Landsbyggðarlausnir Landspítalans Hildur Sólveig Sigurðardóttir skrifar 10. febrúar 2017 07:54 Hávær umræða um húsnæðisvanda Landspítalans hefur ekki farið framhjá neinum. Allir gangar, skúmaskot og kytrur eru nýttar til umönnunar sjúklinga enda vill hið öfluga og færa starfsfólk sem þar starfar síður þurfa að vísa sjúkum einstaklingum í neyð, frá sér. Þessi vandi kemur mér þó ekki í opna skjöldu. Ævilengd Íslendinga er að aukast, lífstílssjúkdómum og afleiðingum þeirra fjölgar hratt og á sama tíma er þjónustuskerðandi landsbyggðarstefna velferðarkerfisins að stórauka álag á húsnæði Landspítalans.Frá VestmannaeyjumHildur SólveigFlytjum sjúklinga af göngunum Í dag eru fjölmargar sjúkra- og skurðstofur á landsbyggðarsjúkrahúsum vannýttar líkt og meðfylgjandi myndir frá Vestmannaeyjum sýna. Þarna leynast tækifæri í augljósum andstæðum. Með útvistun afmarkaðra verkefna Landspítalans til annarra stofnana mætti stytta biðlista, með fjölgun hjúkrunarrýma mætti draga úr fráflæðisvanda Landspítalans, með opnun skurðstofa mætti draga úr þjónustuþörf landsbyggðarsjúklinga við Landspítala. Með öflugri og markvissri heilbrigðisstefnu fyrir landsbyggðina væri hægt að létta álagi af starfsfólki og húsnæði Landspítala en á sama tíma aukið þá grunnþjónustu og það öryggi sem íbúar á landsbyggðinni hafa fullan rétt á að njóta.Frá VestmannaeyjumHildur SólveigÞörf á sjúkraflugi eykst en neyðarbraut lokað Starfhæfum skurðstofum víðsvegar um landið hefur markvisst verið lokað í hagræðingarskyni en sá sparnaður er í það minnsta véfengjanlegur. T.a.m. hefur kostnaður við sjúkraflug á Íslandi vaxið um 35% á árunum 2012-2015. Það sem alvarlegra er, að eins og kemur fram í skýrslu Ríkisendurskoðunar frá 2013, þá hefur viðbragðstími lengst í sjúkraflugi frá Vestfjörðum og Vestmannaeyjum sökum staðsetningar sjúkravélar á Akureyri sem skerðir öryggi íbúa á þeim svæðum. Ofan á allt, þegar íbúar landsbyggðarinnar eru þvingaðir til að sækja lífsnauðsynlega þjónustu til Landspítalans er neyðarbraut flugvallarins í Vatnsmýri lokað, en það er dauðans alvara.Frá VestmannaeyjumHildur SólveigFæðingartíðni í Vestmannaeyjum hefur hrunið um 92,5% Fæðingarþjónusta hefur að sama skapi verið skert verulega og mun að öllu óbreyttu leggjast af á landsbyggðinni, að Akureyri undanskilinni. Sem dæmi má nefna að á árunum 2009-2016 hefur fæðingum í Vestmannaeyjum fækkað úr 40 niður í 3 á ári, eða um 92,5%. Engar mótvægisaðgerðir, á borð við lengra fæðingarorlof eða húsnæðisstyrki, hafa litið dagsins ljós fyrir þær fjölskyldur sem þurfa að dvelja langtímum saman fjarri heimilum sínum.Hildur SólveigSníðum stakk eftir vexti Mikil sérhæfing hefur orðið á undanförnum áratugum innan læknastéttarinnar og eru fleiri sérfræðilæknar á íbúa á Íslandi en á Norðurlöndum. Hinn gamli góði almenni skurðlæknir sem gat framkvæmt keisaraskurð, botnlangaskurð og þar fram eftir götunum er hins vegar að heyra sögunni til. Í ljósi þess tel ég mikla nauðsyn á því að heilbrigðisyfirvöld í samstarfi við háskólasamfélagið ýti undir þróun svokallaðra landsbyggðarlækninga að fordæmi annarra landa með tilliti til þarfa sveitarfélaga á landsbyggðinni. Hildur SólveigSkýra framtíðarsýn í heilbrigðisþjónustuNú liggur á borði velferðarráðuneytis mótun heilbrigðisstefnu til 2022. Í drögum hennar er kallað eftir betra skipulagi á þjónustu sérfræðilækna á landsbyggðinni og áhersla lögð á fjarheilbrigðisþjónustu. Þetta eru vissulega góð og gild skref en betur má ef duga skal. Ég bind miklar vonir við nýskipaðan heilbrigðisráðherra, ég hef trú á og vænti þess að hann geti mótað þá heildstæðu framtíðarsýn í heilbrigðismálum sem er nauðsynleg fyrir landið allt. Hugsum í tækifærum en ekki torfærum. Viltu birta grein á Vísi? Sendu okkur póst. Senda grein Mest lesið Valdatafl Skák og Mát! Lárus Guðmundsson Skoðun Miðflokkurinn: fjarverandi í landi tækifæranna Lilja Hrund Lúðvíksdóttir Skoðun Íslensk kjör á íslenskum vinnumarkaði Kristrún Frostadóttir Skoðun Er rúmdýnan þín hægt og rólega að murka úr þér líftóruna? Gunnar Dan Wiium Skoðun Riddarar kærleikans Halla Tómasdóttir Skoðun Það sem „gleymist“ að segja Sigmar Guðmundsson Skoðun Viðbrögð við vanlíðan ungmenna Sandra Björk Birgisdóttir Skoðun Nýtt upphaf hjá Vinstri grænum Hólmfríður Jennýjar Árnadóttir Skoðun Við getum ekki beðið í 131 ár Jódís Skúladóttir Skoðun Þegar Joe Camel varð jafngóður vinur barnanna og Mikki mús Eyrún Magnúsdóttir Skoðun Skoðun Skoðun Laxalús og varnir gegn henni Jón Sveinsson skrifar Skoðun En hér er ég ekkert... Nichole Leigh Mosty skrifar Skoðun Við getum ekki beðið í 131 ár Jódís Skúladóttir skrifar Skoðun Nýtt upphaf hjá Vinstri grænum Hólmfríður Jennýjar Árnadóttir skrifar Skoðun Íslensk kjör á íslenskum vinnumarkaði Kristrún Frostadóttir skrifar Skoðun Viðbrögð við vanlíðan ungmenna Sandra Björk Birgisdóttir skrifar Skoðun Valdatafl Skák og Mát! Lárus Guðmundsson skrifar Skoðun FO: Hvernig getur þú skipt sköpum fyrir konur í Súdan? Áslaug Eva Björnsdóttir skrifar Skoðun Tvö útspil Pírata fyrir notendur heilbrigðiskerfisins Halldóra Mogensen,Eva Sjöfn Helgadóttir skrifar Skoðun Miðflokkurinn: fjarverandi í landi tækifæranna Lilja Hrund Lúðvíksdóttir skrifar Skoðun Við stöndum saman með réttindum táknmálsins! Mordekaí Elí Esrason skrifar Skoðun Það sem „gleymist“ að segja Sigmar Guðmundsson skrifar Skoðun Hvar er fótspor stjórnvalda gegn vinnumansali? Þorbjörrg Sigríður Gunnlaugsdóttir skrifar Skoðun Þegar Joe Camel varð jafngóður vinur barnanna og Mikki mús Eyrún Magnúsdóttir skrifar Skoðun Riddarar kærleikans Halla Tómasdóttir skrifar Skoðun Um mennsku og samfélag Bolli Pétur Bollason skrifar Skoðun Er rúmdýnan þín hægt og rólega að murka úr þér líftóruna? Gunnar Dan Wiium skrifar Skoðun Sársaukafull vaxtarmörk Berglind Ósk Guðmundsdóttir skrifar Skoðun Skynsemi Miðflokksins Ása Lind Finnbogadóttir skrifar Skoðun Tölum íslensku Kolbrún Áslaugar Baldursdóttir skrifar Skoðun Er Miðflokkurinn fyrir ungt fólk? Anton Sveinn McKee skrifar Skoðun Svarar ekki kostnaði að bjarga sjálfum sér Kári Helgason skrifar Skoðun Um orkuskort, auðlindir og endurvinnslu Guðríður Eldey Arnardóttir skrifar Skoðun Er padda í vaskinum? Vilborg Gunnarsdóttir skrifar Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar Skoðun Rannsökum og ræðum menntakerfið Kolbrún Þ. Pálsdóttir skrifar Skoðun Kæra sig ekki um evruna Hjörtur J. Guðmundsson skrifar Skoðun Opið bréf til fjölmiðla Magnús Guðmundsson skrifar Skoðun Horfið á möguleikana í samfélagslegri ábyrgð Guðmundur Ingi Þóroddsson skrifar Skoðun Aftur til fortíðar Birta Karen Tryggvadóttir skrifar Sjá meira
Hávær umræða um húsnæðisvanda Landspítalans hefur ekki farið framhjá neinum. Allir gangar, skúmaskot og kytrur eru nýttar til umönnunar sjúklinga enda vill hið öfluga og færa starfsfólk sem þar starfar síður þurfa að vísa sjúkum einstaklingum í neyð, frá sér. Þessi vandi kemur mér þó ekki í opna skjöldu. Ævilengd Íslendinga er að aukast, lífstílssjúkdómum og afleiðingum þeirra fjölgar hratt og á sama tíma er þjónustuskerðandi landsbyggðarstefna velferðarkerfisins að stórauka álag á húsnæði Landspítalans.Frá VestmannaeyjumHildur SólveigFlytjum sjúklinga af göngunum Í dag eru fjölmargar sjúkra- og skurðstofur á landsbyggðarsjúkrahúsum vannýttar líkt og meðfylgjandi myndir frá Vestmannaeyjum sýna. Þarna leynast tækifæri í augljósum andstæðum. Með útvistun afmarkaðra verkefna Landspítalans til annarra stofnana mætti stytta biðlista, með fjölgun hjúkrunarrýma mætti draga úr fráflæðisvanda Landspítalans, með opnun skurðstofa mætti draga úr þjónustuþörf landsbyggðarsjúklinga við Landspítala. Með öflugri og markvissri heilbrigðisstefnu fyrir landsbyggðina væri hægt að létta álagi af starfsfólki og húsnæði Landspítala en á sama tíma aukið þá grunnþjónustu og það öryggi sem íbúar á landsbyggðinni hafa fullan rétt á að njóta.Frá VestmannaeyjumHildur SólveigÞörf á sjúkraflugi eykst en neyðarbraut lokað Starfhæfum skurðstofum víðsvegar um landið hefur markvisst verið lokað í hagræðingarskyni en sá sparnaður er í það minnsta véfengjanlegur. T.a.m. hefur kostnaður við sjúkraflug á Íslandi vaxið um 35% á árunum 2012-2015. Það sem alvarlegra er, að eins og kemur fram í skýrslu Ríkisendurskoðunar frá 2013, þá hefur viðbragðstími lengst í sjúkraflugi frá Vestfjörðum og Vestmannaeyjum sökum staðsetningar sjúkravélar á Akureyri sem skerðir öryggi íbúa á þeim svæðum. Ofan á allt, þegar íbúar landsbyggðarinnar eru þvingaðir til að sækja lífsnauðsynlega þjónustu til Landspítalans er neyðarbraut flugvallarins í Vatnsmýri lokað, en það er dauðans alvara.Frá VestmannaeyjumHildur SólveigFæðingartíðni í Vestmannaeyjum hefur hrunið um 92,5% Fæðingarþjónusta hefur að sama skapi verið skert verulega og mun að öllu óbreyttu leggjast af á landsbyggðinni, að Akureyri undanskilinni. Sem dæmi má nefna að á árunum 2009-2016 hefur fæðingum í Vestmannaeyjum fækkað úr 40 niður í 3 á ári, eða um 92,5%. Engar mótvægisaðgerðir, á borð við lengra fæðingarorlof eða húsnæðisstyrki, hafa litið dagsins ljós fyrir þær fjölskyldur sem þurfa að dvelja langtímum saman fjarri heimilum sínum.Hildur SólveigSníðum stakk eftir vexti Mikil sérhæfing hefur orðið á undanförnum áratugum innan læknastéttarinnar og eru fleiri sérfræðilæknar á íbúa á Íslandi en á Norðurlöndum. Hinn gamli góði almenni skurðlæknir sem gat framkvæmt keisaraskurð, botnlangaskurð og þar fram eftir götunum er hins vegar að heyra sögunni til. Í ljósi þess tel ég mikla nauðsyn á því að heilbrigðisyfirvöld í samstarfi við háskólasamfélagið ýti undir þróun svokallaðra landsbyggðarlækninga að fordæmi annarra landa með tilliti til þarfa sveitarfélaga á landsbyggðinni. Hildur SólveigSkýra framtíðarsýn í heilbrigðisþjónustuNú liggur á borði velferðarráðuneytis mótun heilbrigðisstefnu til 2022. Í drögum hennar er kallað eftir betra skipulagi á þjónustu sérfræðilækna á landsbyggðinni og áhersla lögð á fjarheilbrigðisþjónustu. Þetta eru vissulega góð og gild skref en betur má ef duga skal. Ég bind miklar vonir við nýskipaðan heilbrigðisráðherra, ég hef trú á og vænti þess að hann geti mótað þá heildstæðu framtíðarsýn í heilbrigðismálum sem er nauðsynleg fyrir landið allt. Hugsum í tækifærum en ekki torfærum.
Skoðun Tvö útspil Pírata fyrir notendur heilbrigðiskerfisins Halldóra Mogensen,Eva Sjöfn Helgadóttir skrifar
Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar