Kári á skotskónum fyrir Aberdeen

Kári Árnason skoraði sitt fyrsta mark á tímabilinu í skosku úrvalsdeildinni í dag þegar Aberdeen gerði 2-2 jafntefli við Hamilton.

Mark Kára kom á 74. mínútu í stöðunni 1-1 eftir stoðsendingu frá Stevie May.

Dougie Imrie hafði komið heimamönnum í Hamilton yfir á 19. mínútu, en Greg Stewart jafnaði fyrir Aberdeen átta mínútum seinna.

Það var svo david Templeton sem tryggði Hamilton stig í leiknum með jöfnunarmarki á 76. mínútu.

Aberdeen er í öðru sæti deildarinnar, þremur stigum á eftir toppliði Celtic.