Fallegur, ómstríður og dansandi konsert Gunnþóra Gunnarsdóttir skrifar 1. desember 2016 10:15 Elfa Rún er hvergi bangin þó hún hafi ekki áður spilað þennan fiðlukonsert með sinfóníuhljómsveit. Einu sinni verður allt fyrst. Vísir/GVA „Þessi Bach fiðlukonsert er vel þekktur þó ég hafi ekki spilað hann jafn oft og hina. Reyndar bara tvisvar áður, fyrst í litlum bæ í Pýreneafjöllunum í Frakklandi og síðara skiptið í Ósló í Noregi. Í báðum tilfellum voru það allt öðru vísi tónleikar en þessir. Í Frakklandi var ég með barokksveit og í Noregi var það lítil kammersveit sem ég leiddi sjálf. Nú er ég með Sinfóníuhljómsveit Íslands,“ segir Elfa Rún Kristinsdóttir um Fiðlukonsert í E-dúr eftir Bach sem hún leikur einleik í á aðventutónleikum Sinfóníunnar í kvöld í Hörpu. Tvö verk eftir Mozart ramma inn efnisskrá tónleikanna, fjörmikill forleikur að Brúðkaupi Fígarós og sinfónía númer 39 sem var ein sú síðasta sem hann samdi. Hamrahlíðarkórarnir koma fram með sveitinni í My heart is inditing, hátíðlegu kórverki eftir Händel sem var samið til flutnings við krýningu Karólínu Bretadrottningar í Westminster Abbey árið 1727. En hvernig vill Elfa Rún lýsa konsertinum sem hún leikur í? „Hann er mjög léttur og bjartur,“ segir hún. „Fallegur og ómstríður annar kafli og dansandi þriðji kafli.“ Hún kveðst hafa verið að hitta stjórnanda sveitarinnar nú, hinn norska, Eivind Aadland, í fyrsta skipti. „Okkur semur prýðilega,“ tekur hún fram glaðlega. Elfa Rún átti heima á Akureyri fyrstu fimm ár ævi sinnar og svo í Reykjavík, uns hún hélt út til Þýskalands í frekara tónlistarnám haustið 2003, þá nýlega útskrifuð úr tónlistardeild Listaháskóla Íslands þar sem hún naut handleiðslu Guðnýjar Guðmundsdóttur og Auðar Hafsteinsdóttur. Síðustu tíu árin hefur hún búið í Berlín og á þar franskan eiginmann sem er sellóleikari. Ekki heyrist á mæli hennar að hún tali ekki íslensku upp á hvern dag. Þó segir hún „ábyggilega eitt og eitt orð týnt“. Hún hefur víða vakið athygli fyrir færni sína í fiðluleik og var meðal annars tilnefnd til Tónlistarverðlauna Norðurlandaráðs árið 2015. Nýr geisladiskur hennar með partítum meistara Bachs hefur líka fengið afburða góða dóma. Spurð hvort hún sé að spila úti um allan heim svarar Elfa Rún: „Já, mest á meginlandinu. En það kemur alveg fyrir að ég fer til annarra heimsálfa.“ Hún kveðst líka alltaf koma heim af og til, nú tók hún rúmlega ársgamlan son sinn með. „Ég var hér síðast að spila með barokkbandinu Brák austur í Skálholti í sumar og ætla einmitt að spila með því bandi aftur núna á sunnudaginn í Norðurljósum í Hörpu,“ upplýsir hún. Kveðst svo fljúga aftur út á mánudaginn með þann litla. Greinin birtist fyrst í Fréttablaðinu 1. desember 2016. Menning Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun Krakkatían: Nótur, bankar og geitur Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið „Það er einhver sjarmi yfir París sem er ekki annarsstaðar“ Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira
„Þessi Bach fiðlukonsert er vel þekktur þó ég hafi ekki spilað hann jafn oft og hina. Reyndar bara tvisvar áður, fyrst í litlum bæ í Pýreneafjöllunum í Frakklandi og síðara skiptið í Ósló í Noregi. Í báðum tilfellum voru það allt öðru vísi tónleikar en þessir. Í Frakklandi var ég með barokksveit og í Noregi var það lítil kammersveit sem ég leiddi sjálf. Nú er ég með Sinfóníuhljómsveit Íslands,“ segir Elfa Rún Kristinsdóttir um Fiðlukonsert í E-dúr eftir Bach sem hún leikur einleik í á aðventutónleikum Sinfóníunnar í kvöld í Hörpu. Tvö verk eftir Mozart ramma inn efnisskrá tónleikanna, fjörmikill forleikur að Brúðkaupi Fígarós og sinfónía númer 39 sem var ein sú síðasta sem hann samdi. Hamrahlíðarkórarnir koma fram með sveitinni í My heart is inditing, hátíðlegu kórverki eftir Händel sem var samið til flutnings við krýningu Karólínu Bretadrottningar í Westminster Abbey árið 1727. En hvernig vill Elfa Rún lýsa konsertinum sem hún leikur í? „Hann er mjög léttur og bjartur,“ segir hún. „Fallegur og ómstríður annar kafli og dansandi þriðji kafli.“ Hún kveðst hafa verið að hitta stjórnanda sveitarinnar nú, hinn norska, Eivind Aadland, í fyrsta skipti. „Okkur semur prýðilega,“ tekur hún fram glaðlega. Elfa Rún átti heima á Akureyri fyrstu fimm ár ævi sinnar og svo í Reykjavík, uns hún hélt út til Þýskalands í frekara tónlistarnám haustið 2003, þá nýlega útskrifuð úr tónlistardeild Listaháskóla Íslands þar sem hún naut handleiðslu Guðnýjar Guðmundsdóttur og Auðar Hafsteinsdóttur. Síðustu tíu árin hefur hún búið í Berlín og á þar franskan eiginmann sem er sellóleikari. Ekki heyrist á mæli hennar að hún tali ekki íslensku upp á hvern dag. Þó segir hún „ábyggilega eitt og eitt orð týnt“. Hún hefur víða vakið athygli fyrir færni sína í fiðluleik og var meðal annars tilnefnd til Tónlistarverðlauna Norðurlandaráðs árið 2015. Nýr geisladiskur hennar með partítum meistara Bachs hefur líka fengið afburða góða dóma. Spurð hvort hún sé að spila úti um allan heim svarar Elfa Rún: „Já, mest á meginlandinu. En það kemur alveg fyrir að ég fer til annarra heimsálfa.“ Hún kveðst líka alltaf koma heim af og til, nú tók hún rúmlega ársgamlan son sinn með. „Ég var hér síðast að spila með barokkbandinu Brák austur í Skálholti í sumar og ætla einmitt að spila með því bandi aftur núna á sunnudaginn í Norðurljósum í Hörpu,“ upplýsir hún. Kveðst svo fljúga aftur út á mánudaginn með þann litla. Greinin birtist fyrst í Fréttablaðinu 1. desember 2016.
Menning Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun Krakkatían: Nótur, bankar og geitur Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið „Það er einhver sjarmi yfir París sem er ekki annarsstaðar“ Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira