Ögmundur hélt hreinu

Ögmundur Kristinsson hélt marki sínu hreinu í dag þegar Excelsior mætti Roda í hollensku úrvalsdeildinni.

Excelsior voru manni færri bróðurpart leiksins, en Mikhael Rosheuvel lét reka sig af velli á 36. mínútu.

Luigi Bruins skoraði sigurmarkið á 42. mínútu leiksins. Hann hefði getað tvöfaldað forystu Excelsior á 78. mínútu er hann brenndi af vítasprynu. Lokatölur urðu 1-0 fyrir heimamenn.

Excelsior er í sjöunda sæti deildarinnar eftir ellefu umferðir.