Telur skýringar um veiði vina fjarstæðu Garðar Örn Úlfarsson skrifar 8. september 2017 06:00 Ágætis veiði er í Staðará og mun hún vera best næst ósnum sem er fyrir landi Traða. Veiðin er í sameign með kirkjujörðinni Staðastað. VÍSIR/VILHELM „Það er unnið hörðum höndum að því að ná sáttum um skiptingu veiðiréttarins,“ segir Oddur Einarsson, framkvæmdastjóri kirkjuráðs, um deilur milli Þjóðkirkjunnar og eiganda jarðarinnar Traða um veiðirétt í Staðará á Snæfellsnesi. Eins og fram kom í Fréttablaðinu 30. ágúst síðastliðinn segir Oddur að hann hafi boðið tveimur gestum sínum til veiða í Staðará um verslunarmannahelgina í skjóli veiðiréttar prestsetursjarðarinnar Staðastaðar. Þeir hafi ekki getað veitt vegna áreitis og hótana frá Traðabóndanum. Landeigandinn, Gunnar Jónasson, neitaði því að hafa haft í hótunum. Í mars síðastliðnum dæmdi Hæstiréttur að veiðin, sem að mestu er sjóbirtingsveiði, væri í óskiptu landi jarðanna tveggja. Aðspurður hvernig á því standi að framkvæmdastjóri kirkjuráðs geti boðið sínum eigin gestum til stangveiða í Staðará segir Oddur eðlilegt að spurningar vakni við það. Hann bendir á að áður en sóknarpresturinn á Staðastað, séra Páll Ágúst Ólafsson, hafi verið fluttur úr embættinu hafi Páll endurnýjað samning sem hann hafði gert árlega við tvo einstaklinga um veiði í ánni fyrir landi Staðastaðar.Oddur Einarsson, framkvæmdastjóri Kirkjuráðs.vísir/björn g.„Eftir að sóknarpresturinn hvarf úr embættinu var prestslaust og þar með enginn ábúandi á Staðastað en Kirkjumálasjóður á jörðina og framkvæmdastjóri kirkjuráðs fer þannig með eignarhaldið fyrir hönd kirkjuráðs,“ útskýrir Oddur. Eftir dóm Hæstaréttar um veiðiréttinn hafi samningur leigutaka prestsins verið í uppnámi. „Sambúðin við Traðabónda hafði verið stormasöm og ekki batnaði hún við dóminn en lögmaður Traðabónda hélt því fram við annan leigutaka prestsins að samningur þeirra væri einskis virði, enda ólögmætur, og tjáði honum þá skoðun sína að færi hann fram á lögbann við veiði frá Staðastað fengi hann það samstundis því af dómi Hæstaréttar leiddi að hvorugur aðilinn, Traðabóndi eða ábúandi á Staðastað, hefði heimild til að selja þriðja aðila veiðileyfi í Staðará nema með skriflegu samþykki hins aðilans,“ rekur Oddur. Þegar þessi túlkun lögmannsins barst honum kveðst Oddur hafa bent á að kirkjuráð hefði ekkert slíkt leyfi gefið út til Traðabónda. Samt auglýstu Traðir veiðileyfi á vefsíðu sinni og „ótal vitni væru að því að menn óskyldir Traðabónda og jafnvel þjóðþekktir menn“ væru að veiða í ánni. „Lögmaðurinn brást við þessu með því að halda fram að auglýsingin væri gömul og gleymst hefði að taka hana af vefsíðunni. Veiðimennirnir væru hins vegar vinir Traðabónda sem hann af góðmennsku sinni leyfði að veiða í ósi árinnar við hlað Traða. Allir vissu að þetta var ekki svo og því var haldið fram að Traðabóndi hefði selt þrjár stangir á dag allt til enda veiðitímabilsins sem mun vera 20. september,“ segir Oddur. Þá segir Oddur að veiðileigutakar prestsins hafi séð fram á að leigan sem þeir höfðu greitt væri tapað fé. Rætt hafi verið um skaðabótakröfur á hendur Traðabónda. „Kenning lögmannsins um vini Traðabónda, jafn fjarstæðukennd og hún var, hlaut hins vegar að gilda jafnt um báða aðila og enginn gat látið reyna á hana af hálfu Staðastaðar nema framkvæmdastjóri kirkjuráðs. Þess vegna var ákveðið að hann byði tveimur gestum sínum að veiða í ánni um verslunarmannahelgina eins og haft er eftir Traðabónda eða lögmanni hans í grein Fréttablaðsins á miðvikudaginn,“ segir Oddur og ítrekar að ekkert hafi orðið af veiðum. „Þegar fyrri veiðimaðurinn kom að ánni birtist Traðabóndi og meinaði honum að veiða. Það mál endaði inni á borði lögreglunnar í Ólafsvík vegna þess að framkoma Traðabónda var talin jafngilda hótunum um líkamsmeiðingar. Ekki kom þó til afskipta lögreglunnar þar eð veiðimaður hrökklaðist frá og hætti við að reyna veiði,“ segir framkvæmdastjóri kirkjuráðs. Birtist í Fréttablaðinu Mest lesið Sagður hafa nauðgað konu fyrir níu árum Innlent Mennirnir tveir fundnir Innlent Mættur í Samfylkinguna Innlent Færri ánægðir með Höllu en Guðna og Ólaf Ragnar Innlent Brynjar ákærður fyrir að brjóta á fleiri stúlkum Innlent Ítalía tekur aftur upp agaviðurlög frá tíma Mussolini Erlent Líf segir söguna um stóladans Mörtu og Hildar dagsanna Innlent Marta hafnar því alfarið að hafa ítrekað sest í stól Hildar Innlent Unglingar á ofsahraða reyndu að stinga lögregluna af Innlent Hlaut varanlegan skaða vegna myglu en fær ekki krónu Innlent Fleiri fréttir „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Sjá meira
„Það er unnið hörðum höndum að því að ná sáttum um skiptingu veiðiréttarins,“ segir Oddur Einarsson, framkvæmdastjóri kirkjuráðs, um deilur milli Þjóðkirkjunnar og eiganda jarðarinnar Traða um veiðirétt í Staðará á Snæfellsnesi. Eins og fram kom í Fréttablaðinu 30. ágúst síðastliðinn segir Oddur að hann hafi boðið tveimur gestum sínum til veiða í Staðará um verslunarmannahelgina í skjóli veiðiréttar prestsetursjarðarinnar Staðastaðar. Þeir hafi ekki getað veitt vegna áreitis og hótana frá Traðabóndanum. Landeigandinn, Gunnar Jónasson, neitaði því að hafa haft í hótunum. Í mars síðastliðnum dæmdi Hæstiréttur að veiðin, sem að mestu er sjóbirtingsveiði, væri í óskiptu landi jarðanna tveggja. Aðspurður hvernig á því standi að framkvæmdastjóri kirkjuráðs geti boðið sínum eigin gestum til stangveiða í Staðará segir Oddur eðlilegt að spurningar vakni við það. Hann bendir á að áður en sóknarpresturinn á Staðastað, séra Páll Ágúst Ólafsson, hafi verið fluttur úr embættinu hafi Páll endurnýjað samning sem hann hafði gert árlega við tvo einstaklinga um veiði í ánni fyrir landi Staðastaðar.Oddur Einarsson, framkvæmdastjóri Kirkjuráðs.vísir/björn g.„Eftir að sóknarpresturinn hvarf úr embættinu var prestslaust og þar með enginn ábúandi á Staðastað en Kirkjumálasjóður á jörðina og framkvæmdastjóri kirkjuráðs fer þannig með eignarhaldið fyrir hönd kirkjuráðs,“ útskýrir Oddur. Eftir dóm Hæstaréttar um veiðiréttinn hafi samningur leigutaka prestsins verið í uppnámi. „Sambúðin við Traðabónda hafði verið stormasöm og ekki batnaði hún við dóminn en lögmaður Traðabónda hélt því fram við annan leigutaka prestsins að samningur þeirra væri einskis virði, enda ólögmætur, og tjáði honum þá skoðun sína að færi hann fram á lögbann við veiði frá Staðastað fengi hann það samstundis því af dómi Hæstaréttar leiddi að hvorugur aðilinn, Traðabóndi eða ábúandi á Staðastað, hefði heimild til að selja þriðja aðila veiðileyfi í Staðará nema með skriflegu samþykki hins aðilans,“ rekur Oddur. Þegar þessi túlkun lögmannsins barst honum kveðst Oddur hafa bent á að kirkjuráð hefði ekkert slíkt leyfi gefið út til Traðabónda. Samt auglýstu Traðir veiðileyfi á vefsíðu sinni og „ótal vitni væru að því að menn óskyldir Traðabónda og jafnvel þjóðþekktir menn“ væru að veiða í ánni. „Lögmaðurinn brást við þessu með því að halda fram að auglýsingin væri gömul og gleymst hefði að taka hana af vefsíðunni. Veiðimennirnir væru hins vegar vinir Traðabónda sem hann af góðmennsku sinni leyfði að veiða í ósi árinnar við hlað Traða. Allir vissu að þetta var ekki svo og því var haldið fram að Traðabóndi hefði selt þrjár stangir á dag allt til enda veiðitímabilsins sem mun vera 20. september,“ segir Oddur. Þá segir Oddur að veiðileigutakar prestsins hafi séð fram á að leigan sem þeir höfðu greitt væri tapað fé. Rætt hafi verið um skaðabótakröfur á hendur Traðabónda. „Kenning lögmannsins um vini Traðabónda, jafn fjarstæðukennd og hún var, hlaut hins vegar að gilda jafnt um báða aðila og enginn gat látið reyna á hana af hálfu Staðastaðar nema framkvæmdastjóri kirkjuráðs. Þess vegna var ákveðið að hann byði tveimur gestum sínum að veiða í ánni um verslunarmannahelgina eins og haft er eftir Traðabónda eða lögmanni hans í grein Fréttablaðsins á miðvikudaginn,“ segir Oddur og ítrekar að ekkert hafi orðið af veiðum. „Þegar fyrri veiðimaðurinn kom að ánni birtist Traðabóndi og meinaði honum að veiða. Það mál endaði inni á borði lögreglunnar í Ólafsvík vegna þess að framkoma Traðabónda var talin jafngilda hótunum um líkamsmeiðingar. Ekki kom þó til afskipta lögreglunnar þar eð veiðimaður hrökklaðist frá og hætti við að reyna veiði,“ segir framkvæmdastjóri kirkjuráðs.
Birtist í Fréttablaðinu Mest lesið Sagður hafa nauðgað konu fyrir níu árum Innlent Mennirnir tveir fundnir Innlent Mættur í Samfylkinguna Innlent Færri ánægðir með Höllu en Guðna og Ólaf Ragnar Innlent Brynjar ákærður fyrir að brjóta á fleiri stúlkum Innlent Ítalía tekur aftur upp agaviðurlög frá tíma Mussolini Erlent Líf segir söguna um stóladans Mörtu og Hildar dagsanna Innlent Marta hafnar því alfarið að hafa ítrekað sest í stól Hildar Innlent Unglingar á ofsahraða reyndu að stinga lögregluna af Innlent Hlaut varanlegan skaða vegna myglu en fær ekki krónu Innlent Fleiri fréttir „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Sjá meira