Bein útsending: Fjölnir Þorgeirs lýsir úrslitaleiknum hjá Pipar\TBWA

Í hádegishléum undanfarinna vikna hefur staðið yfir æsispennandi útsláttarmót í pool á auglýsingastofunni Pipar\TBWA.

32 starfsmenn stofunnar hófu keppni, en nú er svo komið að einungis tveir keppendur standa eftir, fjármálastjórinn Svanþór Laxdal og Guðmundur Pálsson viðskiptastjóri.

Úrslitaleikurinn er sýndur í beinni útsendingu á Facebook-síðu Pipar\TBWA kl. 15.00 í dag. 

Á leið sinni í úrslit sló Guðmundur Valla Sport úr keppni en Valli hefur þótt mjög liðtækur í hinum ýmsu íþróttum í gegnum tíðina.

Fjölnir Þorgeirsson, fyrrverandi Íslandsmeistari í snóker mun lýsa leiknum og má búast við æsispennandi viðureign.