Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Helena verður á skjánum í vetur Kroos ætlaði að fara til United en svo var Moyes rekinn Fortnite er aðalleikurinn Afleitur Evrópuárangur Ten Hags upp á síðkastið Derrick Rose leggur skóna á hilluna Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Mögnuðu tímabili nýliðans Clark lokið: „Get orðið miklu betri“ Óbreytt staða á toppnum í Rocket League Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Æfir eftir stæla þjálfarans og banna leikmenn í landsliðið Sjá meira