Listmenntun Sigrún Hrólfsdóttir skrifar 17. október 2016 00:00 Í ávarpi sínu á Háskóladeginum þann 5. mars síðastliðinn hvatti menntamálaráðherra, Illugi Gunnarsson, nemendur til þess að læra það sem þeir hefðu áhuga á. Ég get tekið undir þessi orð ráðherrans og tel að þetta sé lykilatriði. Því eins og hann sagði, þá er líklegt að maður nái árangri í því sem maður brennur fyrir. Og sem betur fer erum við ekki öll eins og margir vilja verða listamenn. Það ríka menningarsamfélag sem þrífst hér í fámenninu á kletti í Norður-Atlantshafi er ekki síst tilkomið vegna þess að við höfum ákveðið að fjárfesta í menntun á fjölbreyttu sviði. Sem þjóð höfum við tekið þá ákvörðun að það sé heillavænlegt að styðja ungt fólk í því að mennta sig í því sem hugur þeirra stendur til. Burtséð frá því hvort námið sé ávísun á há laun síðar á ævinni eða ekki. Það er því mikilvægt að bjóða upp á sem flesta möguleika og að jafnrétti ríki milli námsgreina og háskóla. Svo er ekki í dag. Aðsókn að Listaháskólanum er mikil og mun færri en vilja fá inngöngu í skólann á ári hverju. Það er erfiðara að komast inn í Listaháskólann en nokkurn annan háskóla á Íslandi. En auk þess að berjast um sæti við skólann, búa þeir nemendur sem vilja stunda listnám á Íslandi við það að þurfa að greiða há skólagjöld og hafa ekki aðra kosti. Skólagjöld við skólann eru nú 490.000 kr. ári í bakkalárnámi, samanborið við 75.000 kr. skrásetningargjald í Háskóla Íslands. Listaháskólinn býr auk þess við það ójafnræði að fá langtum rýrari fjárveitingu til rannsókna en aðrir háskólar á Íslandi. Til samanburðar má nefna að hlutfall rannsókna af heildarframlagi ríkisins var 5,7% hjá Listaháskóla Íslands árið 2015, þegar hlutfallið var 37,8% hjá Háskóla Íslands og 42,8% hjá Landbúnaðarháskólanum á Hvanneyri. Auk þess er skólinn starfræktur á fjórum stöðum í borginni, í bráðabirgðahúsnæði í mismunandi ásigkomulagi með tilheyrandi fjárhagslegu óhagræði og tímasóun fyrir nemendur og kennara.Ójafnréttið verði leiðrétt Þetta er sláandi í ljósi þess að ráðherra sjálfur og ríkisstjórnin, sem og alþjóðlegar stofnanir, hafa löngu áttað sig á því að efla þarf þátt hinna skapandi greina innan skólakerfisins til þess að mæta þeim breyttu aðstæðum sem ríkja í heiminum í dag og framtíðin ber í skauti sér. Skapandi hugsun, gagnrýnin hugsun, mannleg samskipti, tilfinningagreind, það að geta tekið ákvarðanir, unnið úr vandamálum og brugðist hratt við nýjum aðstæðum, eru meðal þeirra þátta sem taldir eru vera hvað mikilvægastir í menntun komandi kynslóða. Alla þessa þætti þroska nemendur í listum með sér í ríkum mæli, samhliða því að dýpka skilning sinn á hinum mismunandi miðlum og aðferðum til tjáningar og sköpunar. Í aðdraganda kosninga er því nauðsynlegt að huga að því hver sé stefna þeirra sem ætla sér að setjast í ríkisstjórn, í mennta- og menningarmálum. Þar eru málefni Listaháskóla Íslands stór þáttur. Því er það krafa okkar sem vinnum að þessum málum að komandi ríkisstjórn leiðrétti það ójafnrétti sem nemendur í listum búa við í landinu. Viltu birta grein á Vísi? Sendu okkur póst. Senda grein Mest lesið Um mennsku og samfélag Bolli Pétur Bollason Skoðun Skynsemi Miðflokksins Ása Lind Finnbogadóttir Skoðun Er rúmdýnan þín hægt og rólega að murka úr þér líftóruna? Gunnar Dan Wiium Skoðun Það er verið að hafa okkur að fíflum. Davíð Bergmann Skoðun Íslenska er ekki eina málið Lilja Magnúsdóttir Skoðun Hver er ábyrgð Icelandair? Sævar Þór Jónsson Skoðun Að búa til steind getur haft skelfilegar afleiðingar! Elínrós Erlingsdóttir Skoðun Er Miðflokkurinn fyrir ungt fólk? Anton Sveinn McKee Skoðun Svarar ekki kostnaði að bjarga sjálfum sér Kári Helgason Skoðun Dauði vefsíðunnar eins og við þekkjum hana Kristján Már Hauksson Skoðun Skoðun Skoðun Um mennsku og samfélag Bolli Pétur Bollason skrifar Skoðun Er rúmdýnan þín hægt og rólega að murka úr þér líftóruna? Gunnar Dan Wiium skrifar Skoðun Sársaukafull vaxtarmörk Berglind Ósk Guðmundsdóttir skrifar Skoðun Skynsemi Miðflokksins Ása Lind Finnbogadóttir skrifar Skoðun Tölum íslensku Kolbrún Áslaugar Baldursdóttir skrifar Skoðun Er Miðflokkurinn fyrir ungt fólk? Anton Sveinn McKee skrifar Skoðun Svarar ekki kostnaði að bjarga sjálfum sér Kári Helgason skrifar Skoðun Um orkuskort, auðlindir og endurvinnslu Guðríður Eldey Arnardóttir skrifar Skoðun Er padda í vaskinum? Vilborg Gunnarsdóttir skrifar Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar Skoðun Rannsökum og ræðum menntakerfið Kolbrún Þ. Pálsdóttir skrifar Skoðun Kæra sig ekki um evruna Hjörtur J. Guðmundsson skrifar Skoðun Opið bréf til fjölmiðla Magnús Guðmundsson skrifar Skoðun Horfið á möguleikana í samfélagslegri ábyrgð Guðmundur Ingi Þóroddsson skrifar Skoðun Aftur til fortíðar Birta Karen Tryggvadóttir skrifar Skoðun Að kjarna orku þjóðar Ísak Einar Rúnarsson skrifar Skoðun Orðræða seðlabankastjóra veldur mér áhyggjum Ágúst Bjarni Garðarsson skrifar Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar Skoðun Það er verið að hafa okkur að fíflum. Davíð Bergmann skrifar Skoðun Útboð á Fjarðarheiðargöngum Hildur Þórisdóttir skrifar Skoðun Hvert á að fara með íslenskt þjóðfélag? Reynir Böðvarsson skrifar Skoðun Svikin loforð gagnvart börnum? Hildur Rós Guðbjargardóttir skrifar Skoðun Að búa til steind getur haft skelfilegar afleiðingar! Elínrós Erlingsdóttir skrifar Skoðun Hvar eru sálfræðingarnir? Pétur Maack Þorsteinsson skrifar Skoðun Íslenska er ekki eina málið Lilja Magnúsdóttir skrifar Skoðun Hvar er grunnskólinn? Kristján Hrafn Guðmundsson skrifar Skoðun Er lýðræðislegt að senda vopn til Úkraínu? Hildur Þórðardóttir skrifar Skoðun Það á ekki að vera dekur að geta sótt sér sálfræðiþjónustu Ólafía Sigurjónsdóttir skrifar Skoðun Um bókun 35, EES samninginn, Evrópusambandið og Bretland Jón Frímann Jónsson skrifar Skoðun Húsnæði fyrir fólk, ekki fjárfesta Gísli Rafn Ólafsson skrifar Sjá meira
Í ávarpi sínu á Háskóladeginum þann 5. mars síðastliðinn hvatti menntamálaráðherra, Illugi Gunnarsson, nemendur til þess að læra það sem þeir hefðu áhuga á. Ég get tekið undir þessi orð ráðherrans og tel að þetta sé lykilatriði. Því eins og hann sagði, þá er líklegt að maður nái árangri í því sem maður brennur fyrir. Og sem betur fer erum við ekki öll eins og margir vilja verða listamenn. Það ríka menningarsamfélag sem þrífst hér í fámenninu á kletti í Norður-Atlantshafi er ekki síst tilkomið vegna þess að við höfum ákveðið að fjárfesta í menntun á fjölbreyttu sviði. Sem þjóð höfum við tekið þá ákvörðun að það sé heillavænlegt að styðja ungt fólk í því að mennta sig í því sem hugur þeirra stendur til. Burtséð frá því hvort námið sé ávísun á há laun síðar á ævinni eða ekki. Það er því mikilvægt að bjóða upp á sem flesta möguleika og að jafnrétti ríki milli námsgreina og háskóla. Svo er ekki í dag. Aðsókn að Listaháskólanum er mikil og mun færri en vilja fá inngöngu í skólann á ári hverju. Það er erfiðara að komast inn í Listaháskólann en nokkurn annan háskóla á Íslandi. En auk þess að berjast um sæti við skólann, búa þeir nemendur sem vilja stunda listnám á Íslandi við það að þurfa að greiða há skólagjöld og hafa ekki aðra kosti. Skólagjöld við skólann eru nú 490.000 kr. ári í bakkalárnámi, samanborið við 75.000 kr. skrásetningargjald í Háskóla Íslands. Listaháskólinn býr auk þess við það ójafnræði að fá langtum rýrari fjárveitingu til rannsókna en aðrir háskólar á Íslandi. Til samanburðar má nefna að hlutfall rannsókna af heildarframlagi ríkisins var 5,7% hjá Listaháskóla Íslands árið 2015, þegar hlutfallið var 37,8% hjá Háskóla Íslands og 42,8% hjá Landbúnaðarháskólanum á Hvanneyri. Auk þess er skólinn starfræktur á fjórum stöðum í borginni, í bráðabirgðahúsnæði í mismunandi ásigkomulagi með tilheyrandi fjárhagslegu óhagræði og tímasóun fyrir nemendur og kennara.Ójafnréttið verði leiðrétt Þetta er sláandi í ljósi þess að ráðherra sjálfur og ríkisstjórnin, sem og alþjóðlegar stofnanir, hafa löngu áttað sig á því að efla þarf þátt hinna skapandi greina innan skólakerfisins til þess að mæta þeim breyttu aðstæðum sem ríkja í heiminum í dag og framtíðin ber í skauti sér. Skapandi hugsun, gagnrýnin hugsun, mannleg samskipti, tilfinningagreind, það að geta tekið ákvarðanir, unnið úr vandamálum og brugðist hratt við nýjum aðstæðum, eru meðal þeirra þátta sem taldir eru vera hvað mikilvægastir í menntun komandi kynslóða. Alla þessa þætti þroska nemendur í listum með sér í ríkum mæli, samhliða því að dýpka skilning sinn á hinum mismunandi miðlum og aðferðum til tjáningar og sköpunar. Í aðdraganda kosninga er því nauðsynlegt að huga að því hver sé stefna þeirra sem ætla sér að setjast í ríkisstjórn, í mennta- og menningarmálum. Þar eru málefni Listaháskóla Íslands stór þáttur. Því er það krafa okkar sem vinnum að þessum málum að komandi ríkisstjórn leiðrétti það ójafnrétti sem nemendur í listum búa við í landinu.
Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar
Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar