Tom Hanks reyndi að herma eftir myndinni frægu

Bandaríski leikarinn Tom Hanks gerði tilraun til að herma eftir frægri ljósmynd sem klauf internetið á haustdögum í nýjasta þætti spjallkóngsins Graham Norton.

Netverjar deildu í haust um hvort ljósmyndin, sem er í raun frá árinu 2013, væri af Hanks eða af starfsbróður hans Bill Murray.

Hanks naut í þættinum aðstoðar bresku leikkonunnar og Bondstúlkunnar Gemma Arterton og bandaríska leikarans Joseph Gordon-Levitt sem einnig voru gestir Norton.

Sjá má innslagið að neðan.