Skipstjórinn á Akranesi sofandi þegar farþegar voru klárir í bátana Kolbeinn Tumi Daðason skrifar 8. ágúst 2017 16:45 Nanna Elísa (til vinstri) upplifðu Brekkusönginn, blysin og hvítu tjöldin í fyrsta skipti. Allt saman stóð undir væntingum. Um hundrað manns biðu í klukkustund eftir brottför Akranesferjunnar frá Vestmannaeyjum í gærmorgun. Ferjan átti samkvæmt því sem stóð á miðanum að láta úr höfn klukkan sex og vera komin í Landeyjahöfn fimmtán mínútum síðar. Vegna frestunar misstu margir af strætó til Reykjavíkur klukkan sjö og máttu dúsa í Landeyjahöfn þar til næsti strætó fór um tveimur tímum síðar. Úr varð að sumir gestir biðu í á fjórða tíma og voru komnir heim í rúm klukkustundum seinna en ætlað var. Framkvæmdastjóri Sæferða segir mjög leitt að svo hafi farið og segir að misskilningur hafi valdið seinkuninni. Hans menn hafi verið í fastasvefni þegar farþegar mættu á bryggjuna tilbúnir að komast til síns heima eftir helgina. Bílastæðið við Landeyjahöfn var stappað um helgina.Vísir/Jóhann K. Jóhannsson Strætóinn farinn Eftir vel heppnað lokakvöld á Þjóðhátíð í Eyjum mætti fjöldi fólks niður á bryggju á Heimaey tilbúin að sigla í Landeyjahöfn. Meðal þeirra voru um hundrað manns sem áttu bókað far með Akranesi, ferjunni sem alla jafna siglir á milli Reykjavíkur og Akraness, en var nýtt í tengslum við Þjóðhátíð um verslunarmannahelgina. Akranes átti að leggja úr höfn klukkan sex um morguninn en þegar klukkan sló sex var ekkert að frétta. „Við lögðum stundvíslega af stað úr Dalnum klukkan 05:40 og röltum niður á bryggjuna,“ segir Nanna Elísa Jakobsdóttir, ein þeirra sem átti bókað far með ferjunni. Hún hafði keypt miðann á Dalurinn.is ásamt vinkonu sinni á miðvikudaginn þegar leyfi hafði fengist fyrir siglingum Akraness til og frá Eyjum á föstudeginum og mánudeginum. Brottför klukkan sex stóð á miðanum og voru þær stöllur framarlega í röðinni á bryggjunni. Ferjan var í höfn en ekkert að frétta. „Það voru allir frekar rólegir, bara þreyttir. Þarna eru allir annaðhvort nývaknaðir eftir eins tíma kríu eða koma beint úr Dalnum,“ segir Nanna. Starfsfólk á svæðinu, sem hafði auga með röðinni, hafði fá svör. Þegar hópurinn var farinn að ókyrrast, eftir 30-40 mínútur, fór einn starfsmaðurinn að leita svara. „Hann kom hlæjandi til baka og sagði að ferjan hefði ekki leyfi til að sigla klukkan sex,“ segir Nanna. Skipstjórinn væri að bíða þangað til hann fengi leyfi klukkan sjö. Klukkan sjö var lagt úr höfn. „Sem þýddi að við misstum af strætónum í Landeyjahöfn klukkan sjö.“ Nanna Elísa komin um borð í strætisvagninn frá Landeyjahöfn klukkan 9:19. Geggjaður kjúklingaborgari sárabætur Stemningin í Landeyjahöfn var í myglaðri kantinum og fæstir spenntir fyrir frekari bið sem í heildina teygði sig í þrjár klukkustundir. „Það var engin stemning. Allir eins og einhverjar vofur,“ segir Nanna. Hún hafi þó leyft sér að hlæja að þessu öllu saman. „En svo varð ég svo hissa að sjá í fréttum að þetta hefði verið svo stórkostlega vel heppnað. Það fannst mér aðeins pirrandi að sjá,“ segir Nanna. Vísar hún til fréttar Vísis í dag þar sem Gunnlaugur Grettisson, framkvæmdastjóri Sæferða, sagði siglingarnar um helgina hafa tekist stórkostlega. Þökk sé seinkuninni fékk Nanna þó að bragða á kjúklingaborgara í Landeyjahöfn úr „gourmet“ matarvagni þar sem starfsfólk stóð vaktina snemma morguns. „Ég fékk samt besta kjúklingaborgara sem ég hef nokkurn tímann fengið. Hann var ótrúlegur. Krispí kjúklingur, krispí brauð. Það var geggjað,“ segir Nanna sem var á sinni fyrstu Þjóðhátíð. Hátíð sem stóð svo sannarlega undir væntingum. „Þetta var geðveikt og þessi seinkun litaði ekkert upplifunina. Þetta var mín fyrsta ferð, fyrsti brekkusöngur og stóð sannarlega undir væntingum. Mig hefur lengi langað að fara á Þjóðhátíð,“ segir Nanna og hrósar Eyjamönnum. Í einu hvítu tjaldanna hafi spurst út að Nanna væri á sinni fyrstu Þjóðhátíð og þótti við hæfi að tilkynna það formlega í gjallarhorni. „Eyjamenn eru stuðfólk,“ segir Nanna og hlær. Gunnlaugur Grettisson hjá Sæferðum er miður sín vegna málsins.vísir/óskar p. friðriksson Þykir málið mjög leitt Gunnlaugur Grettisson, framkvæmdastjóri Sæferða, segir um leiðan misskilning að ræða á milli Sæferða og Íþróttabandalags Vestmannaeyja, sem seldi miðana í umrædda ferð. „Það hefði verið fínt að byrja sex en mínir menn voru í svefni þegar fólk mætti á bryggjuna,“ segir Gunnlaugur. „Okkur þykir þetta mjög leitt að sjálfsögðu og ÍBV líka,“ segir Gunnlaugur sem hefur rætt málið við framkvæmdastjóra ÍBV. „ÍBV seldi algjörlega í þessa ferð, það fór ekki í gegnum okkar kerfi. Þau keyptu 100 sæti í þessa fyrstu ferð. Við vorum í þeirri góðu trú að þetta væri klukkan sjö,“ segir Gunnlaugur. Auðvitað sé alltaf eitthvað sem geti komið upp á en hann ítrekar að þeim þyki þetta mjög leitt. Mest lesið Vegfarandinn er látinn Innlent Maður stunginn í brjóstkassann í nótt Innlent Þoturnar sem flytja Íslendinga yfir Atlantshafið næstu áratugi Innlent Arnar Þór stofnar Lýðræðisflokkinn Innlent „Við vitum ekki neitt og höldum bara áfram að bíða“ Innlent Ótrúlegt myndband af gæsaflokki á flugi Innlent Átta ára drengur skotinn í höfuð og andlit Erlent Segir Harris veika á geði Erlent Þriðjungur þunglyndra náði fullum bata með „heilasjúkraþjálfun“ Innlent Ekið á gangandi vegfaranda við Sæbraut Innlent Fleiri fréttir „Dapurleg framkoma“ fólks á vettvangi banaslyss umhugsunarefni Hinn stungni enn á sjúkrahúsi Banaslys á Sæbraut og stofnun nýs stjórnmálaflokks Vegfarandinn er látinn Arnar Þór stofnar Lýðræðisflokkinn Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Sjá meira
Um hundrað manns biðu í klukkustund eftir brottför Akranesferjunnar frá Vestmannaeyjum í gærmorgun. Ferjan átti samkvæmt því sem stóð á miðanum að láta úr höfn klukkan sex og vera komin í Landeyjahöfn fimmtán mínútum síðar. Vegna frestunar misstu margir af strætó til Reykjavíkur klukkan sjö og máttu dúsa í Landeyjahöfn þar til næsti strætó fór um tveimur tímum síðar. Úr varð að sumir gestir biðu í á fjórða tíma og voru komnir heim í rúm klukkustundum seinna en ætlað var. Framkvæmdastjóri Sæferða segir mjög leitt að svo hafi farið og segir að misskilningur hafi valdið seinkuninni. Hans menn hafi verið í fastasvefni þegar farþegar mættu á bryggjuna tilbúnir að komast til síns heima eftir helgina. Bílastæðið við Landeyjahöfn var stappað um helgina.Vísir/Jóhann K. Jóhannsson Strætóinn farinn Eftir vel heppnað lokakvöld á Þjóðhátíð í Eyjum mætti fjöldi fólks niður á bryggju á Heimaey tilbúin að sigla í Landeyjahöfn. Meðal þeirra voru um hundrað manns sem áttu bókað far með Akranesi, ferjunni sem alla jafna siglir á milli Reykjavíkur og Akraness, en var nýtt í tengslum við Þjóðhátíð um verslunarmannahelgina. Akranes átti að leggja úr höfn klukkan sex um morguninn en þegar klukkan sló sex var ekkert að frétta. „Við lögðum stundvíslega af stað úr Dalnum klukkan 05:40 og röltum niður á bryggjuna,“ segir Nanna Elísa Jakobsdóttir, ein þeirra sem átti bókað far með ferjunni. Hún hafði keypt miðann á Dalurinn.is ásamt vinkonu sinni á miðvikudaginn þegar leyfi hafði fengist fyrir siglingum Akraness til og frá Eyjum á föstudeginum og mánudeginum. Brottför klukkan sex stóð á miðanum og voru þær stöllur framarlega í röðinni á bryggjunni. Ferjan var í höfn en ekkert að frétta. „Það voru allir frekar rólegir, bara þreyttir. Þarna eru allir annaðhvort nývaknaðir eftir eins tíma kríu eða koma beint úr Dalnum,“ segir Nanna. Starfsfólk á svæðinu, sem hafði auga með röðinni, hafði fá svör. Þegar hópurinn var farinn að ókyrrast, eftir 30-40 mínútur, fór einn starfsmaðurinn að leita svara. „Hann kom hlæjandi til baka og sagði að ferjan hefði ekki leyfi til að sigla klukkan sex,“ segir Nanna. Skipstjórinn væri að bíða þangað til hann fengi leyfi klukkan sjö. Klukkan sjö var lagt úr höfn. „Sem þýddi að við misstum af strætónum í Landeyjahöfn klukkan sjö.“ Nanna Elísa komin um borð í strætisvagninn frá Landeyjahöfn klukkan 9:19. Geggjaður kjúklingaborgari sárabætur Stemningin í Landeyjahöfn var í myglaðri kantinum og fæstir spenntir fyrir frekari bið sem í heildina teygði sig í þrjár klukkustundir. „Það var engin stemning. Allir eins og einhverjar vofur,“ segir Nanna. Hún hafi þó leyft sér að hlæja að þessu öllu saman. „En svo varð ég svo hissa að sjá í fréttum að þetta hefði verið svo stórkostlega vel heppnað. Það fannst mér aðeins pirrandi að sjá,“ segir Nanna. Vísar hún til fréttar Vísis í dag þar sem Gunnlaugur Grettisson, framkvæmdastjóri Sæferða, sagði siglingarnar um helgina hafa tekist stórkostlega. Þökk sé seinkuninni fékk Nanna þó að bragða á kjúklingaborgara í Landeyjahöfn úr „gourmet“ matarvagni þar sem starfsfólk stóð vaktina snemma morguns. „Ég fékk samt besta kjúklingaborgara sem ég hef nokkurn tímann fengið. Hann var ótrúlegur. Krispí kjúklingur, krispí brauð. Það var geggjað,“ segir Nanna sem var á sinni fyrstu Þjóðhátíð. Hátíð sem stóð svo sannarlega undir væntingum. „Þetta var geðveikt og þessi seinkun litaði ekkert upplifunina. Þetta var mín fyrsta ferð, fyrsti brekkusöngur og stóð sannarlega undir væntingum. Mig hefur lengi langað að fara á Þjóðhátíð,“ segir Nanna og hrósar Eyjamönnum. Í einu hvítu tjaldanna hafi spurst út að Nanna væri á sinni fyrstu Þjóðhátíð og þótti við hæfi að tilkynna það formlega í gjallarhorni. „Eyjamenn eru stuðfólk,“ segir Nanna og hlær. Gunnlaugur Grettisson hjá Sæferðum er miður sín vegna málsins.vísir/óskar p. friðriksson Þykir málið mjög leitt Gunnlaugur Grettisson, framkvæmdastjóri Sæferða, segir um leiðan misskilning að ræða á milli Sæferða og Íþróttabandalags Vestmannaeyja, sem seldi miðana í umrædda ferð. „Það hefði verið fínt að byrja sex en mínir menn voru í svefni þegar fólk mætti á bryggjuna,“ segir Gunnlaugur. „Okkur þykir þetta mjög leitt að sjálfsögðu og ÍBV líka,“ segir Gunnlaugur sem hefur rætt málið við framkvæmdastjóra ÍBV. „ÍBV seldi algjörlega í þessa ferð, það fór ekki í gegnum okkar kerfi. Þau keyptu 100 sæti í þessa fyrstu ferð. Við vorum í þeirri góðu trú að þetta væri klukkan sjö,“ segir Gunnlaugur. Auðvitað sé alltaf eitthvað sem geti komið upp á en hann ítrekar að þeim þyki þetta mjög leitt.
Mest lesið Vegfarandinn er látinn Innlent Maður stunginn í brjóstkassann í nótt Innlent Þoturnar sem flytja Íslendinga yfir Atlantshafið næstu áratugi Innlent Arnar Þór stofnar Lýðræðisflokkinn Innlent „Við vitum ekki neitt og höldum bara áfram að bíða“ Innlent Ótrúlegt myndband af gæsaflokki á flugi Innlent Átta ára drengur skotinn í höfuð og andlit Erlent Segir Harris veika á geði Erlent Þriðjungur þunglyndra náði fullum bata með „heilasjúkraþjálfun“ Innlent Ekið á gangandi vegfaranda við Sæbraut Innlent Fleiri fréttir „Dapurleg framkoma“ fólks á vettvangi banaslyss umhugsunarefni Hinn stungni enn á sjúkrahúsi Banaslys á Sæbraut og stofnun nýs stjórnmálaflokks Vegfarandinn er látinn Arnar Þór stofnar Lýðræðisflokkinn Staða karlmennskunnar, kosningavetur og átök í Mið-Austurlöndum Talaði fyrir „tveggja ríkja lausn“ á allsherjarþingi Þriðjungur þunglyndra náði fullum bata með „heilasjúkraþjálfun“ Hlaupið í rénum en gasmengun gæti verið á svæðinu Þoturnar sem flytja Íslendinga yfir Atlantshafið næstu áratugi Ekið á gangandi vegfaranda við Sæbraut Maður stunginn í brjóstkassann í nótt „Við vitum ekki neitt og höldum bara áfram að bíða“ Ótrúlegt myndband af gæsaflokki á flugi Ávaxtakarfan frumsýnd í Hveragerði Lítið jökulhlaup hafið í Skálm Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Sjá meira