Gullsendingar Jóhanns skiluðu Burnley sex stigum á sex dögum Óskar Ófeigur Jónsson skrifar 6. nóvember 2017 06:00 Jóhann Berg Guðmundsson. Vísir/Getty Jóhann Berg Guðmundsson ætti að koma í góðu skapi til móts við félaga sína í landsliðinu þegar strákarnir okkar hittast í Katar í dag. Lið hans Burnley er í hópi sjö efstu liða ensku úrvalsdeildarinnar eftir þriðja útisigurinn á tímabilinu um helgina. Engin útivallarvandræði lengur Liðið sem fékk 83 prósent stiga sína á heimavelli sínum á síðustu leiktíð (33 af 40) hefur blómstrað á útivöllum í vetur og er nú með þremur fleiri stig þar (11) en á hinum einstaka heimavelli þess á Turf Moor (8). Sigurinn á mánudagskvöldið var þó á Turf Moor þegar liðið vann Newcastle 1-0. Jóhann Berg sem endaði fjögurra ára og 34 leikja bið sína eftir marki í íslenska landsliðsbúningnum þegar íslensku strákarnir tryggðu sig inn á HM í síðasta mánuði kom til baka til Burnley með sjálfstraustið í botni. Jóhann Berg kom íslenska liðinu í 1-0 úti í Tyrklandi sem og nánast gulltryggði sigurinn með því að koma Íslandi í 2-0 á móti Kósóvó á Laugardalsvellinum. Mikilvægi markanna verður aldrei metið að fullu en íslenska liðið var komið í báðum tilfellum í allt aðra og betri stöðu í hreinum úrslitaleikjum um sæti á HM í Rússlandi næsta sumar.Vísir/GettyÞrjár stoðsendingar í fjórum leikjum Frá því að hann kom til baka þá hefur Jóhann Berg gefið þrjár stoðsendingar í fjórum deildarleikjum Burnley og þessar stoðsendingar hafa skilað Burnley-liðinu samtals sjö stigum. Auk þess að leggja upp sigurmarkið í leikjunum á móti bæði Newcastle og Southampton þá lagði Jóhann Berg einnig upp jöfnunarmarkið í 1-1 jafntefli við West Ham. Jóhann Berg sat á bekknum í síðasta leik Burnley fyrir þetta sögufræga landsleikjahlé í byrjun október en kom aftur út sem ein af hetjunum sem komu litla Íslandi á heimsmeistaramótið í fyrsta skiptið. Hann byrjaði reyndar á bekknum í fyrsta leik eftir landsleikina en kom þá inná og lagði upp jöfnunarmark liðsins á móti West Ham. Sean Dyche, knattspyrnustjóri Burnley, hefur verið með okkar mann í byrjunarliðinu í síðustu tveimur leikjum og sér ekki eftir því í dag. Jóhann Berg lagði upp sigurmark Jeff Hendrick á mánudaginn og svo lagði hann upp sigurmark Sam Vokes um helgina. „Þetta er eitt af bestu skallamörkum sem ég hef séð. Þetta var frábær fyrirgjöf og frábær afgreiðsla,“ sagði Sean Dyche um sigurmarkið hjá Sam Vokes sem kom níu mínútum fyrir leikslok. „Við þurftum að hafa mikið fyrir þessum tveimur sigrum en það mátti ekki mikið útaf bera. Við vitum hverjir við erum og ég er mjög ánægður með hvar við erum. Það eru krefjandi verkefni á leiðinni en liðið veit að það kemur ekkert til okkar nema að við vinnum fyrir því,“ sagði Dyche.Frábær bolti frá Jóhanni Sam Vokes kom inn á sem varamaður á móti sínu uppeldisfélagi. „Ég veit að þegar Jóhann er með boltann þá vill hann skipta yfir á vinstri fótinn sinn. Hann náði frábærum bolta fyrir og það var æðislegt að ná að skalla boltann í markið. Þetta snýst um liðið og við erum með sterkt lið núna, sterkasta liðið okkar í nokkur ár,“ sagði Sam Vokes. Jóhann Berg hefur gefið 3 stoðsendingar á 242 mínútum frá því að hann kom aftur til Burnley eftir að hafa hjálpað Íslandi að komast á HM í fyrsta sinn sem þýðir að hann er að gefa stoðsendingu á 80 mínútna fresti.Vísir/GettyNýtt persónulegt met Með þessum þremur stoðsendingum þá er Jóhann Berg búinn að setja nýtt persónulegt met í ensku úrvalsdeildinni en hann náði „bara“ að gefa tvær stoðsendingar á síðasta tímabili sem hans fyrsta í vinsælustu deild Evrópu. Þá var hann ellefu stoðsendingum á eftir landa sínum Gylfa Þór Sigurðssyni en nú er hann þremur stoðsendingum á undan Gylfa sem á enn eftir að gefa stoðsendingu á ensku úrvalsdeildinni á þessu tímabili. Enski boltinn Mest lesið Hermann hættur með ÍBV Íslenski boltinn Fáránlegt hneyksli ofurhlaupara: Breyttu Wikipedia-síðum Sport Pabbinn fékk tattú á punginn Sport Ætlar sér að vinna heimsleikana í Crossfit Sport Pavel nýr liðsmaður Bónus Körfuboltakvölds Körfubolti Átján ára hjólreiðakona í lífshættu Sport Bestu guttarnir í Bestu deild karla Íslenski boltinn Man United stefnir á að vinna ensku úrvalsdeildina árið 2028 Enski boltinn Svona var kynningarfundurinn fyrir fyrir Bónus-deildirnar Körfubolti Álftanes lét Frakkann fara og samdi við Okeke Körfubolti Fleiri fréttir Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Stefán fær Arsenal í heimsókn Hvern gæti Man City sótt í stað Rodri? „Eina sem gerir mann betri er að vinna“ Bragðdauft á Old Trafford Liverpool kom til baka eftir að lenda undir Skytturnar skoruðu fimm Arteta varðist ásökunum: „Þá væri ég mjög tregur“ „Pep Guardiola eyðilagði fótboltann“ Varalið Villa kreisti út sigur á C-deildarliðinu Naumur sigur dugði City Nkunku með þrennu gegn D-deildarliðinu Fyrrum lögmaður Trump vill í enska boltann Tímabilið búið hjá Rodri? Bandaríkjamenn að eignast Everton Haaland ekki refsað BBC gefur í skyn að draumur Freys gæti ræst Keane segir Arteta að taka lyfin sín Ótrúleg og áður óséð tölfræði: Tveir Arsenal-menn áttu enga sendingu Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli „Allir vilja að við verðum þurrkaðir af yfirborði jarðar“ „Átum þá lifandi í fyrri hálfleik“ „Ekki jafn auðvelt og lokatölurnar gáfu til kynna“ Gestirnir ívið betri en engin mörk skoruð Sjá meira
Jóhann Berg Guðmundsson ætti að koma í góðu skapi til móts við félaga sína í landsliðinu þegar strákarnir okkar hittast í Katar í dag. Lið hans Burnley er í hópi sjö efstu liða ensku úrvalsdeildarinnar eftir þriðja útisigurinn á tímabilinu um helgina. Engin útivallarvandræði lengur Liðið sem fékk 83 prósent stiga sína á heimavelli sínum á síðustu leiktíð (33 af 40) hefur blómstrað á útivöllum í vetur og er nú með þremur fleiri stig þar (11) en á hinum einstaka heimavelli þess á Turf Moor (8). Sigurinn á mánudagskvöldið var þó á Turf Moor þegar liðið vann Newcastle 1-0. Jóhann Berg sem endaði fjögurra ára og 34 leikja bið sína eftir marki í íslenska landsliðsbúningnum þegar íslensku strákarnir tryggðu sig inn á HM í síðasta mánuði kom til baka til Burnley með sjálfstraustið í botni. Jóhann Berg kom íslenska liðinu í 1-0 úti í Tyrklandi sem og nánast gulltryggði sigurinn með því að koma Íslandi í 2-0 á móti Kósóvó á Laugardalsvellinum. Mikilvægi markanna verður aldrei metið að fullu en íslenska liðið var komið í báðum tilfellum í allt aðra og betri stöðu í hreinum úrslitaleikjum um sæti á HM í Rússlandi næsta sumar.Vísir/GettyÞrjár stoðsendingar í fjórum leikjum Frá því að hann kom til baka þá hefur Jóhann Berg gefið þrjár stoðsendingar í fjórum deildarleikjum Burnley og þessar stoðsendingar hafa skilað Burnley-liðinu samtals sjö stigum. Auk þess að leggja upp sigurmarkið í leikjunum á móti bæði Newcastle og Southampton þá lagði Jóhann Berg einnig upp jöfnunarmarkið í 1-1 jafntefli við West Ham. Jóhann Berg sat á bekknum í síðasta leik Burnley fyrir þetta sögufræga landsleikjahlé í byrjun október en kom aftur út sem ein af hetjunum sem komu litla Íslandi á heimsmeistaramótið í fyrsta skiptið. Hann byrjaði reyndar á bekknum í fyrsta leik eftir landsleikina en kom þá inná og lagði upp jöfnunarmark liðsins á móti West Ham. Sean Dyche, knattspyrnustjóri Burnley, hefur verið með okkar mann í byrjunarliðinu í síðustu tveimur leikjum og sér ekki eftir því í dag. Jóhann Berg lagði upp sigurmark Jeff Hendrick á mánudaginn og svo lagði hann upp sigurmark Sam Vokes um helgina. „Þetta er eitt af bestu skallamörkum sem ég hef séð. Þetta var frábær fyrirgjöf og frábær afgreiðsla,“ sagði Sean Dyche um sigurmarkið hjá Sam Vokes sem kom níu mínútum fyrir leikslok. „Við þurftum að hafa mikið fyrir þessum tveimur sigrum en það mátti ekki mikið útaf bera. Við vitum hverjir við erum og ég er mjög ánægður með hvar við erum. Það eru krefjandi verkefni á leiðinni en liðið veit að það kemur ekkert til okkar nema að við vinnum fyrir því,“ sagði Dyche.Frábær bolti frá Jóhanni Sam Vokes kom inn á sem varamaður á móti sínu uppeldisfélagi. „Ég veit að þegar Jóhann er með boltann þá vill hann skipta yfir á vinstri fótinn sinn. Hann náði frábærum bolta fyrir og það var æðislegt að ná að skalla boltann í markið. Þetta snýst um liðið og við erum með sterkt lið núna, sterkasta liðið okkar í nokkur ár,“ sagði Sam Vokes. Jóhann Berg hefur gefið 3 stoðsendingar á 242 mínútum frá því að hann kom aftur til Burnley eftir að hafa hjálpað Íslandi að komast á HM í fyrsta sinn sem þýðir að hann er að gefa stoðsendingu á 80 mínútna fresti.Vísir/GettyNýtt persónulegt met Með þessum þremur stoðsendingum þá er Jóhann Berg búinn að setja nýtt persónulegt met í ensku úrvalsdeildinni en hann náði „bara“ að gefa tvær stoðsendingar á síðasta tímabili sem hans fyrsta í vinsælustu deild Evrópu. Þá var hann ellefu stoðsendingum á eftir landa sínum Gylfa Þór Sigurðssyni en nú er hann þremur stoðsendingum á undan Gylfa sem á enn eftir að gefa stoðsendingu á ensku úrvalsdeildinni á þessu tímabili.
Enski boltinn Mest lesið Hermann hættur með ÍBV Íslenski boltinn Fáránlegt hneyksli ofurhlaupara: Breyttu Wikipedia-síðum Sport Pabbinn fékk tattú á punginn Sport Ætlar sér að vinna heimsleikana í Crossfit Sport Pavel nýr liðsmaður Bónus Körfuboltakvölds Körfubolti Átján ára hjólreiðakona í lífshættu Sport Bestu guttarnir í Bestu deild karla Íslenski boltinn Man United stefnir á að vinna ensku úrvalsdeildina árið 2028 Enski boltinn Svona var kynningarfundurinn fyrir fyrir Bónus-deildirnar Körfubolti Álftanes lét Frakkann fara og samdi við Okeke Körfubolti Fleiri fréttir Man United stefnir á að vinna ensku úrvalsdeildina árið 2028 Samherji Stefáns Teits kærður fyrir meint bit Kroos ætlaði að fara til United en svo var Moyes rekinn Keane: „Arsenal er með hugarfar smáliðs“ Telur sig geta fyllt skarð Rodri Stjóri West Ham meiddist gegn Liverpool og yfirgaf völlinn á hækjum Stefán fær Arsenal í heimsókn Hvern gæti Man City sótt í stað Rodri? „Eina sem gerir mann betri er að vinna“ Bragðdauft á Old Trafford Liverpool kom til baka eftir að lenda undir Skytturnar skoruðu fimm Arteta varðist ásökunum: „Þá væri ég mjög tregur“ „Pep Guardiola eyðilagði fótboltann“ Varalið Villa kreisti út sigur á C-deildarliðinu Naumur sigur dugði City Nkunku með þrennu gegn D-deildarliðinu Fyrrum lögmaður Trump vill í enska boltann Tímabilið búið hjá Rodri? Bandaríkjamenn að eignast Everton Haaland ekki refsað BBC gefur í skyn að draumur Freys gæti ræst Keane segir Arteta að taka lyfin sín Ótrúleg og áður óséð tölfræði: Tveir Arsenal-menn áttu enga sendingu Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli „Allir vilja að við verðum þurrkaðir af yfirborði jarðar“ „Átum þá lifandi í fyrri hálfleik“ „Ekki jafn auðvelt og lokatölurnar gáfu til kynna“ Gestirnir ívið betri en engin mörk skoruð Sjá meira