Mourinho verður áfram á Old Trafford

Jose Mourinho er ekki á förum frá Old Trafford á næstu árum, en hann skrifaði undir framlengingu á samningi sýnum við Manchester United í dag.

Nýi samningurinn skuldbindur Mourinho við United til 2020, en hann tók við stjórn liðsins í maí 2016.

Portúgalinn er eini stjóri United sem hefur náð að vinna til verðlauna á sínu fyrsta tímabili, en liðið vann bæði deildarbikarinn og Evrópudeildina á síðasta tímabili.

„Jose hefur nú þegar náð að afreka mikið með liðið og ég er mjög ánægður með að hann hafi ákveðið að framlengja samning sinn,“ sagði Ed Woodward, framkvæmdarstjóri United.

United er í öðru sæti ensku úrvalsdeildarinnar, 12 stigum á eftir toppliði Manchester Citu, er komið í 16-liða úrslit Meistaradeildar Evrópu og spilar í fjórðu umferð ensku bikarkeppninnar annað kvöld.

We are delighted to announce Jose Mourinho has signed an extension to his contract with #MUFC.

Club statement: https://t.co/vbGhXWbjcApic.twitter.com/PcprzUIYfI

— Manchester United (@ManUtd) January 25, 2018