Ákvað síðast hver yrði aðalpersónan Gunnþóra Gunnarsdóttir skrifar 21. desember 2016 10:45 Þorgrímur Kári beinir sviðsljósinu að aukapersónum í norrænni goðafræði og býr til sögu kringum þær. Vísir/Eyþór Árnason Nýráður, Angurboða, Ganglöt, Böðvildur, Skinnnefja, Véseti, Ráðbarður, Reginleif og Glumra. Allt eru þetta nöfn sem koma fyrir í nýrri unglingasögu eftir Þorgrím Kára Snævarr. Skögla – helreið Nýráðs til Jötunheima – nefnist bókin og í lok hennar er upptalning á tugum fornra sagna, kvæða og handrita sem höfundurinn notaði til innblásturs. Þorgrímur Kári er nýorðinn 23 ára. Hann lauk í sumar BA-prófi í teiknimyndasagnagerð frá ESA Saint-Luc í Belgíu, einum virtasta skóla sinnar tegundar í Evrópu. En í nýju bókinni beitir hann ekki teiknihæfileikunum heldur lætur bókstafina um að segja frá. Hann kveðst hafa byrjað á sögunni fyrir fimm árum þegar hann var nýbúinn með annað árið sitt í MR. Var hann þá strax kominn með grind að henni í hugann? „Ég vissi svona lauslega hvað mundi gerast, þó ég væri ekki búinn að ákveða alveg allt fyrirfram. Mig langaði að búa til goðsögulega bók byggða á norrænni goðafræði, eftir að hafa lesið Snorra Eddu og Völuspá í MR. En í stað þess að vera með Óðin og Þór í aðalhlutverki vildi ég beina athyglinni á nýja staði. Síðan fór ég að hugsa um söguþráðinn og það síðasta sem ég ákvað var hver yrði aðalpersónan. Ég valdi dverg sem heitir Nýráður og er bara minnst á í dvergatalinu í Völuspá. Skögul er líka bara í nafnatali. Slíkt gildir um margar persónur í bókinni að þær eru bara nefndar á einum stað í hinum fornu ritum og það gaf mér svigrúm til að búa til mínar eigin persónur í kringum nöfnin.“ Án þess að afhjúpa alltof mikið um söguþráðinn þá eru aðalpersónurnar Nýráður og fósturdóttir hans Skögul á ferð til konungsríkis í Svíþjóð sem nefnist Næríki en missa sjónar hvort á öðru. Sagan fjallar mest um leit þeirra hvors að öðru á ný en á þeirri leið mæta þau ýmsum karakterum og lenda í hættum og ævintýrum. Spurður hvort hann hafi strax verið ákveðinn í því sem barn að leggja skriftir og teikningar fyrir sig svarar Þorgrímur Kári: „Ég hef alltaf verið mikið í því að gera sögur og var mest í myndasögugerð þegar ég var yngri. En þetta er fyrsta bókin mín og það var dálítið átak að búa hana til.“ Þorgrímur hefur farið í hina ýmsu skóla að undanförnu og lesið upp, einkum fyrir krakka í 6. til 8. bekk. Hann segir þá áhugasama og hafa þurft að spyrja ótal spurninga. Greinin birtist fyrst í Fréttablaðinu 21. desember 2016 Menning Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun „Það er einhver sjarmi yfir París sem er ekki annarsstaðar“ Lífið Krakkatían: Nótur, bankar og geitur Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira
Nýráður, Angurboða, Ganglöt, Böðvildur, Skinnnefja, Véseti, Ráðbarður, Reginleif og Glumra. Allt eru þetta nöfn sem koma fyrir í nýrri unglingasögu eftir Þorgrím Kára Snævarr. Skögla – helreið Nýráðs til Jötunheima – nefnist bókin og í lok hennar er upptalning á tugum fornra sagna, kvæða og handrita sem höfundurinn notaði til innblásturs. Þorgrímur Kári er nýorðinn 23 ára. Hann lauk í sumar BA-prófi í teiknimyndasagnagerð frá ESA Saint-Luc í Belgíu, einum virtasta skóla sinnar tegundar í Evrópu. En í nýju bókinni beitir hann ekki teiknihæfileikunum heldur lætur bókstafina um að segja frá. Hann kveðst hafa byrjað á sögunni fyrir fimm árum þegar hann var nýbúinn með annað árið sitt í MR. Var hann þá strax kominn með grind að henni í hugann? „Ég vissi svona lauslega hvað mundi gerast, þó ég væri ekki búinn að ákveða alveg allt fyrirfram. Mig langaði að búa til goðsögulega bók byggða á norrænni goðafræði, eftir að hafa lesið Snorra Eddu og Völuspá í MR. En í stað þess að vera með Óðin og Þór í aðalhlutverki vildi ég beina athyglinni á nýja staði. Síðan fór ég að hugsa um söguþráðinn og það síðasta sem ég ákvað var hver yrði aðalpersónan. Ég valdi dverg sem heitir Nýráður og er bara minnst á í dvergatalinu í Völuspá. Skögul er líka bara í nafnatali. Slíkt gildir um margar persónur í bókinni að þær eru bara nefndar á einum stað í hinum fornu ritum og það gaf mér svigrúm til að búa til mínar eigin persónur í kringum nöfnin.“ Án þess að afhjúpa alltof mikið um söguþráðinn þá eru aðalpersónurnar Nýráður og fósturdóttir hans Skögul á ferð til konungsríkis í Svíþjóð sem nefnist Næríki en missa sjónar hvort á öðru. Sagan fjallar mest um leit þeirra hvors að öðru á ný en á þeirri leið mæta þau ýmsum karakterum og lenda í hættum og ævintýrum. Spurður hvort hann hafi strax verið ákveðinn í því sem barn að leggja skriftir og teikningar fyrir sig svarar Þorgrímur Kári: „Ég hef alltaf verið mikið í því að gera sögur og var mest í myndasögugerð þegar ég var yngri. En þetta er fyrsta bókin mín og það var dálítið átak að búa hana til.“ Þorgrímur hefur farið í hina ýmsu skóla að undanförnu og lesið upp, einkum fyrir krakka í 6. til 8. bekk. Hann segir þá áhugasama og hafa þurft að spyrja ótal spurninga. Greinin birtist fyrst í Fréttablaðinu 21. desember 2016
Menning Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun „Það er einhver sjarmi yfir París sem er ekki annarsstaðar“ Lífið Krakkatían: Nótur, bankar og geitur Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira