Yfirgripsmikill kynningartúr um Evrópu Stefán Árni Pálsson skrifar 10. apríl 2018 16:30 Ari Ólafsson söng sig inn í hug og hjörtu íslensku þjóðarinnar í Söngvakeppni sjónvarpsins. RÚV „Undirbúningur vegna Eurovision í Lissabon gengur vel og við sem skipum íslenska hópinn erum ákaflega stolt af þeim góðu viðbrögðum sem Ari Ólafsson og lagið Our Choice eru að fá út um allan heim,“ segir Felix Bergsson, fararstjóri íslenska hópsins, sem heldur út til Portúgal í maí. Felix heldur utan um hópinn í aðdragandanum og í keppninni sjálfri. Felix segir frá þessu í stöðufærslu á Facebook. „Ari er á mikilli kynningarferð um Evrópu og hittir þar aðra listamenn í Eurovision. Þessar ferðir eru að langmestu leyti boðsferðir á vegum tónleikahaldara erlendis. Við höfum ekki alltaf farið þennan rúnt og aldrei hefur hann verið eins yfirgripsmikill og núna. Ari er að vekja gríðarmikla athygli og samfélagsmiðlar hreinlega loga í kringum hann. Það er gaman að fylgjast með honum á twitter, instagram og facebook.“ Felix segist hafa mikla trú á því að kynningarstarfið eigi eftir að skila sér þegar kemur að keppninni í Lissabon. Ari stígur annar á svið á fyrra undanúrslitakvöldinu þann 8. maí í Lissabon. Þá tekur hann lagið Our Choice. Boðberar friðar „Boðskapur lagsins er mikilvægur og það er okkur hjartans mál að koma honum líka vel og kyrfilega á framfæri. Við erum boðberar friðar og umburðarlyndis og ekki veitir af í völtum heimi. Þórunn Clausen, höfundur lagsins, fer með Ara í ferðina og notar tækifærið og tengir sig við aðra lagahöfunda, listamenn og blaðamenn, sem margir hverjir muna eftir henni frá því í Dusseldorf árið 2011. Eurovision aðdáendur elskuðu Vini Sjonna og Coming Home. Löndin sem verða heimsótt í þessum kynningarrúnti eru Bretland (London í síðustu viku), Ísrael (Tel Aviv stórtónleikar í kvöld), Holland (Amsterdam stórtónleikar 14. apríl) og Spánn (Madríd, stórtónleikar 21. apríl). Að auki mun Ari koma við í Lissabon þar sem tökur á „póstkortinu“ fara fram 12. og 13. apríl.“ Þar standi til að fara með Ara hátt upp í loft. „En við megum ekki segja meira um það og bíðum spennt að sjá útkomuna þann 8. maí. Atriðið sjálft verður mjög í anda þess sem var í Laugardalshöll í úrslitum Söngvakeppninnar. Hljómsveitin verður með á sviðinu og syngur bakraddir. Þetta eru þau Arna Rún Ómarsdóttir, Erla Stefánsdóttir, Gunnar Leó Pálsson og Þórunn Erna Clausen. Einn aðili þurfti að stíga frá borði. Það er Einar Þór Jóhannsson gítarleikari en í hans stað kemur enginn annar en Vignir Snær Vigfússon úr Írafár.“ Hann segir að fókusinn verði áfram á hinum unga og glæsilega söngvara. „Hann sækir mikinn styrk í hljómsveitina á sviðinu og við höfum skoðað fjölmörg atriði af sama tagi þar sem hljómsveit er með söngvara á sviði og styrkir heildarmyndina. Við erum sannfærð um að það verði sterk og glæsileg mynd og stöndum fullkomlega með þeirri ákvörðun að hafa hljómsveitina áfram með. Meira vill ég ekki segja um atriðið okkar en hlakka til að heyra viðbrögðin þegar Ari Ólafsson og hljómsveitin stíga á svið þann 8. maí í Altice Arena í Lissabon.“ Mest lesið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Heldur ekki vatni yfir konunni sinni Lífið Gaf eiginmanninum nektarmynd á stórafmælinu Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Íris Ósk selur tryllt hönnunarhús Lífið Fleiri fréttir Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur Sjá meira
„Undirbúningur vegna Eurovision í Lissabon gengur vel og við sem skipum íslenska hópinn erum ákaflega stolt af þeim góðu viðbrögðum sem Ari Ólafsson og lagið Our Choice eru að fá út um allan heim,“ segir Felix Bergsson, fararstjóri íslenska hópsins, sem heldur út til Portúgal í maí. Felix heldur utan um hópinn í aðdragandanum og í keppninni sjálfri. Felix segir frá þessu í stöðufærslu á Facebook. „Ari er á mikilli kynningarferð um Evrópu og hittir þar aðra listamenn í Eurovision. Þessar ferðir eru að langmestu leyti boðsferðir á vegum tónleikahaldara erlendis. Við höfum ekki alltaf farið þennan rúnt og aldrei hefur hann verið eins yfirgripsmikill og núna. Ari er að vekja gríðarmikla athygli og samfélagsmiðlar hreinlega loga í kringum hann. Það er gaman að fylgjast með honum á twitter, instagram og facebook.“ Felix segist hafa mikla trú á því að kynningarstarfið eigi eftir að skila sér þegar kemur að keppninni í Lissabon. Ari stígur annar á svið á fyrra undanúrslitakvöldinu þann 8. maí í Lissabon. Þá tekur hann lagið Our Choice. Boðberar friðar „Boðskapur lagsins er mikilvægur og það er okkur hjartans mál að koma honum líka vel og kyrfilega á framfæri. Við erum boðberar friðar og umburðarlyndis og ekki veitir af í völtum heimi. Þórunn Clausen, höfundur lagsins, fer með Ara í ferðina og notar tækifærið og tengir sig við aðra lagahöfunda, listamenn og blaðamenn, sem margir hverjir muna eftir henni frá því í Dusseldorf árið 2011. Eurovision aðdáendur elskuðu Vini Sjonna og Coming Home. Löndin sem verða heimsótt í þessum kynningarrúnti eru Bretland (London í síðustu viku), Ísrael (Tel Aviv stórtónleikar í kvöld), Holland (Amsterdam stórtónleikar 14. apríl) og Spánn (Madríd, stórtónleikar 21. apríl). Að auki mun Ari koma við í Lissabon þar sem tökur á „póstkortinu“ fara fram 12. og 13. apríl.“ Þar standi til að fara með Ara hátt upp í loft. „En við megum ekki segja meira um það og bíðum spennt að sjá útkomuna þann 8. maí. Atriðið sjálft verður mjög í anda þess sem var í Laugardalshöll í úrslitum Söngvakeppninnar. Hljómsveitin verður með á sviðinu og syngur bakraddir. Þetta eru þau Arna Rún Ómarsdóttir, Erla Stefánsdóttir, Gunnar Leó Pálsson og Þórunn Erna Clausen. Einn aðili þurfti að stíga frá borði. Það er Einar Þór Jóhannsson gítarleikari en í hans stað kemur enginn annar en Vignir Snær Vigfússon úr Írafár.“ Hann segir að fókusinn verði áfram á hinum unga og glæsilega söngvara. „Hann sækir mikinn styrk í hljómsveitina á sviðinu og við höfum skoðað fjölmörg atriði af sama tagi þar sem hljómsveit er með söngvara á sviði og styrkir heildarmyndina. Við erum sannfærð um að það verði sterk og glæsileg mynd og stöndum fullkomlega með þeirri ákvörðun að hafa hljómsveitina áfram með. Meira vill ég ekki segja um atriðið okkar en hlakka til að heyra viðbrögðin þegar Ari Ólafsson og hljómsveitin stíga á svið þann 8. maí í Altice Arena í Lissabon.“
Mest lesið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Heldur ekki vatni yfir konunni sinni Lífið Gaf eiginmanninum nektarmynd á stórafmælinu Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Íris Ósk selur tryllt hönnunarhús Lífið Fleiri fréttir Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Steldu stílnum af heimili Laufeyjar Sama hvað fólki finnst Danska poppdívan Medina selur glæsivilluna Prince-dansarinn Cat er látinn Heillandi haustkvöld í Höfuðstöðinni Svona undirbýr Bogi sig fyrir útsendingu Ekkert mál að hlaupa alveg staurblindur Sjá meira