Áfram sat Birkir á bekknum Ástrós Ýr Eggertsdóttir skrifar 4. nóvember 2017 17:00 Birkir Bjarnason fær lítið að spila fyrir Villa vísir/getty Birkir Bjarnason og Jón Daði Böðvarsson þurftu báðir að horfa á lið sín spila í ensku 1. deildinni í dag. Jón Daði er meiddur og var því ekki í hóp hjá Reading sem fór með 2-4 sigur á Derby County á útivelli. Þrátt fyrir að hafa verið meira með boltann og skorað fleiri mörk, voru Reading menn undir í flestri tölfræði. Þeir áttu aðeins átta skot, fimm þeirra hittu á rammann og fjögur enduðu í netinu. Gestirnir fengu ekki eina einustu hornspyrnu í leiknum, en Derby átti átta stykki. Reading fer með sigrinum upp í átjánda sæti deildarinnar og er nú sex stigum frá fallsæti. Birkir þurfti að sitja á varamannabekknum enn einn leikinn í 1-2 tapi gegn Sheffield Wednesday. Adam Reach kom Wednesday yfir strax á fyrstu mínútu leiksins með skoti fyrir utan teig. Jordan Rhodes bætti öðru markinu við á 23. mínútu, en Christopher Samba náði að klóra aðeins í bakkann fyrir Villa á lokamínútunum. Villa er í fimmta sæti deildarinnar, níu stigum á eftir toppliði Wolves. Enski boltinn
Birkir Bjarnason og Jón Daði Böðvarsson þurftu báðir að horfa á lið sín spila í ensku 1. deildinni í dag. Jón Daði er meiddur og var því ekki í hóp hjá Reading sem fór með 2-4 sigur á Derby County á útivelli. Þrátt fyrir að hafa verið meira með boltann og skorað fleiri mörk, voru Reading menn undir í flestri tölfræði. Þeir áttu aðeins átta skot, fimm þeirra hittu á rammann og fjögur enduðu í netinu. Gestirnir fengu ekki eina einustu hornspyrnu í leiknum, en Derby átti átta stykki. Reading fer með sigrinum upp í átjánda sæti deildarinnar og er nú sex stigum frá fallsæti. Birkir þurfti að sitja á varamannabekknum enn einn leikinn í 1-2 tapi gegn Sheffield Wednesday. Adam Reach kom Wednesday yfir strax á fyrstu mínútu leiksins með skoti fyrir utan teig. Jordan Rhodes bætti öðru markinu við á 23. mínútu, en Christopher Samba náði að klóra aðeins í bakkann fyrir Villa á lokamínútunum. Villa er í fimmta sæti deildarinnar, níu stigum á eftir toppliði Wolves.