Mark og stoðsending hjá Albert

Albert Guðmundsson var enn á ný í markaskónum í Hollandi í kvöld þegar hann spilaði með varaliði PSV gegn Eindhoven FC.

Hann átti frábæran leik, skoraði fjórða mark PSV og lagði upp annað mark leiksins.

Eftir að hafa ekkert komið við sögu í leik aðalliðsins í síðustu umferð þá var Albert í byrjunarliði varaliðsins í kvöld. Hann lagði upp mark fyrir Cody Gakpo á 28. mínútu.

PSV var 3-0 yfir í hálfleik og Albert skoraði fjórða markið snemma í hálfleiknum áður en honum var skipt út af á 71. mínútu.