Til hamingju Grunnskóli Seltjarnarness Sigrún Edda Jónsdóttir skrifar 15. júní 2017 07:00 Á meðan árangur íslenskra nemenda hefur í heild legið niður á við í PISA-könnunum undanfarinn áratug hefur árangur nemenda við Grunnskóla Seltjarnarness verið á uppleið og aldrei mælst betri en í nýjustu könnuninni, sem lögð var fyrir vorið 2015. Seltjarnarnesbæ bárust niðurstöður fyrir Grunnskóla Seltjarnarness í janúarmánuði sl. og hafði þeirra verið beðið með nokkurri óþreyju, þar sem stærstu sveitarfélögum landsins voru kynntar niðurstöður snemma í desember. Þá var líka slegið upp veislu fyrir starfsfólk Grunnskóla Seltjarnarness til að fagna niðurstöðum úr PISA-könnun enda rík ástæða til. Niðurstaðan kemur ekki á óvart þar sem Grunnskóli Seltjarnarness hefur komið vel út á samræmdum prófum nú í mörg ár í röð og mælingar Skólapúlsins á líðan nemenda og námsáhuga hafa komið vel út þar sem jákvætt viðhorf þeirra til náms og trú á eigin getu hefur verið staðfest. Markvisst hefur verið unnið með undirstöðugreinar sem prófað er í og gripið inn í strax og niðurstöður liggja fyrir ef ástæða þykir til. Framfarir frá síðustu mælingu má rekja til þess góða starfs sem unnið hefur verið innan skólans. Þessi niðurstaða er mikil viðurkenning fyrir það góða starfsfólk sem er í skólanum okkar og því ber að hrósa fyrir gott starf sem skilar sér i þessum flotta árangri. En svo vikið sé að niðurstöðum úr PISA þá má sjá hér samanburð við meðaltalstölur úr prófum fyrir nemendur af Seltjarnarnesi, Íslandi í heild og í OECD-löndunum frá árunum 2012 og 2015. Ólíkt því sem mikið hefur verið fjallað um í fjölmiðlum hafa nemendur í Grunnskóla Seltjarnarness bætt sig á milli áranna 2012 og 2015 eins og sjá má á meðfylgjandi töflu.Nemendur skólans standa nú að meðaltali nokkuð framar jafnöldrum sínum á höfuðborgarsvæðinu þegar kemur að meðaltalstölum sveitarfélaganna sem er breyting frá niðurstöðum PISA-rannsókna fyrri ára. Reiknað er út svokallað öryggisbil sem er gert til að taka tillit til fjölda nemenda í hverju sveitarfélagi/svæði fyrir sig en eins og gefur að skilja er misjafn fjöldi á bak við niðurstöður milli svæða. Öryggisbil tilgreinir það bil sem hægt er að segja með 90% vissu að meðaltal skólans tilheyri og litið er til þess þegar meta skal hvort breytingar á milli tímabila séu marktækar og í samanburði við niðurstöður annarra. Þegar tekið er tillit til öryggisbils Grunnskóla Seltjarnarness eru neðri mörk þess vel yfir meðaltali á öllum sviðum fyrir Ísland sem og OECD, sem þýðir að árangurinn er vel marktækur. Munur umfram 10 stig telst marktækur og munur upp á 40 stig telst nema einu skólaári. Þannig munar 54 stigum á meðaltali Grunnskóla Seltjarnarness og meðaltali allra skóla á Íslandi í læsi á stærðfræði árið 2015 sem svarar meira en einu skólaári. Munur á milli meðaltals Grunnskóla Seltjarnarness og OECD er 52 stig á sama hátt. Þess ber að geta að munur á tveimur meðaltölum er vísbending ekki þróun. Svona uppörvandi niðurstöður eru mjög svo jákvætt innlegg í skólaumræðuna og góð hvatning fyrir skólasamfélagið og sveitarfélagið í heild. Seltjarnarnes sker sig úr hópnum með þeirri framför sem hefur orðið í árangri í PISA 2015 þar sem flest sveitarfélögin skiluðu lakari árangri á milli tímabila. Það er því rík ástæða til óska starfsfólki Grunnskóla Seltjarnarness og nemendum til hamingju með þennan flotta árangur með von um áframhaldandi velgengni. Höfundur er formaður skólanefndar Seltjarnarness. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið Um mennsku og samfélag Bolli Pétur Bollason Skoðun Skynsemi Miðflokksins Ása Lind Finnbogadóttir Skoðun Er rúmdýnan þín hægt og rólega að murka úr þér líftóruna? Gunnar Dan Wiium Skoðun Það er verið að hafa okkur að fíflum. Davíð Bergmann Skoðun Svarar ekki kostnaði að bjarga sjálfum sér Kári Helgason Skoðun Íslenska er ekki eina málið Lilja Magnúsdóttir Skoðun Að búa til steind getur haft skelfilegar afleiðingar! Elínrós Erlingsdóttir Skoðun Dauði vefsíðunnar eins og við þekkjum hana Kristján Már Hauksson Skoðun Aftur til fortíðar Birta Karen Tryggvadóttir Skoðun Útboð á Fjarðarheiðargöngum Hildur Þórisdóttir Skoðun Skoðun Skoðun Um mennsku og samfélag Bolli Pétur Bollason skrifar Skoðun Er rúmdýnan þín hægt og rólega að murka úr þér líftóruna? Gunnar Dan Wiium skrifar Skoðun Sársaukafull vaxtarmörk Berglind Ósk Guðmundsdóttir skrifar Skoðun Skynsemi Miðflokksins Ása Lind Finnbogadóttir skrifar Skoðun Tölum íslensku Kolbrún Áslaugar Baldursdóttir skrifar Skoðun Er Miðflokkurinn fyrir ungt fólk? Anton Sveinn McKee skrifar Skoðun Svarar ekki kostnaði að bjarga sjálfum sér Kári Helgason skrifar Skoðun Um orkuskort, auðlindir og endurvinnslu Guðríður Eldey Arnardóttir skrifar Skoðun Er padda í vaskinum? Vilborg Gunnarsdóttir skrifar Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar Skoðun Rannsökum og ræðum menntakerfið Kolbrún Þ. Pálsdóttir skrifar Skoðun Kæra sig ekki um evruna Hjörtur J. Guðmundsson skrifar Skoðun Opið bréf til fjölmiðla Magnús Guðmundsson skrifar Skoðun Horfið á möguleikana í samfélagslegri ábyrgð Guðmundur Ingi Þóroddsson skrifar Skoðun Aftur til fortíðar Birta Karen Tryggvadóttir skrifar Skoðun Að kjarna orku þjóðar Ísak Einar Rúnarsson skrifar Skoðun Orðræða seðlabankastjóra veldur mér áhyggjum Ágúst Bjarni Garðarsson skrifar Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar Skoðun Það er verið að hafa okkur að fíflum. Davíð Bergmann skrifar Skoðun Útboð á Fjarðarheiðargöngum Hildur Þórisdóttir skrifar Skoðun Hvert á að fara með íslenskt þjóðfélag? Reynir Böðvarsson skrifar Skoðun Svikin loforð gagnvart börnum? Hildur Rós Guðbjargardóttir skrifar Skoðun Að búa til steind getur haft skelfilegar afleiðingar! Elínrós Erlingsdóttir skrifar Skoðun Hvar eru sálfræðingarnir? Pétur Maack Þorsteinsson skrifar Skoðun Íslenska er ekki eina málið Lilja Magnúsdóttir skrifar Skoðun Hvar er grunnskólinn? Kristján Hrafn Guðmundsson skrifar Skoðun Er lýðræðislegt að senda vopn til Úkraínu? Hildur Þórðardóttir skrifar Skoðun Það á ekki að vera dekur að geta sótt sér sálfræðiþjónustu Ólafía Sigurjónsdóttir skrifar Skoðun Um bókun 35, EES samninginn, Evrópusambandið og Bretland Jón Frímann Jónsson skrifar Skoðun Húsnæði fyrir fólk, ekki fjárfesta Gísli Rafn Ólafsson skrifar Sjá meira
Á meðan árangur íslenskra nemenda hefur í heild legið niður á við í PISA-könnunum undanfarinn áratug hefur árangur nemenda við Grunnskóla Seltjarnarness verið á uppleið og aldrei mælst betri en í nýjustu könnuninni, sem lögð var fyrir vorið 2015. Seltjarnarnesbæ bárust niðurstöður fyrir Grunnskóla Seltjarnarness í janúarmánuði sl. og hafði þeirra verið beðið með nokkurri óþreyju, þar sem stærstu sveitarfélögum landsins voru kynntar niðurstöður snemma í desember. Þá var líka slegið upp veislu fyrir starfsfólk Grunnskóla Seltjarnarness til að fagna niðurstöðum úr PISA-könnun enda rík ástæða til. Niðurstaðan kemur ekki á óvart þar sem Grunnskóli Seltjarnarness hefur komið vel út á samræmdum prófum nú í mörg ár í röð og mælingar Skólapúlsins á líðan nemenda og námsáhuga hafa komið vel út þar sem jákvætt viðhorf þeirra til náms og trú á eigin getu hefur verið staðfest. Markvisst hefur verið unnið með undirstöðugreinar sem prófað er í og gripið inn í strax og niðurstöður liggja fyrir ef ástæða þykir til. Framfarir frá síðustu mælingu má rekja til þess góða starfs sem unnið hefur verið innan skólans. Þessi niðurstaða er mikil viðurkenning fyrir það góða starfsfólk sem er í skólanum okkar og því ber að hrósa fyrir gott starf sem skilar sér i þessum flotta árangri. En svo vikið sé að niðurstöðum úr PISA þá má sjá hér samanburð við meðaltalstölur úr prófum fyrir nemendur af Seltjarnarnesi, Íslandi í heild og í OECD-löndunum frá árunum 2012 og 2015. Ólíkt því sem mikið hefur verið fjallað um í fjölmiðlum hafa nemendur í Grunnskóla Seltjarnarness bætt sig á milli áranna 2012 og 2015 eins og sjá má á meðfylgjandi töflu.Nemendur skólans standa nú að meðaltali nokkuð framar jafnöldrum sínum á höfuðborgarsvæðinu þegar kemur að meðaltalstölum sveitarfélaganna sem er breyting frá niðurstöðum PISA-rannsókna fyrri ára. Reiknað er út svokallað öryggisbil sem er gert til að taka tillit til fjölda nemenda í hverju sveitarfélagi/svæði fyrir sig en eins og gefur að skilja er misjafn fjöldi á bak við niðurstöður milli svæða. Öryggisbil tilgreinir það bil sem hægt er að segja með 90% vissu að meðaltal skólans tilheyri og litið er til þess þegar meta skal hvort breytingar á milli tímabila séu marktækar og í samanburði við niðurstöður annarra. Þegar tekið er tillit til öryggisbils Grunnskóla Seltjarnarness eru neðri mörk þess vel yfir meðaltali á öllum sviðum fyrir Ísland sem og OECD, sem þýðir að árangurinn er vel marktækur. Munur umfram 10 stig telst marktækur og munur upp á 40 stig telst nema einu skólaári. Þannig munar 54 stigum á meðaltali Grunnskóla Seltjarnarness og meðaltali allra skóla á Íslandi í læsi á stærðfræði árið 2015 sem svarar meira en einu skólaári. Munur á milli meðaltals Grunnskóla Seltjarnarness og OECD er 52 stig á sama hátt. Þess ber að geta að munur á tveimur meðaltölum er vísbending ekki þróun. Svona uppörvandi niðurstöður eru mjög svo jákvætt innlegg í skólaumræðuna og góð hvatning fyrir skólasamfélagið og sveitarfélagið í heild. Seltjarnarnes sker sig úr hópnum með þeirri framför sem hefur orðið í árangri í PISA 2015 þar sem flest sveitarfélögin skiluðu lakari árangri á milli tímabila. Það er því rík ástæða til óska starfsfólki Grunnskóla Seltjarnarness og nemendum til hamingju með þennan flotta árangur með von um áframhaldandi velgengni. Höfundur er formaður skólanefndar Seltjarnarness.
Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar
Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar