Stórir, þungir og líklegir til afreka í Danmörku Tómas Þór Þórðarson skrifar 28. júlí 2016 06:00 Strákarnir hefja leik gegn Rússum klukkan 18:00 í dag. vísir/stefán Íslenska karlalandsliðið í handbolta skipað leikmönnum 20 ára og yngri hefur leik á Evrópumótinu í Danmörku í dag. Strákarnir mæta Rússlandi í fyrsta leik klukkan 18.00 að íslenskum tíma en leikir íslenska liðsins fara fram í Vamdrup. Ísland á afburðalið í þessum aldursflokki, en á síðasta ári unnu þessir strákar opna Evrópumótið og höfnuðu í þriðja sæti á HM U19. Verkefnið verður heldur betur erfitt í Danmörku að þessu sinni því íslenska liðið er í dauðariðlinum á mótinu. Auk Íslendinga og Rússa eru í B-riðlinum silfurlið Slóvena frá HM í fyrra og Spánverjar sem strákarnir okkar unnu í leiknum um bronsið. Þrjú af fjórum bestum liðum HM á síðasta ári drógust í sama riðilinn. „Fókusinn okkar núna er bara á riðilinn því hann er mjög erfiður. Við verðum að halda einbeitingu þar,“ segir stórskyttan og fyrirliðinn Ómar Ingi Magnússon í viðtali við íþróttadeild. Ómar Ingi spilar með Val í Olís-deildinni en var mikið meiddur á síðustu leiktíð. „Ég er góður núna, bara mjög góður og klár í slaginn,“ segir hann um meiðslin. Eftir góðan árangur á HM í Rússlandi í fyrra er pressa á strákunum að fullnýta hæfileika sína og helst að spila um verðlaun á mótinu. Ómar Ingi fagnar því. „Við getum farið alla leið ef við spilum vel. Þá eigum við bara góðan möguleika á því. Það eru forréttindi að vera undir pressu og þurfa að takast á við svona hluti. Við erum allir klárir í það og munum njóta þess,“ segir Ómar.Ómar Ingi Magnússon var einn besti leikmaður HM í Rússlandi í fyrra.vísir/stefánNæstu menn í A-landsliðið Lykilmenn í þessu U20-liði eins og Ómar Ingi og varnartröllið Arnar Freyr Arnarsson hafa verið meiddir að undanförnu en allir eiga að vera klárir í slaginn fyrir leikinn gegn Rússunum í dag. Varnarleikurinn var undirstaða árangurs liðsins í fyrra og verður það vafalítið áfram. „Liðið er gott í að verjast og þess vegna fáum við hraðaupphlaup sem hjálpa mikið til við markaskorun. Markverðirnir hafa líka verið frábærir fyrir aftan vörnina. Þetta verður bara gott ef við höldum svona áfram,“ segir Ómar Ingi. Íslenska A-landsliðið stendur á ákveðnum tímamótum eftir tvö döpur stórmót í röð. Nýr þjálfari horfir vafalítið til þess að yngja liðið og fá inn efnilega menn en eru strákarnir í þessu U20 ára liði nógu góðir til að spila með stóru strákunum? „Mér finnst það. Einhverjir af okkur geta komist þangað og það kannski kemur betur í ljós á þessu móti en margir okkar hafa burðina til að komast í A-landsliðið,“ segir Ómar Ingi, en hvað finnst öðrum þjálfara liðsins, Sigursteini Arndal? „Ég sé nokkra fyrir mér í þessu liði eiga þann möguleika en það verður svo þeirra að taka síðasta skrefið. Við eigum marga virkilega efnilega leikmenn í þessum flokki og kannski sú breyting sem hefur orðið á leikmönnunum er að þeir eru hávaxnir og eru með fleiri kíló en við höfum séð áður,“ segir Sigursteinn.Sigursteinn Arndal þjálfar U-20 ára liðið ásamt Ólafi Stefánssyni.vísir/stefánÍ stórum hlutverkum Aðspurður um möguleika íslensku strákanna á Evrópumótinu segir Sigursteinn að það sé klárlega í boði að liðið fari alla leið. En ef það á að ganga upp þarf allt að smella saman. „Það væri kjánalegt að stefna á eitthvað minna en við gerðum síðast. Við erum með háleit markmið en það þarf auðvitað allt að ganga upp hjá okkur ef við ætlum okkur alla leið,“ segir Sigursteinn við íþróttadeild. „Það sem við höfum umfram aðrar þjóðir er að við getum verið mikið saman. Það er svona fyrst núna sem við erum með menn úti í atvinnumennsku og erum að glíma við meiðsli. En við breytum samt ekkert okkar leik eða því sem gekk vel í fyrra.“ Nær allir strákarnir í liðinu hafa spilað mikið í meistaraflokki þrátt fyrir ungan aldur og gert það í nokkur ár. Þeir hafa öðlast mikilvæga reynslu sem Sigursteinn segir að skipti sköpum fyrir þá og liðið. „Þeir hafa ekki bara verið að spila heldur hafa þeir líka verið í stórum hlutverkum hjá sínum liðum. Svo erum við líka með stráka sem hafa handbolta að atvinnu þannig það hlýtur að gera liðið betra,“ segir Sigursteinn Arndal. Handbolti Tengdar fréttir Bronsdrengirnir ætla sér stóra hluti á EM Strákarnir í U-20 ára landsliði Íslands í handbolta héldu í dag til Danmerkur þar sem þeir taka þátt á EM. 26. júlí 2016 19:36 Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Sjá meira
Íslenska karlalandsliðið í handbolta skipað leikmönnum 20 ára og yngri hefur leik á Evrópumótinu í Danmörku í dag. Strákarnir mæta Rússlandi í fyrsta leik klukkan 18.00 að íslenskum tíma en leikir íslenska liðsins fara fram í Vamdrup. Ísland á afburðalið í þessum aldursflokki, en á síðasta ári unnu þessir strákar opna Evrópumótið og höfnuðu í þriðja sæti á HM U19. Verkefnið verður heldur betur erfitt í Danmörku að þessu sinni því íslenska liðið er í dauðariðlinum á mótinu. Auk Íslendinga og Rússa eru í B-riðlinum silfurlið Slóvena frá HM í fyrra og Spánverjar sem strákarnir okkar unnu í leiknum um bronsið. Þrjú af fjórum bestum liðum HM á síðasta ári drógust í sama riðilinn. „Fókusinn okkar núna er bara á riðilinn því hann er mjög erfiður. Við verðum að halda einbeitingu þar,“ segir stórskyttan og fyrirliðinn Ómar Ingi Magnússon í viðtali við íþróttadeild. Ómar Ingi spilar með Val í Olís-deildinni en var mikið meiddur á síðustu leiktíð. „Ég er góður núna, bara mjög góður og klár í slaginn,“ segir hann um meiðslin. Eftir góðan árangur á HM í Rússlandi í fyrra er pressa á strákunum að fullnýta hæfileika sína og helst að spila um verðlaun á mótinu. Ómar Ingi fagnar því. „Við getum farið alla leið ef við spilum vel. Þá eigum við bara góðan möguleika á því. Það eru forréttindi að vera undir pressu og þurfa að takast á við svona hluti. Við erum allir klárir í það og munum njóta þess,“ segir Ómar.Ómar Ingi Magnússon var einn besti leikmaður HM í Rússlandi í fyrra.vísir/stefánNæstu menn í A-landsliðið Lykilmenn í þessu U20-liði eins og Ómar Ingi og varnartröllið Arnar Freyr Arnarsson hafa verið meiddir að undanförnu en allir eiga að vera klárir í slaginn fyrir leikinn gegn Rússunum í dag. Varnarleikurinn var undirstaða árangurs liðsins í fyrra og verður það vafalítið áfram. „Liðið er gott í að verjast og þess vegna fáum við hraðaupphlaup sem hjálpa mikið til við markaskorun. Markverðirnir hafa líka verið frábærir fyrir aftan vörnina. Þetta verður bara gott ef við höldum svona áfram,“ segir Ómar Ingi. Íslenska A-landsliðið stendur á ákveðnum tímamótum eftir tvö döpur stórmót í röð. Nýr þjálfari horfir vafalítið til þess að yngja liðið og fá inn efnilega menn en eru strákarnir í þessu U20 ára liði nógu góðir til að spila með stóru strákunum? „Mér finnst það. Einhverjir af okkur geta komist þangað og það kannski kemur betur í ljós á þessu móti en margir okkar hafa burðina til að komast í A-landsliðið,“ segir Ómar Ingi, en hvað finnst öðrum þjálfara liðsins, Sigursteini Arndal? „Ég sé nokkra fyrir mér í þessu liði eiga þann möguleika en það verður svo þeirra að taka síðasta skrefið. Við eigum marga virkilega efnilega leikmenn í þessum flokki og kannski sú breyting sem hefur orðið á leikmönnunum er að þeir eru hávaxnir og eru með fleiri kíló en við höfum séð áður,“ segir Sigursteinn.Sigursteinn Arndal þjálfar U-20 ára liðið ásamt Ólafi Stefánssyni.vísir/stefánÍ stórum hlutverkum Aðspurður um möguleika íslensku strákanna á Evrópumótinu segir Sigursteinn að það sé klárlega í boði að liðið fari alla leið. En ef það á að ganga upp þarf allt að smella saman. „Það væri kjánalegt að stefna á eitthvað minna en við gerðum síðast. Við erum með háleit markmið en það þarf auðvitað allt að ganga upp hjá okkur ef við ætlum okkur alla leið,“ segir Sigursteinn við íþróttadeild. „Það sem við höfum umfram aðrar þjóðir er að við getum verið mikið saman. Það er svona fyrst núna sem við erum með menn úti í atvinnumennsku og erum að glíma við meiðsli. En við breytum samt ekkert okkar leik eða því sem gekk vel í fyrra.“ Nær allir strákarnir í liðinu hafa spilað mikið í meistaraflokki þrátt fyrir ungan aldur og gert það í nokkur ár. Þeir hafa öðlast mikilvæga reynslu sem Sigursteinn segir að skipti sköpum fyrir þá og liðið. „Þeir hafa ekki bara verið að spila heldur hafa þeir líka verið í stórum hlutverkum hjá sínum liðum. Svo erum við líka með stráka sem hafa handbolta að atvinnu þannig það hlýtur að gera liðið betra,“ segir Sigursteinn Arndal.
Handbolti Tengdar fréttir Bronsdrengirnir ætla sér stóra hluti á EM Strákarnir í U-20 ára landsliði Íslands í handbolta héldu í dag til Danmerkur þar sem þeir taka þátt á EM. 26. júlí 2016 19:36 Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Sjá meira
Bronsdrengirnir ætla sér stóra hluti á EM Strákarnir í U-20 ára landsliði Íslands í handbolta héldu í dag til Danmerkur þar sem þeir taka þátt á EM. 26. júlí 2016 19:36